منتزه الحرف

[سعيد القير]

[align=center][table1="width:95%;"][cell="filter:;"][align=center]
جميع قصائدي سوف تكون من خلال هذا المتصفح تحت عنوان "منتزه الحرف "
[/align][/cell][/table1][/align]

[سعيد القير]

[poem=font="traditional arabic,5,black,bold,normal" bkcolor="transparent" bkimage="" border="solid,1,red" type=2 line=0 align=center use=ex num="0,black""]
من هجوسِ على سلم العرب سالمه=الزبادي بدايتها ومنهاجها
الحمامه تنوح بعسر ومسالمه=العرب للعرب والعين للحجاجها
لافقد هاتفي الارسال ومكالمه=افقد الذاكره واضيّع ابراجها
كوكب الشعر والشعار والعالمه=فاطرِ تزعج الجمّال بخلاجها
المعالم لها عنوان ياحالمه=الخطوط السمّاح انشوف دواجها
عالم الطّب لودققت في عالمه=شفت لك حجتِ ماحج حجاجها
العرب تستحي وكبارها ظالمه=والقضايا تعذّر داخل ادراجها
الدلايل مع دلّالها والمه=واكثر الناس غرّ الناس مكياجها
القوي للضّعيف جالمه جالمه=لوتضيع البصياير يكثر اعجاجها
ياعسا روسكم ياصحبانا سالمه=عدّنا روي منها غير هداجها
ان جفتني الليالي السود والظالمه=استمدت ظروسي بالجما عاجها[/poem]

[سعيد القير]

[poem=font="simplified arabic,5,black,bold,normal" bkcolor="transparent" bkimage="" border="solid,1,red" type=2 line=0 align=center use=ex num="0,black""]
نيّاتنا بيضا ونيّاتكم بيض = كلٍ على سلمه يسوق المطايا
حنّا غرضنا لو لقيناه في عريض = ما كان غنينا على كل نايا
مانيب احب آخذ من الناس تعويض =اشبع على يمناي أمّ الحكايا
الشعر غنيناه فالبرد والقيض = ولا رجينا للقوافي عطايا
مير البلاوي في زمان الروابيض = اللي منوّل قدرهم فالزوايا
الوضع متوتر ويحتاج تمريض = الموت لاصرنا طعام الحيايا
الله يعينك يالدجاجه على البيض = لازان حظ الديك شين النوايا
يامعيض عاونا على الوضع يا معيض = شيروا على الشورى تحل القضايا[/poem]

[سعيد القير]

[poem=font="traditional arabic,5,black,bold,normal" bkcolor="transparent" bkimage="" border="solid,1,red" type=2 line=1 align=center use=ex num="0,black""]
انا لي في بحور الشعر مركب واتجاه وذوق=ولي وجهة نظر في حبك شعري واتجاهاتي
احبك القاف كالشعار بالمعنى واسوقه سوق=واحدد به مدى الانظار وأجمل به ابياتي
طلعت البارحه في الرجم ماعندي ولا مخلوق=اجر الصوت من حر الزمن والناس بالذاتي
إذا كان الزمن له حق عندي لي معاه حقوق=يلمح بالجفا لي مير للمعبود مشكاتي
تحققت ولقيت ان الذهب من صاحبه مسروق=يخونون العهد من بيننا و الاتفاقاتي
يحز بخاطري لاشفت بعض الخلق بالشاهوق=وطرقان الشوارب في الشوارع والمحطاتي
وانا مانيب قالط كل وجبه في صحن مرقوق=ولله الثنا والشكر تكفيني علاقاتي
ولا لي فخر في خوة زعيمن شاربه محلوق=تريس في شعيب اهل النذاله والمزاجاتي
انا من روس قحطان العرب والمجلس المرموق=واعرف الجلسه اللي تلحق الرجال شرهاتي
اذا كانت عتيبه تنقسم برقا وقسمن روق=ولي معهم على عهد الوفا روحه وجياتي
سلام الله عليهم عد مالاحت سماه بروق=وتقديري هديه وافيه تحكي تحياتي[/poem]

[سعيد القير]

[poem=font="traditional arabic,5,black,bold,normal" bkcolor="transparent" bkimage="" border="solid,1,sandybrown" type=2 line=1 align=center use=ex num="0,black""]
شدّني رسمش وبرق اسمش وتطريز الكتابه=واحترافش في غموض الصدر وابرازه وردّه
اعتزالش في نظر عيني يحقق لش مهابه=واختيارش في ميولش للولايف فيه شِدّه
همت في واديش واللّي شاقني ذيبه و دابه=واعتزلت النايفه والشوق حاديني وحدّه
في سما نجد العذيّه والنعيريّه سحابه=جادت السّبار وروت كل ضامي فوق عدّه
لا سألتش لو سمحتي فارسلي صوبي إجابه=واقنعي قلبي وحطي لي على جاشش مخدّه
يانجوم الصبّح طلّي في مراقيب الذيابه=افتحي لي صفحة المشتاق في كتب المودّه
المها والضبي يا الريم الفلاوي ما تشابه=والمناوي لو تمنى ماينال اللّي يودّه
السهر لا طال ليله زاد قلبي فالتهابه=وإن عوى سرحان جاريته على شفّه و ودّه
لا تواجهتي مع شرواي حطش تحت نابه=لين يرويش الهوى ويشيل قدرش فوق يدّه
انتي انتي ايه انتي زهرة العمر و شبابه=اعزلي قلبش و قلبي في رضا قلبش بكدّه
قد شربت الكأس من سم الهوى و اللي نجا به=واحدٍ فكره قوى قلبه ولا قد باح سدّه[/poem]

[سعيد القير]

[poem=font="traditional arabic,5,black,bold,normal" bkcolor="transparent" bkimage="" border="solid,1,red" type=2 line=1 align=center use=ex num="0,black""]
الهاجس اللي راج مثل النداوي =ينهد من وكره وياخذ طريقه
ناهيه من شلفا بخيت العطاوي =ولاّرماح كليب ولاّ شقيقه
ان عززت سود الليالي شواوي=فالحر ماينشف على البيد ريقه
ياذيب فالمرقاب سبعين عاوي=سبعن يوايق له وسبعن يويقه
يرقا على صعب المراقي سماوي=يسحب على مسحوب طرقه و ضيقه
لاجاد فكري للمدي الرهاوي=سجيت في شرد القوافي دقيقه
ما يرتخي حبلن يمس الهقاوي=دربيل نظراته حقاق الحقيقه
العود بين المستكا والبجاوي =هذا ولد عمه وهذا رفيقه
اللي يناظر للسما بالفتاوي=كلن يضاهي للعرب في فريقه
أهل الحساوي خابنين الحساوي=تلهث ورى طرد السراب وبريقه
لو ان راس المال وارد عراوي=تنحر بي الطاله نحور الوسيقه
واليا صدر هداج تيماه راوي=قدره على الحرشا وجاش الطليقه
يارب منجا من لجا له رجاوي=الادمي ماشال مالا يطيقه
تفرج لقلبن في دميه سناوي=ويلاعبه دهر الضنك في حريقه[/poem]

[سعيد القير]

[poem=font="traditional arabic,5,black,bold,normal" bkcolor="transparent" bkimage="" border="solid,1,red" type=2 line=1 align=center use=ex num="0,black""]
لا والله الا حدني للقلم شوق =شوق القصايد والعتب جوف الأعماق
سر يا قلم خط القريحه على ذوق=واشرح مشاعر شاعرك فوق الاوراق
ياحسرتي تجزيني اليوم وتسوق=جملة خطايا تحرق الماضي إحراق
حطيت لك منزل ومنزال مرموق=ملفا ليا ضاقت وسيعات الافاق
ماتدري اني كتلة إحساس وعروق=ماتدري اني حرّ من نسل الأعراق
مال الصديق الاّ غلا داخل الموق=وماللجفاالاّ الصبر والرب رزاق
وإن شحت الدنيا ترى الخير ملحوق=وما نخسر الدنيا مع طيب الأخلاق
هذا عتب صاحبك ياصاحبي فوق=مرقابه اللي ينحره كلّ ماضاق[/poem]

[سعيد القير]

[poem=font="traditional arabic,5,black,bold,normal" bkcolor="transparent" bkimage="" border="solid,1,red" type=2 line=1 align=center use=ex num="0,black""]
العله اللي بالحشاعيت تطيب=والبال ضايق ماتهنا منامه
تسببت لي في طلوع المراقيب=وهمي كما ليل(ن) يتوه ظلامه
جريت بالموال ولاحي الذيب=كنه يقول الذيب هذا علامه
رديت له والله ياذيب مانيب=آقف مواقيف الردا والرخامه
الآدمي عايش حياةالتجاريب=يومن على جرفن ويومن عدامه
العرق دساسن على الزين والعيب=ولافيه شخصن في جبينه علامه
غرتني دقونن على الوجه تركيب=وأهل التصنع ماعليها ملامه
جساس يغدر في ولد عمه كليب=والزير سالم مايفيد انتقامه
أهل الحيل والكذب واهل الاساليب=يبطون ماجابوا على الراس هامه
رجل الوفا يلقى حلال المكاسيب=ولا الردي يلقا الرذيله طعامه
رجلن يقرب نفسه الشك والريب=حرام يلبس له ثياب وعمامه
حبل المراجل كايدن بالمطاليب=ماكل رجالن وفا بالتزامه
رجلن ضوى كن المراجل معازيب=يفرض على كل الرجال احترامه
من لا كسب من صافيات المشاريب=راحت حياته كلبوها ندامه[/poem]

[سعيد القير]

[poem=font="traditional arabic,5,black,bold,normal" bkcolor="transparent" bkimage="" border="solid,1,red" type=2 line=1 align=center use=ex num="0,black""]
اه يانـجـد العـذيـه حالـتـي مثـلـك شـقـا=اشتكي لك واشتكي لي وامسكي طارف يدي
ذكرينـي بالسنـيـن الخـضـر والـلـي مابـقـا=غير ذكره فـي زمـان الغلـب والحـظ الـردي
ذكـريـنـي فـــي قـلـوبـن كلبـوبـوهـا نـقــا=واذكرينـي لليمانـي واذكرينـي للـجـدي
واحضنينـي فـي مماتـي بينـي وبينـك لـقـا=اذكرينـي فـي مثـل شـرواي لاجـاك ايعـدي
وان سألتينـي عـن اللـي فـوق مرقابـك رقـا=قلت انا وقتـي وسـم الوقـت حادينـي حـدي
ابـك انـا والفقـر والنفـس العزيـزه اشققـا=ماتصنـعـت البـشـر ولا ازيــف لــي بــدي
وجـد حالـي لانكسرظهـر الهـقـاوي لاهـقـا=فـي لـد شيخـن غفـا للمـال واستسمـا ردي[/poem]

[سعيد القير]

[poem=font="traditional arabic,5,black,bold,normal" bkcolor="transparent" bkimage="" border="solid,1,red" type=2 line=1 align=center use=ex num="0,black""]
لو اشتكي لبجاد وعناد مافاد=من قيض ولا برد ولا زهادي
ابسط يدي للي له الخلق تنقاد=اللي رفعه سبعه بلايا عمادي
هون على ابراهيم من بعد مازاد=همه وخلا النار سلم وبرادي
يارب هونها على العبد ماعاد=يقدر على قيض الدهر والنكادي
متى تشوف العين غيمه ورعاد=واشوف شعبانن تسيل وحمادي
واشوف لي مخضار تبتل الاكباد=في شوفته وتعيش مع جو هادي
العيشه اللي بين ريضان وبراد=ارخص لها حالي ومالي وزادي
هذا وانا مانيب هاوي وقصاد=شاعر وقدح البيت قدح الزنادي
ماجيت ادور شرهتن بين الاجواد=اهيم والشعار في كل وادي
الشعر له هيبه وحكام وبلاد=ويفرض علينا نلتزم في المبادي[/poem]