بتشوق / للشاعر محمد عبد القوى حسن

[الشاعرر]

[align=center]وبتشوق
---------------
للشاعر / محمد عبد القوى حسن
لمسة ندى الطيف المسافر
للعيون السود.. ف قلبك الطيب
سكك احلام وشجر بيخضر لسه
ايام ماكنت بعيش ف سفر الضحكه الصافيه
وبتشوق
سما ونجوم
قمر ع البحر اليوسفى
ولا كنت زى زمان ..
بتسحرنى موجه عفيه
تسجد البسمه لعيون الشط تتلقاك
على كفوفها
امواج بتتسرسب من الحواديت
وطيور بتضحك للسنابل
قمح اهلى العرقانين
يرووا بدموعهم
سكك الغيطان ف العتمه
وتبصم اكعابهم على الطرقات
احلم بغنوة بنت فلاحه
وسط البنات ماشيه بتتدلع
بتغنى غنوة الشاطرين
ف مواسم البرتقان
زمااااااان
كانت تاخدنى الدنيا بالاحضان
اطلع من الفجريه للعيدان
واقف نخيل
طالع شجر للنيل
فيميل جريد النخل ويهفهف
على كمى
وانا وامى طالعين للحيضان
نرويها اشواقنا
دلوقتى بتشوق
لمسة ندى الكون للزمان الجميل
وسافرت امىسابتنى وحيد
ف غربة ليل
وجدى حسن من قبل امى راح
يحجز مكان ف الجنه لاختى نجاة
قعد السكات يقرانى على غفله
ضهرى انحنى بدرى
ولقيتنى طالع من عيون الكون
واقف وحيد على اخر الشارع
لمض النيون واعمدة الفقر
دابت كعابى م المشاوير
ف ملح الامنيات
عقلك شتات
بيبات ف وسط الغابات
تاخدك ساعات وساعات
تجيك لفكار
الدنيا نار
والجنه راحت للحيضان
وامك وجدك وجدتك واختك
اخذوا معاهم ضحكة الفيسان
ماقاعدش غيرريحة عفار السكك
سكك المقابرخلتنى بتشوق
رجليا متكتفه
متمسره الاحلام ف عضم الميتين
تنده يجيك الصوت مالوش عنوان
نرجع لنفس القعده تتشوق[/align]

[ثلجة وردية]

أبدعـت
صح كيآاانك
وربي يسعدك ويحفظك خيوووه
.. وردي وودي..

..

[شاهندا]

شكرا لك
على الموضـــوع
تحياتي

[الشاعرر]

ثلجه ورديه
اشرقت بطلعتك البهيه ياسندسه
لك كل بساتين الورود

[الشاعرر]

شاهندا
كل التقدير
كل الشكر كل الاحترام لمرورك الراقى