هذهِ محاورة جرت بين الشاعرين عبدالرحمن السمين الحربي وحمد الدليهي ويبدو أن المعنى على استلام الدليهي إدارة موقع النداوي آنذاك والبداية مع عبدالرحمن السمين ..
عبدالرحمن السمين
المديـر الدليهـي والقلـوب انـظـاف
مير ابنفض عباته يـا هـل الديـره
آعرفك منت لا مطلق ولا صياف
طـرقــيٍ دون حـمـلـه نـــوّخ آبـعـيـره
حمد الدليهي
المديـر الدليـهـي والفـعـل ينـشـاف
وانت صقـار والصقـار وش طيـره
دون راسي وربعي وافي الميقاف
استلـمـهـا بـــلا لــفــه وتــدويــره
عبدالرحمن السمين
كـان صليّـت لله مـا علـيـك خــلاف
الـبـحـر كـيــف تـاقــف لـــك بـوابـيـره
يا حمد كيف تسعى قبل ما تطّاف
مـيــر يالله عـسـاهـا لـلـعـرب خــيــره
حمد الدليهي
مابـلـش بالـعـوارف واحــد ٍ عـــراف
مجهـر ٍ عـارف ٍ صغـره وتكبـيـره
لاتحمل خطا الحارس على الهداف
مـشــهــا مـشــهــا يــاطــيــب الــســيــره
عبدالرحمن السمين
كيف تسري بليلـك مـا معـك كشّـاف
الـبــلــد كــيـــف تـخـشــركــم هــوامــيــره
راح حكم الشريف وعاشو الأشراف
وكــلٍ غـضـنٍ تغـنـي لـــك عصـافـيـره
حمد الدليهي
انت شاعر وكاتب ماتجيب اضعاف
السـمـيـن ان كـتــب يـاطـيــب تـعـبـيـره
راح حكم الشريف وماتموت اهـداف
عــلــم مـنـيــر يـاحــربــي مـــــع مـنــيــره
عبدالرحمن السمين
أنت لو قلتها للحـق والأنصـاف
أكـثــر الـنــاس يشغـلـنـا بتـزمـيـره
علّم اللي معه عمله بلا صرّاف
نكبـة الغـرب مـن عـلـةٍ خنـازيـره
حمد الدليهي
ان مشينا وسط والا على الاطراف
فـــرد حـمــزه تـعـرفــه كــيــف تـثـويــره
العرب من قديم وماضـي الاسـلاف
مـارضــوا فـالـرسـول ولابــعــد غــيــره
عبدالرحمن السمين
أنت عند القضاه وصرّف الحلاّف
وفــرد حـمـزه تـجــوّد فـــي مسـامـيـره
العـرب لـو تشـب النـار فالمـشـراف
مـالـهـم عـنـدنـا لـــو حــبــه اشـعـيــره
************************
محاورة جرت بين الشاعرين حمد الدليهي وسعيد بن مقبل الأكلبي
حمد الدليهي
ياسلام الله سلام ٍ يوم جاء وقته نسوقه
غيـر وقتـه مايصيـر الا بعـد مـاحـل طــاري
ابـن مقـبـل لَـنـداوي ماتـنـازل عــن حقـوقـه
والنـداوي قــدرة الله جابـتـه بـالـدرب ســاري
سعيد بن مقبل
مرحبا باللي صبوحه مايخالف عن غبوقـه
هرْجتـه كنهـا حليـب كبـود مــن در البـكـاري
كـل واحـد حاسـبٍ للربـح قـبـل يـطـب سـوقـه
وانت مانتب ياحمد في سوقها بايع وشاري
حمد الدليهي
الـطــمــع لايــاخـــذك والـسـالـفــه مـاهــيــب بــوقـــه
حسب ماراجت علوم الناس في وضح النهاري
عــام الأول وانــت راســك مــن يعـددهـا شـقـوقـه
عـنـد ذاك الـشـارع الـلـي فـيـه تفتـيـش وكـبــاري
سعيدبن مقبل
من يده فالنار كل الناس ماتنّـس حروقـه
غيـر لاتقعـد تـحَـدَث بالخُـطَـب والا تـمـاري
انت ماتدري عن انواع العسل حتى تذوقه
والقرار اللي معـك ياصاحبـي ماهـو وزاري
حمد الدليهي
الحيا في كف ابن فراج لاحت لك بروقه
ومثل ابن فراج مابانت علـى وجهـك مـواري
اكلـبـي ٍ صــار جـايــر والله المـعـبـود فـوقــه
شارب ٍ نهر الفرات وماكل ٍ رز البخاري
سعيد بن مقبل
انت ياخي باقيٍ نفسك على الفطره صدوقه
تدْمـع عيـونـك لـيـا مـريـت بالضـبـط الاداري
واحــدٍ رزقــه يـذوقـه / واحــدٍ رزقــه يـحـوقـه
غير لا عرّضت بالموتر فـلا تضـرب بـواري
حمد الدليهي
واحـــدٍ نـفـســه مـضـريـهـا ومـرخـيـهـا شــدوقــه
ماجهـلـت انــه عـلـى هــذي وهــذي دوم ضـــاري
ليت طير الحد الاقصى طار وان قطعت سبوقه
ماشبكـوه اهـل الحـرار مصخْـرتْ جـول الحـبـاري
سعيد بن مقبل
لاتلـوم اللـي قعـد طـول الزمـان يسـوق نـوقـه
يــوم يخـتـار الـمــراح الـزيــن ويـكــب الـخـبـاري
وانت من بين النخل واقف وتمرك في عذوقه
وان فـقـدت البانـورامـا رح وتـاخــذ لـــك فـــراري
هذهِ المحاورة جرت بين الشاعر حمد الدليهي وراشد البيضاني
حمد الدليهي
ياراشد الحربي الرحلة بدت فالطريق
الـطـيـبــه عـانــهــا والـثـانــيــه عــانــهــا
النفط في راس تنوره وطـارف بقيـق
وانــــا عــرفــت الـسـعـوديـه وسـكـانـهـا
راشد البيضاني
حلم الله اوسع وصدري ياحمد مايضيق
الــلـــي تـبـيــهــا تــعــيّــن ويــــــن بـيـبـانـهــا
الـخـيـر واجـــد وهـرجــك لـلـعـرب مـايـلـيـق
الــلــي بــنـــا خـيـمـتــه لايــطـــش بـيـبـانـهـا
حمد الدليهي
فريق شرق البحر والغـرب يوجـد فريـق
وخضـر البيـارق ترفـرف فــوق ميدانـهـا
في راس من ضاع بالطرقه نولع حريق
مـن فـوق راسـه تشـوف النـاس دخانهـا
راشد البيضاني
كـل الجبـال بّتهـامـه ماتشـابـه طْـويـق
رح علم اهل القرى السفلى وجيرانها
اللي حذف دلته يلحق وراها البريـق
مـن قربنـا للمسـاجـد مااسـمـع اذانـهـا
حمد الدليهي
احيان اعدك عدو واحيان اعدك صديق
واهــل النـوايـا الخـفـيـه مـااجـهـل ايمـانـهـا
إن كان تبغى الكـلام المستـوي والحقيـق
الله يـقـطــع جـمــيــع الـــــروس واعـوانــهــا
راشد البيضاني
انا خويي سعد مانـي خـوي لْشفيـق
الله واكـبـر عـلـى المـهـره وورقـانـهـا
احدٍ براس الجبل وحدٍ نشوفه يويق
واللي عطاها دهن بالسمن ذرعانها
حمد الدليهي
العـام مافيـه طيـرٍ للحـبـاري لحـيـق
واليـوم كـل الطيـور تـرف جنحانـهـا
تطيـق والا لعـلـك ياجـمـل ماتطـيـق
الناس بافعالها ماهي على الوانها
نبض القصيد
بدع و رد
ياعزتي لشعر يا ابن حميّده
با اسباب ابوحامد وابو عبدالحميد
شعرٍ قوافيه ماهيب مقيًده
معناه مايفسّر قريب وُلابعيد
مادح وابن ممدوح والمتفيّده
حلابة المعزا ولقاطة جريد
فيهم تشمّت عالمٍ متصيّده
اللي يحطون الخشب مثل الحديد
من قبلهم والشعر حاله جيّده
واشوف له عندك حساب وله رصيد
شاعر وماهر والبيوت مشيّده
عليك يشكي يافهد نبض القصيد
حمد الدليهي الخالدي
نبض القصيد يتوق لك ياسيّده
يامطوّر ابياته ومهديه الجديد
يابو محمد والعرب متحيّده
لكن غثى الخبلان يزداد ويزيد
لو لصمق من الفكر ربع انشيّده
الصبح عارض به سلاطين النشيد
يطرب لصوت سعيد راس اسعيّده
والسوق دلّاله صدح هل من مزيد
ناسٍ على شين القصيد امعيّده
يطرب له الجمهور من عود ووليد
ومن لامس الشعار لو بقصيّده
يصبر على المكتوب والوالي شهيد
فهد الحميّده الخالدي
الخوالد وآل مره
بدع ورد
الدليهي منبع الشعر ومقرّه
ماخذٍ قسمه مع الشعار وافي
إن هجا والا مدح والا تشرّه
ياخذ الجزلات ويكب الضعافي
وإن نزل صوب البحر يأتي بدرّه
وإن ورد مايشرب إلا كل صافي
صفقوا لبو سعد لله درّه
المحيط اللي بلا شط ومرافي
السوالف لو تعرض ماتغرّه
وإن بغا حط العسل سمٍ زعافي
ماخذٍ في المعرفه كرّه وفرّه
لابس بشت الشعر والبشت ضافي
حط له فأكثر بقاع الأرض جرّه
جرةٍ ماهي تدمرها السوافي
جر صوتك ياوسيع العرف جرّه
من تبين يابني خالد يشافي
والنظر خله على حد المجرّه
والسلف مردود والدعوى عوافي
والوفاء بين الخوالد وآل مرّه
وافيٍ والطيب والتقدير كافي
علي عرنان
ارسل المري علي بالشعر حرّه
حرة المعنى على بحر وقوافي
من سببها رحت للي مايمرّه
غير خطوات اشقرٍ من بعد لافي
معتلي واحداث فكري مستقرّه
والتقاطاتي مهارات احترافي
جعل ابن عرنان يفنى من يضرّه
العديم النادر الشهم السنافي
شاعرٍ مثل الذهب شعره يثرّه
له تحياتي وبصمات اعترافي
خصني ماباح لشعار سرّه
حط للأهداف تمويه وغلافي
والمشاعر في حزم ردي مصرّه
والمغطى عن جميع الناس خافي
لو يعيدون القصيد الفين مرّه
ياعلي مابان بالدرب انحرافي
من يدوّر مالقى مثقال ذرّه
والذوايق والسلع فيها اختلافي
فيه ليل وفيه نجم وفيه صرّه
مايفك رموزهن منظور غافي
قبل حجم الضلع شف ساحات برّه
مايمترها على الطرقات حافي
والخوالد وآل مره مستمرّه
والوفاء نوره ماهو بالوقت طافي
حمد الدليهي
العرض الشجري