يا مبتدى صـدق الكـلام وعبيـره
اكتب لنا من صادق احساسك سطور
"""
خـل الأمانـي كـل دربـاً تنيـره
والياس خله دوم منسـي ومكسـور
"""
ارسم على وجه الزمـان ومسيـره
دنيا تنـادي والأمانـي لهـا سـور
"""
قل للذي قال الأمـل طـار طيـره
اصبر ورزقك عند مـولاك مقـدور
"""
الرزق عند الله هـو اللـي يديـره
لوتجتمع كـل البشـر مالهـا دور
"""
لا تجزع من أمره عسى فيه خيـره
لا بد ما تعطيك دنيـا الأمـل نـور
"""
لو بانت أنيـاب الزمـان الكشيـره
ثم صارعك تيار من غبـة بحـور
"""
عشهـا وصورهـا حيـاةً قصيـره
ترى مداها بيـن الأيـام محصـور
"""
وتصافحك من حلو الأيـام سيـره
عنوانها بدل شقى الوقـت بسـرور
"""
ولجـأ لربـك واعبـده واستخيـره
ماجو بالدنيا وإلـى مـت ماجـور
"""
ودرياً يضرك جنبـة أمـش غيـره
خيره بغيره دين وآمـال وشعـور
"""
واللـي يحـاول يستفـزك بخيـره
وتبني لك اكذوبة خيالاتـه قصـور
"""
لا تتبعه يرميـك فـي قـاع بيـره
على طريقة مانت ملـزم ومجبـور
"""
هذي دلايـل فـي سمانـا منيـره
من طالها زادتة من نورهـا نـور
"""
يا مبتدى صـدق الكـلام وعبيـره
جملتنا مشكـور مشكـور مشكـور
المواضيع المتشابهه
يا مبتدى صدق الكلام وعبيره...
العرض العادي
