كانه صباح الخير بعيونكم ..غير
انا صباحي ماعرف لذة النوم
البارحه كني بشهر التذاكير
ماغير نطرد لذة النوم بالصوم
بلاي .. شاعر .. وابتدع بالتعابير
ماكني الا عند الاشعار ملزوم
سامرت ليلي عند جن التصاوير
ماكني الا ضيف للجن معزوم
يصف لي صف المعاني طوابير
ويقول آمرها ترى الفعل محتوم
لا تحسب انك من حساب المسايير
انت الذي تامر وحنا لنا نْقوم
ياشاعرن يا غير كل الشواعير
يا خير سيرة شفتها دايم الدوم
ماتدري انك بالمعالي ..كما الطير
طيب الفريسه تاصله عندها تـْحوم
ماتدري .. انك من حساب .. المناعير
يومك على نقص المواقيف بتْشوم
لكن نصيحه فالغرور المخاسير
ماتكسب الا بالسن الناس مذموم
وان كان مع شعرك/لك احباب /بتـْصير ..
ماهو بعادي شامخن صاعد نْجوم
حتى لقيت اني على الشعر ماحير
مادام لي دربً وبه خيرة عْــلوم
من عقبها ماعاد انا اشكي محاذير
مادامها سلومي معه خيرة سلوم
ولاهمني نومي ولاهمني غير
غير الشعر لو يلحقن بالجفا لــوم
الله يسعد لي صباحي وانا بخير
حتى يلو اني من النوم محروم
.
.
.
.
.
.
المواضيع المتشابهه
كانه .. صباح الخير .. بعيونكم غيـــــر
العرض العادي
