كلية الخفجي،،،،مهزلة

[حلا الخفجي]

[align=center]السلام عليكم ورحمة الله وبركاته


اولا انا طالبة بالكلية و حبيت اكون من اسرتكم لأني حسيت

انها متكاتفة ...

اخواني (( اعضاء/عضوات )) المنتدى ابي اناقش موضوع يمكن احد

منكم عندهـ حل...!!!

كليتنا المصونه شيبت روسنا من كثر مشاكلها...و لا شفنا تقدم فيها

بس صارو يحاسبون على الغياب بتشديد...المشكلة الكبيرة لما تجيكـ

وحدة من المسؤولات الكبار فيها و لا هي عارفة تتصرف بموضوع ينحل

بتوقيع ورقة...ما اعتقد انها مشكلة معقدة مثل ما هم مصورينها...

كليتنا تنقصها خبرة و معرفة بالانظمة الاكاديمية...شلون يغيرون نظام الدراسة

اذا الهيكل التدريسي مو عارف يتصرف...؟؟؟

هيئتنا التدريسية و الارشادية فآآآآآآآآآآآآآآآشلةو مو قد المسؤؤلية...

المشكلة اللي اتكلم عنها اني السنة اللي فاتت درست مادة نجحت فيها و البانر حاسبها مع

ان لها متطلب دراسي ما درسته طبعا لأني ما ادري و الادارة ما قالولي ما يصير ادرسها..

و بالسنة هذي يبون يسحبون مني مادة تكملها لأني ما درست المادة المتطلب..



شلووووون...؟؟؟ شلووووون ما انتبهوا من البداية...؟؟؟ الحين راح يأخروني سنة زيادة

على الظلم اللي كنت ماكلته بالمواد اللي مسقطيني فيها...


حسبي الله و نعم الوكيل


اتمنى ما ينحذف هالموضوع لأن فيه مصير الاف الطالبات المظلومات بالكلية








نطالب بحقوقنا الطلابية...




انتظر ردودكم لا تخيبوني تكفوووووون انا بنتكم[/align]

[بــ الخفجي ـنت]

هلا اختي

الموضوع ماراح ينحذف لا تحاتين ..بس مشكلتك هذي اللي انتي مريتي فيها

ما يعني ابدا ان الكلية فاشله وفيها ظلم على قولتك


المفروض اتابعين من البداية موادك وتعرفين وش اللي يمشي مع السنة اللي انتي فيها واللي ما يمشي

وغير كذا مع تغير العمادة .. والهية الإدارية

الحمد الله الكلية في تقدم واضح جدا

واذا على توقيع ورقع زي ما انتي قلتي في قوانين وانظمة هم اخبر فيها

انتي وغيرك من الطالبات ماعندكم اي خلفية عنها

بس اللي تعرفينة ان في ظلم وفي تسيب وفششل

ليه ...؟

لا تتسرعين بحكمك يالغلاا

وبعدين تسجيل موادك ونظام البنر وغيره هذا من الدمام

مو من هنا

هنا مجرد دكتورات ومعيدات يشرحون لك المادة ويحطون لك الاختبار ويتابعون معك النتايج

ولا تنسين اختي ان حتى اسم الجامعة ( جامعة الدمام )

لا تجين تكتبين اي شي اختي وانتي معصبة

هدي اعصابك .. وحطي في بالك يالغلا ان مواضيع الشخص واسلوبة في الكتابة ينعكس على شخصيتة

تحياتي لك

بـ الخفجي ـنت

[MaGnOoOnK]

شكرا ع الطرح الجميل
لكن انا ابسط من مشكلتك في احد كليات القصيم وقبل تخرجي يعني في مستوى الاخير لي في الكليه اظافو علي 3 مواد جديده ولما سئلت قالو خطة جديده من المؤسسه
يعني المشكله مافي نظام موحد يمشو عليه الجميع
وتقبلي مروري ......

[مجنونة .com]

الف شكر لك

رد الأخت والمشرفة الفاضلة الحبوبة المبدعة المتألقة

بنت الخفجي

فيه الكفاية كفت ووفت

مابعد كلامها كلام

نبصم لها بالعشرة 100 على 100

والكلية في تحسن ملحوظ

ولكنه تحسن بطيء جدا جدا

دمت بحفظ الله

[نور الإسلام]

في اليابان أكثر مرتبات شهرية للمعلمين

ويشدد ع تدريسهم في الجامعة

لأنهم هم من سيربي أبناء الأجيال

فلذلك يعتنى بهم إعتناء شديد

ونحن حدث ولا حرج

والله أنا ما أعرف شي عن كليتكم

أسمع أهلي كل يوم يتشكون ومنغثبن

الله يكتب اللي فيه خير

بس حبيت أشارككم وما أكسر بخاطركم

[مطلق زحام]

حوار بنات ... ولكن ايش دخلني ,,,

لكن حبيت اني اضيف نقطة مهمة

اذا انتوا مختلفين ان الكلية متقدمة ولا متخلفة

اعملوا استفتاء يوزع على بنات الكلية يدوي من طالبة وليس من معيدة

ويسلم للطالبة ثم يفرز ويقدم للجهات العليا

واذا تبون أنا بجيبلكم الاذن من الجهات العليا .


......

بس ما يمنع أني ابدي رايي من خلال بعض القريبات

ارى واسمع كلام لا يشجع ابدا على الكلية وبصراحة الدراسة فيها شقا .

والاخت اللي تدافع عن الكلية اظن انها من الهيئة التدريسية للكلية .


اعذروني على الاطالة

[عا111شق شام]

رغم الكلام هذا كلة

كلية فاشلة

ومافيها دكاترة كويسين
وادرتها مو سعودية
يعني مايهمها البنات ومصلحتهن

[لـيدي]

الكليه ما عليهاء كلام طيب بي تطور بطئ اوكي ما قلناء شي

بس لأداره الفاشله ولأدريات النفس خايسه وفوق هذاء كله قله ادب وعدم مبالاه طيب ليش؟؟؟؟؟

موظلم البنت تعيد سنه كامله لاحول ولاقوه لابالله

[دروبي]

اصلا الحين التسجيل فيه مشكله


الله يهديهم

عندي اخت ماقدرت تسجل للحين تحاول

[بــ الخفجي ـنت]

للتوضيح بس

الادارة سعودية للي قال الادارة مو سعودية

واللي قال انتي من الموظفات هناك فانا وربي ماني موظفه بالكلية

ولا انا طالبة فيها انا تخرجت من سنتين والحمد الله

واللي تقول في مشكله بالتسجيل وما سجلوا

فالتسجيل عن طريق الانترنت مو من عندهم

بس نصيحه للكل

اللي بيناقش او يجادل او يرمي اتهامات او نقد

اتمنى بس يتحرى الحقيقة

يعني يا يكون نقد بناء مبني على اسس صحيحه

او اتمنى ما يكون في رد ابداً

تحياتي

بـ الخفجي ـنت