قصيده من الوآقـــع
للشـاعر //رآشـد بن شـهلآن ..
[align=left]
البل تباع وتشترى بالملايين=وطفلً مشرد كيف يلقى طعامه
يااهل العقل وين العقل كيف ومنين= نقود هالعالم ونجني احترامه
البل توكّل تمر مع دبس وطحين= واما الفقير يموت جوع وصرامه
فقير يتمنى حياة البعارين= يمكن يلاقي في حياته كرامه
قام يتخيل وجهه وسبلته تزين= وخدته تكبر ثم يكبر سنامه
كنا تمنى وننتظر عام الالفين= ياليت متنا قبل عام الندامه
عشنا وشفنا ياهل العرف ثنتين= منها غدا جوي تسوده غمامه
الاوله وين المطر ياعرب وين= تبذير ومهايط تعدى العلامه
الاكل يرمى بالخلا للشياطين= وناسً تجوع وليلها ماتنامه
والثانيه سعر النياق المزايين= غطا على سعر الذهب في المنامه
من حط له ذود وقصيده وجيبين= اصبح زعيم ويستحق الزعامه
لكن نوضح ماحصل بين قوسين=( الذيب ذيبً والنعامه نعامه)
من ينفق الاموال دعم المساكين= ربي يبارك له ويغفر اثامه
ومن يهدر الاموال تبذير ياحسين=يلقى عواقبها في يوم القيامه
وختامها صلو على موضح الدين= محمد صلاة الله عليه وسلامه
[/align]
المواضيع المتشابهه
العرض العادي
