******
اشاد وامتدح الشيخ / فهد عجران العجران الشاعر علي بن رفده الحبابي اثناء مشاركته في مسابقة شاعر المليون والمناسبات المتتاليه ونال اعجاب ذائقته،وهو يستاهل الأشاده والمدح في مراجل وشعر .
علي بن رفده علِمَ بالأشاده والمدح واسند لي هذه ِ الأبيات
شهادة الشيخ بن عجران تكفينـي
اعــدهــا يـاحـمــد رصــيـــد وزيـــــاده
عـقـيـد قـــومٍ مـقـامــه دايــــمٍ زيــنــي
يفخر بعلمه جموع الشعب والقاده
الطيـب والعـز لـه عـنـده عناويـنـي
اقـولـهـا والـغــلا لـــه ســكــر زيــــاده
لاياالدلـهـي تـــرى مـدحــه يسلـيـنـي
صمصام وحسام ابد ماميّل شداده
وهــو بلـيّـا قصـيـدي يابـعـد عـيـنـي
فوق المجره وريث امجـاد وزيـاده
يفداه من لايعرف الزين والشينـي
عـنـد الحليـلـه وهـمّـه زاد ووســـاده
يابوسـعـد شيخـنـا تـاجــر دواويـنــي
شيخٍ سعاطير راسـه قدّحـتْ زنـاده
لاتلومني لاطرقت القاف بْهجينـي
الـشـعـر يـعّْــرف مـغـازيـه ومــيــراده
بلـغ سلامـي وقلّْـه لـه علـي ديـنـي
حبة خشم وابن رفـده رهـن لّْمـراده
نومست القحاطيني
الشعر في حال لم يسبق لـه سنينـي
يـــعـــيـــش طــــفـــــرة قـــنَـــواتــــه وُرواده
صار الفضاء ينقل احداث المياديني
لــجـــان ومـسـابــقــات ونـــقّـــدْ نـــقـــاده
هـذاك شاعـر قـطـف ورد البساتيـنـي
هذاك من ضمـن غيـره نـاس قصّْـاده
الـقــاب تُـمـنــح يـارازقـنــي يامعـطـيـنـي
الـرابــح الــلــي يـجـيــب الــعــز لــبــلاده
مـسـابـقـة شــاطــي الــراحــه مـلايـيـنـي
الـشـعــر فـيـهــا تــجــدد يــــوم مــيـــلاده
لهـا لـهـا .. ذكــر بــن رفــده يوديـنـي
مُبـدع قديـم القصـيـد ومُـبـدع اجــداده
مثلـك تميّـز حضـور وعــذب تلحيـنـي
ابدعت واقنعت عدت الشعـر لمجـاده
الشـيـخ يمـدحـك عـنـده لــك براهـيـنـي
تستاهل المدح مـن قـاده ومـن سـاده
مثّـلْـت نفـسـك ونومـسّـتْ القحاطيـنـي
خيـل القحاطيـن مــع شــرواك منـقـاده
كسـبـت جمـهـور مــن كــل البلاديـنـي
عـلـي حسـيـن الحبـابـي كـــلٍ اسـنــاده
******
هذه ِ القصيدة اسندها الشاعر/ خالد بن مطلق بن منيجل العاصمي القحطااني عام 1414 هــ
عندما كان يعمل في حرس الحدود واتجاه مهمته للمنطقة الجنوبية من الشرقية وهي عكس رغبته التي يتمناها بأتجاه المنطقة الشمالية من الشرقية .. وتم ذكر الزور وهو رأس الزور والذي تم استبداله حالياً بمدينة رأس الخير ..
الا يالدليـهـي بستـشـيـرك وعـطـنـي شـــور
هوى النفـس عذبنـي وصـار العمـل بلـوى
ابــي شــور مـنـك خـاطـري دايــمٍ مـســرور
عسـى مـن ورد يسقـي ضواميـه بالـدلـوى
فـــلا يـاوجــدي يـــوم جـــاء للـربـيـع زهــــور
بـدا زامنّـا وقفـت بنـا الشهـب مــن عـلـوى
ضحـى عيدنـا فـي ديـرةٍ مانشـوف نـشـور
غديـنـا مـثــل مـــن حـــده الـديــن وتـجـلـوى
وانا ويش بِسوي علـى جيّـت أهـل الـزور
مــادام العـمـل يابوسـعـد مــن ورى سـلـوى
عسى جيت أهل الزور والخايع الممطور
بـعـد شــوف مركـزنـا عـسـى قـايــده يـلــوى
عـلـي رفـقـة الـلــي قـرنـهـا يـاحـمـد مـنـثـور
لـسـوج النـفـس مـــع واحـــدٍ خـوتــه حـلــوى
وعـوضـك ياعيـنـي بـعـد شـوفـة الحـمـرور
بـشـوف الفـيـاض ورخـصـةٍ مابـهـا مـلــوى
رد - حمد الدليهي
هـلا بالرفيـق الـلـي خــذى فــي زمـانـه دور
ارحــب واقــول مــن الضمـايـر هـــلا هـلــوى
لقيـنـا الحـيـا يـاهــل الـحـيـا والـحـيـا مـذكــور
وفريـقٍ تبيهـم مــن ورى الــزور وشمـلـوى
يـسـوقـون يـاخـالـد دبـشـهـم طــلــوع الــنــور
تـنــحــوا وانـــــا اتـلـيـهــم ولا فـــــادة الــتــلــوى
اشـوف العـرب بالعـيـن واشـاهـد المظـهـور
وقـــفــــوا ولادري ويـــــــن يــاخــالـــد نـــزلــــوى
لـكــن المصـيـبـه فـــي واحــــد قــعــد نــاطــور
تـــوحـــد بـــهـــم يــاخــالــد الـــقـــرم وتــخــلــوى
محـبـيـن قـلـبـك سيـلـهـم راح عـنّــك حـــدور
يالـيـت الـعـرب فــي وصــل خـالــد تجـمـلـوى
انا أخبرك عقب الورد لازم يصير صدور
يـبـيـن الـوفــاء فـــي حــــزة الـبـيــع والـغـلــوى
ولــو الـعـوض تـاخـذ اجــازة ثـلاثـه شـهــور
نـحـتـك الـوقــوت وفـارقــت نـاظــرك شــلــوى
*************
هذه ِ الأبيات اُسندت لـ حمد الدليهي من شخص بأسم مستعار أسمه (معدل العوجا) في احد المنتديات, والأسم المستعار الذي لاتُعرف الشخصيه التي من وراءه لايُحرص على تدوين مايأتي به وخصوصاً في مثل هذه ِ الأسنادات الشعريه , ولكن شبه أنني اعجبت بموضوع القصيدة والذي تداخل به (معدل العوجا) بحالة الشعر في الوقت الراهن على حسب مايرى من وجهة نظره , ولذلك تم الردعليه , بغض النظر عن ماتم التطرق منّه بالتمكن أو غير التمكن بوصف ذالك الحر العماني الموجه بحمل الرساله ...
وقال معدل العوجاء
يــاراكــب الــلـــي راكــبـــه مـــــا يــوديـــه
الا ان تـــجـــود بـالــيــديــن بـســنــامــه
حـــرً عـــري حـبــل الـرســن مايـدانـيـه
ولا ركــبــوا فــوقــه شــــداد و مـسـامــه
مـــن دار قـابــوس العـمـانـي مجـانـيـه
مـن طيـب سـاسـه يستـحـق العمـامـه
حـــــرٍ مـغـابـيـشـه تــلاحـــق مـســاريــه
لامـن سـرح مـن نجـد يوصـل تهامـه
يـاصـلــك يـالـلــي للـمـهـمـات حـاسـيــه
دايــــم لـمـيــلات الــدهــر و احـتــدامــه
يا حَمد انظر وقتنا و ش حصل فيه
الشـعـر ضـاعــت هيـبـتـه و احـتـرامـه
باعت قنوات الفضاء و اشترت فيـه
وكــــلٍ عــلــى حــيــده يـسـيــل ايــدامــه
مـــن اول لمـثـلـك و شـــرواك نـهـديـه
نـتــعــب مـراســيــل نــوصـــل ســـلامـــه
و الـيـوم مــاودك وان اخــوك نـوحـيـه
صــرنــا نـتـمـنــى يـالـدلـيـهـي عــدامـــه
صحيح من لا يعرف الصقر يشويه
و مــن لايـعـرف الـبـوم يـرفـع مقـامـه
يــابــن الـدلـيـهـي ودي انــــك تــدوايــه
ليـتـك تجـبـر مانـكـسـر مـــن عـظـامـه
حـيـث انـــت بـيـطـارٍ مـفـسـر معـانـيـه
الـلــي يـحـلـل مـاصـعـب مــــن كــلامــه
امـــــا نـســنــع وقـتــنــا مـــــن بــلاويـــه
و لانــســـوي مـــثـــل فـــعـــل الـنـعــامــه
رد - حمد الدليهي
يــاراكــب الــلــي زيـــــن لــونـــه مـحـلـيــه
وكـلــه عـلــى بـعـضـه جـمــال وُفـخـامــه
مــــن طـوكـيــو حــضـــرة وزارة مـعـالـيّــه
جـــابــــه وكــيــلـــه عـــــــزه الله وُدامــــــــه
جـــابـــه وعـــبّْــــرّه الـخــلــيــج وُمــوانــيـــه
مخصوص لاهل الطيب واهل الزعامه
اصـــفـــار لـــلـــي لـلـمـهــمــات شـــاريــــه
والـسـمـكــري مــابــعــد نـــاشـــه لــحــامــه
مـاداج فـي جـوف الشـمـال وضواحـيـه
ومــاداج مــن حــول القطـيـف وعتـامـه
مـــاداج بـااحـيـاء الـجـبـيـل وصـحـاريّــة
جسـر الملِـك ماشيـف وسـط ازدحـامـه
مـــاهــــو عـــمــــانٍ مــضـــيّـــع مــفــالــيــه
وان راح فـــــي لازم يــضـــده خــطــامــه
لكـزس تويوتـا جيـب فـي أســم راعـيّـه
مـاهـو عـلـى التأجـيـر كــاش أستـلامـه
الــــدرب لامـــــن طـــــال لابـــــد يـطــويــه
اسـبـق مــن الـلـي طــار والـجـو حـامــه
صـنّْـعــة خـبـيــرٍ مـايــعــرف الـمـشـاريّــه
وحـكــم الشـريـعـه جـاهــلٍ فـــي نـظـامــه
فـــــرض الــصـــلاة مـــحـــرمٍ مـايـصـلـيــه
وشهر رمضان ان جاه مايـوم صامـه
سـلــم الـعــرب يـسـمـع بـذكــره وطـاريــه
بـــوذي وفـــي راســـه شــمــوخ وقــرامــه
ولــدولــتــه يــنــفــع ويــقــهـــر مــعــاديّـــه
مـشـهـور عـلــم ومااشـتـهـر بالـنـمـامـه
مـاهـو مــن الـلــي هـــم بـطـنـه مشـقـيـه
حــقــود لــــو بـالـوجــه طــــق ابـتـسـامــه
والجيـب مــن فـوقـه شـقـردي مُوصـيـه
سـمــى قــبــل يـمـشــي ويــربــط حــزامــه
مـعــدل الـعـوجـا عــلــى طــــول نـاصـيــه
منـدوب وافـي لـو عـنـا الــدرب ضـامـه
مــعـــدل الـعــوجــا عــســـى الله يـحـيـيّــه
يـامـرحــبــا والــضــيــف حـــقـــه كـــرامــــه
واسـمـه قـبــل رسـمــه عـلامــه مخـفّـيّـه
مــايــدري ان هــــذي عـلـيـهــا عــلامـــه
ذلـحـيـن مـــدري !! وشـسـمـوه أسـمـيّـه
أجـهـل خـــوال الشـافـعـي مـــن عـمـامـه
الــشــعــر زخــرفــتــه وحـــافـــظ مــبــاديّــه
ابـــــــدع حـــلالــــه واتــجــنـــب حــــرامــــه
الـســيــل طــبــعــه مـايـجــنّــب مــجــاريّــه
والـشـاعــر الـحـريّــف مــابــه غـشــامــه
الـلـي ذبــح والـلــي سـلــخ فـــي قـوافـيّـه
بـالـحـكـي والا الـفـعــل غــــادي مــرامـــه
خــلــه عــلــى حـبـلــه يــشـــدّْه ويـرخــيّــه
وينـطـح جـهـامـه مـــن وراهـــا جـهـامـه
خـلــى الـرُعــاة شـيــوخ والـفـقـر حـاديــه
فـقـيـر نــفــس ومـااكـتـاسـاه احـتـشـامـه
مــاعــنــده الا هــــــزة الــــــراس ويـــديّـــه
جــمــهــور مــثــلــه مـاعـلـيـهــم مـــلامـــه
والــلـــي مـشّــيــد فـــــي قـنــاتــه مـبـانـيّــه
مـهــمــا بَــنـــى لابــــــد يــلــقــى هـــدامـــه
شــعـــر الــرســايــل كـاشـفــيــنٍ تــوالــيّــه
مـهــمــا تــقـــدم مـــــن يـعــلــق وســـامـــه
يــــروح مــثــل مـقـيــط مـانـيــب حـامـيّــه
نـهــجــي لــحــالــي مـحـتــفــط بـالـتــزامــه
محـشـوم عــن كـــل الـوجـيـه المـكـاريـه
الــمــســك دهــــــن ابــدايــتــه لاخــتــامــه
***************
هذه ِ القصيده اسندها الشاعر المعروف سعيد مقبل الأكلبي المشرف على قسم شعراء النداوي وصفحات مجلة فواصل لــ ِ حمد الدليهي عام 2009م بعدما استلم حمد الدليهي إدارة موقع النداوي ووضع بعض الضوابط التي يراها الأكلبي مشدده ..
وقال سعيد الأكلبي
يــاوجــودي وجــــد مـــــن ودّوه يـلــعــب فـالـمـلاهــي
والـتــذاكــر خـلّــصــت وعــيــالــه اقـــفّـــوا مـــادروبـــه
مـن كُثُـر ماشـاف يبـغـي مــن حيـاتـه يــوم لاهــي
مـــلْ مـــن دنـيــا الـشـقـا والـنــاس ماتـغْـفِـر ذنـوبــه
مايـفـك الـريـق غـيـر بسنـدوتـش وكــوب شـاهــي
والـغــدا مـضـغـوط ربـــع الـتـيـس مايـمـلـى جـنـوبــه
ضايـقٍ خُلْـقـه ولالــه نـفـس فــي طـهـي المطـاهـي
غير لاشـاف الصحـن مـن كُبـر بطنـه حـط ثوبـه
يـالـدلـيـهــي يــاحــمــد والـــيـــوم بـــاقـــول الـــدلاهـــي
حــرف واحــد باعْسِـفِـه ياصـاحـبـي وآقـــول تـوبــه
والسـمـوحـه يـاصـديـقـي وانــــت داهــيِــة الــدواهــي
والــدواهـــي داهـيـتـهــا بــالــدْهــا تــطْــحَــن حــبــوبــه
انــــت وش قــــوم اتـجـاهــك مـايــوافــق لاتـجــاهــي
وانت من ساس العروبه وآنا من ساس العروبه
كـــل مـــا جـيـنـا نـشــوف الـنــت قـفّـلــت الـمـقـاهـي
وانــت خابـرنـا عـلـى وقــت الـفـراغ نــروح صـوبـه
وان لقـيـنـا لـــك مـوظــف واختـبـرتـه قـلــت فــاهــي
وانـــت مـابِـيـدِكْ لـهــم رحْــمــه ولا بِــيــدِكْ عـقـوبــه
كــــان فـيـهــا حـــــل والا خـلّــهــا تـمــشــي كـمــاهــي
والـوعـد فــي سـاحـة المـيـدان والــروس مْعَصـوبـه
رد - حمد الدليهي
ياسـعـيـد الأكـلـبـي مُــذهــل وشــديــت انـتـبـاهـي
وانتـبـاهـي مـايـشـده ســهــل ويــشــده صـعـوبــه
الـقـصـايــد فـــــي جــزالـــه مـايـغـيـرهـا الـفـكــاهــي
شاعـرٍ مثلـك يصـون الشعـر مايقـرب عيـوبـه
فــارقٍ فعـلـك ونفـسـك نـفـس حــرٍ فــي تبـاهـي
الـمـزايـا فـيــك عـنــد الـــرب والــنــاس مـحـبـوبـه
كـــل قـســمٍ بـالـنـداوي وانـــت بــالأبــداع راهــــي
بصمـتـك مــن ويــن ماحطيتـهـا دوم محسـوبـه
احتـرامـيّ لـــك مـعـطـر يتـبـعـه ياسـعـيـد جـاهــي
يـاصــديــقٍ نـيــتــه مـاتـخـتـلـف نــوبـــه ونـــوبـــه
واعّْرف انّي منتبـه فـي لازمـي مانيـب ساهـي
خـادمٍ يسعـى ويبـذل جهـد فــي خـدمـة شعـوبـه
وادي العجمـان هـو نفـسـه تــرى واد الميـاهـي
والـفـهــود الــلــي شـمـالـيّــه تـحـصـلـهـا جـنــوبــه
الـدلـيـلـه بـالـعــرب لاتـحـسـبـه بــالــدرب تــاهــي
ياسعيـد تشيـب عينـك لـو تسافـر مــع دروبــه
مابقى الا حتات صبري فـي مداهيـل انكراهـي
مـع طلـوع النـور حــال وحــال تلقـانـي غـروبـه
كاشفٍ لي حرب والجبهه ماهي مثل الجباهي
حــرب فيـهـا شـايـفٍ لـــي قـايــدٍ نـفـسـه لـعـوبـه
وانت لو سولف لك اللي هرجه مْعـوِّد وكاهـي
كــــان ماخلـيـتـنـي مـحـقــوق والــقـــوم مـغـلـوبــه
***************************************
هذه ِ الأبيات اسندها الشاعر سلامة الجعفري العنزي من احد شعراء مدينة سكاكا إلى حمد الدليهي عام 2008م
وقال سلامة الجعفري
يالدلـيـهـي يانـظـيـف الـقـلـب لـــك عـنــدي خــبــر
عن صديقٍ شفت منّه الصد عقب اول ظهور
اذكــره فــي مامـضـى لوجـبـت لــه بـيـت ٍ جـبــر
قـــال مـايـنـلام مـثـلـك لـــو دخـــل فــيــك الــغــرور
مـيـر مــن جـتـه السـوالـف قـــام مـاعـنـده صـبــر
تـقــدح عـيـونـه شــــرار ومـابـقــى شــــي ويــثــور
وش حصـل وش ماحـصـل عــزالله الدنـيـا عـبـر
تتـرك العـاقـل يحـيـر وتكـشـف اســرار الـصـدور
رد - حمد الدليهي
مرحبابـك ياسلامـه وانـت لـك كـف وشـبـر
في سكاكا سيرتك من وين ماوجهت نور
لاتــلــد الــبـــال لــلـــي يـنّــبــر بــســـوُهْ نــبـــر
القصايـد فـي ركـوك شطورهـا والا كـسـور
خلها فرقة عتاب اللـي تقـول اسمـر عبـر
هــذي الأشـكـال ماتصـلـح وحاديـهـا دبــور
النصايب ماتجوز الا علـى اطـراف القبـر
وانـت مالـك فالنصايـب ياسلامـه والقـبـور
انــت لــك حــظٍ سـنـود وحظـهـم حــظٍ غـبـر
وان رجعنا للأصاله راسك آصـل ومخبـور
الجميحـي مايوصـف مـثـل نيـسـان الجـبـر
المثل قـال الصقـور عيالهـا ترفـض تبـور
*******************
هذه القصيده اسندها الشاعر/ بدر محمد الصديان السهلي رحمه عام 1412هـ عندما اعجب بقصيده اخرى لــ حمد الدليهي عبر برنامج اذاعة قطر آنذاك وكانت القصيده التي سمعها مضمونها عن البر والمرابيع والمقناص .. الجدير بالذكر ان الشاعر بدر توفي عام 1419 هـ .
وقال بدر السهلي رحمة الله عبر اذاعة قطر
الـبــر احــبــه واكــــره الــلــي يـسـبــه
ولــيــا تـذكـرتــه جــروحــي تــشــاوى
ذكـرنـي الـلـي بالشـعـر قـــال احـبــه
ذكــرتــنــي يـالــخــالــدي بــالــبـــداوى
مـثـلـك وانـــا يابـوسـعـد فـــي مـغـبـه
ويــلــزم عـلـيـنـا يـاحـمــد انـتــخــاوى
عندي لك اللي ماشكى من مطبه
اربع ميه وخمسين مثـل الحـلاوى
ولــيـــا هـمــزتــه مـاتـبـيــن اسـطــبــه
تسمع صدى صوته ذيـابٍ تعـاوى
ويسقيك ياوقتٍ مضى شرق جبه
مــن بعـدهـا والـوقـت عـيـا يـتـداوى
رد- حمد الدليهي
يـامـرحـبـا فــــي بــــدر والــلــي كـتـبــه
دريـتــبــه والـــنـــاس غـــيـــري دراوى
يـابــدر احـــب الـبــر واثــــرك تـحـبــه
عنـدي وعـنـدك صـايـرٍ لــه طــراوى
لـــكـــن وقـــتـــه يـاالـسـنــافــي لــعــبـــه
قفـوا هـلـه صــارت فجـوجـه تـهـاوى
واليـوم مـن ضمـن الكواشيـت انـبـه
خمـيـس جمـعـه واعتـبـرهـا ســـلاوى
وروس العـرب تبقـى ولاهـي عربـه
وخوة هلا المعروف عندي غلاوى
لاصـــار جـمـسـك فـيــه دبـــه ودبــــه
لــدبـــر قـــزوزاتـــه بـــدربـــه تــــــداوى
مــــر الـمـحـطـه شـيّــكــه ثـــــم عــبـــه
مطارشـنـا صــوب الـديـار النـحـاوى
وتشوف جمسـك كـل ريـع ٍ يطبـه
ومقناصنـا صيـد الضـبـا والمـهـاوى
وابـــشـــر بـــخــــوة واحـــــــدٍ مـاتــكــبــه
على المراجـل مـن زمـان الصبـاوى
العرض العادي
