وكـلـش يـهـون الا الـثـلاث الغـرابـيـل*******الـمـهـزلــه والـمـسـكـنـه والـمـذلــه

[الأســــلمي]

[frame="9 80"][poem=font="Simplified Arabic,5,darkred,normal,normal" bkcolor="transparent" bkimage="http://www.alraidiah.com/vb/images/toolbox/backgrounds/17.gif" border="double,5,darkred" type=2 line=0 align=center use=ex num="0,black"]

بعض العرب ماينعطـى وجـه بالحيـل=وإليا عطيته وجـه صـار آلـك علـه
وبعض العرب ماله سنـع لكـن حليـل=بالضبـط كأنـك لا تمعـنـت ظـلـه
وبعض العرب شقراء وشقراء مع الخيل=ماينفعـك لـولا الرمـوش المظـلـه
وبعض العرب لا يعجبك ثرثـرت ليـل=وباكـر تــرى ماقـالـك شــي لله
وبعض العرب مرسال مدري مريسيـل=يسايـر العالـم وهـو حاصـل لــه
وبعض العرب يصلخ وينفخ وهو ريـل=وفي زعمه انـه يفهـم الكـون كلـه
وبعض العرب ماغير بنـدق ودربيـل=ومنيـن ماهـب الـهـواء جايـزلـه
وبعض العرب يطلع كما طلعت سهيـل=ويغيـب نجمـه قبـل دربـه تـدلـه
وبعض العرب يذيـك بالقـال والقيـل=تجلس معـه ساعـه والأخـرى تملـه
نذل وخسيس يفصل الهـرج تفصيـل=وإلـيـا لقـالـه طـيـبٍ يستغـلـه
وبعض العرب منظر وكشخـه وتحليـل=شبـح بحـال وحـالٍ أخـرى كـرلـه
لاشفت زولـه مـن خيـار الرجاجيـل=وإليـا عرفـتـه ماتجـيـه بمحـلـه
وبعض العرب ماضيه ليلٍ علـى ليـل=قـد بصـمـوه وصــوروه الادلــه
وبعـض العـرب لا والله الا تهاويـل=مهمـا عقـدت الحـبـل لازم يحـلـه
قـد دربــوه ولكـعـوه الرجاجـيـل=من قبـل لا يصيـر الحـدث جاهزلـه
وكانك شجـاع روح حـارب أسرائيـل=قبـل اليهـود الـقـدس لا تستحـلـه
وكلـش يهـون الا الثـلاث الغرابيـل=المهـزلـه والمسكـنـه والـمـذلـه [/poem]

[/frame]