[align=center][grade="00BFFF 4169E1 0000FF"]
بلخيررررررررررررررررر يالاخوان
عساكم طويبين
ابي اجدع عليكم هالسعوال ونبي المشاركه من الجميع
يامنك انسدحت بفريشك وانجضعت على مخيدتك وقعد هالماخوذ يودي ويجيب
وشو الي يطري عليك
يابعد حيًيي الله لايهينكم كل واحد يويًق بهذيتا يقول وشو يطري عليه
، ، ،
وابدا بروحي
في ليلتن من اليالي انجضعت وطرت عليً طواري الدنيا وعاد بي الماخوذ الى عصر الوغدنه
وبالتحديد يومن( ن) جذيع وشاربي على اول خطتوه واكا الحين نوى ابوي يروح يم الرياض
ومعوه جدتي ( يملاه الحل ) << كلمة للترحم وعندما سمعتهم بالليل يطرون الروحه
ويتناشدون بيناتهم وابييً يقول هاه ياميمتي هل تولمتي نبي نمشي مع المشراقه فأردت الذهاب
معهم و شبت علي معيدتي فقلت ( تباً لكِ ايتها المعيده فهذا ليس وقتك :mad نهجت الى ابيي
وقلت له ياابي الا تريد ونيسً معك قال هلاَ عضضت التراب ياولد كن رجالً وانهج لفراشك
لتخمد وتنم نهجت اجر كراعيني بخطى متثاقلة نحو فريشي بالسطح تتُنكني العبره ابي انام
عجزت واتقلب يمين شمال شمال يمين مامن نوم وانا اقمز قالت جدتي
(اوخذ يالماخوذ!!!! ) <<< كلمة للتعجب وش نوحك يابني قلت والله ياجدتي ابي الروحه معكم يم
الرياض وهي تضحك وتقهقه قالت بس هاذي ( ابدن ابدن ياولدي ) <<<< اسلوب تطمين
نم ويامننا مشينا اقعدك قلت ابي لكنني اخافنوهُ يعيي قالت ابدن ماعليك يامن بغينا نمشي
اندهك واجحرك بدبة السيارة من قفوا >> يعني(اتغيب حدر المراتب القفويات ) والصحيح
انني مانمت فلقد ذليتها تتسذب علي وحين بغى الشايب يمشي واسمعوه يتنحنح وانا اقمز
واركض اخمش لي ثويبين مع سروايل واصرهن بلي صره واراعي لجدتي وهي تغمض لي( الحق
لِه يابعد حيي لها الوجه امش اركب ) وانا ارتسب وانجحر حدر المرتبه من قفوا تماماً مثل
( ماتفقنا انا والعجوز جدتي ) وهم يرتسبون ويمشي الشايب ويوم انهم انتصفوا بنصف الطريق
شعرت بتعب من عملية التدنيق اضهرت علابيي واذاني ولكن ! حدثت مالا تحمد
عقباه !!!!!!! راني الشايب بالمراءه وقال (ارخو ابوي ) وشو هالبليه الي قفوي ملبد
احترف الشايب وقال مالذي اترسبك معنا شعرت بالذله تقضب رجليني والعبره تكتني و
تقمز العجوز تنهض عُوتسيِتها قالت (حرامن عليك انك ماتنوشوه يحرم علي مكالمك ) <<< اسلوب
تهديد ويوم حرمت وهو يتراجع ولكن ! وشو عقبوه يوم سالت الاوديه والشعاب لم اشعر الا
و السروال يدرج من الخرعه جلست اتامل بكلمت جدتي وكيف تسوي سوايا هالكلمه قلت
لروحي خلن احفظه غديه تنفعن يابغيت شينً وعيا الشايب<<<<<<<< كخخخخخخخخخخ
ومالكم بالطويله وصلنا الرياض وعند عيال عمي ويبزون بي وانا نافخن روحي ومن وصلت
ماعرفت جدتي حيث انني ماشوفه الا باليل يابغيت انام وقال ابوي اسمع تر حنا بالرياض
ماحنا بالقريه لاتطلع الشارع تسمع قلت ابشر ياوالدي ومطخت راسه
وحين قدم باتسر جائني ولد عمي قال ياشخاط ابي فزعتك واكا الحين انا اكبرهم كلهم وغدان ابو
اثنعش وابو عشر وهالمحاري وانا ابو اربعطش وزولي مانطولوه غازن علابيي واذاني طافحات
واخوانهم الي بوقعاي واكبر مني مادانيهم يغلون الكوره وانا مادانيه احب اصير دوم ريس يعني
(احب اصير متبوع ماني تابعن ياصرت معهم قالوا امش ورانا وشل لنا ثيابنا ويرسلونن جب
هذا وجب هذاك وجب هالحويجه ويتومرون علي واغلي الوغيدان انا اكبرهم و تحس ان لك هيبه
حيث انني اشعر معهم انني عنتر بينما مع اقراني انني شيبون قلت ازهله ياولد العم ماذا
عندك قال بوه لي صديقن شمري ساكنن بحارة بعيده وتحاشقوه عيال جيرانهم ودبغوه ونبي فزعتك
غديك تذللهم قلت ابشر أي نوع من الفزعه تريدون (تطيِير عيون ام مطارح ) قال لا
ودنا مطارح قلت تدل بيتهم قال الله الله وطلعنا نبي تاكسي وعيوا لياقفون يشفووننا وغدان ومحدن
ياقف قلت دعني اسوي مثل الي بالكرتون اجمع اصابع يديي الأربعه والابهام امدوه وامد يدي
كله واشر على جنب وقول زيهم تاكس تاكس ولكن ! بلا اسف ماش محدن وقف جلست افكر
وافكر وهي تطري علي هالفكره اجحرت ادي بمخباتي <<< (خبيل الخنقه فزاعن به
والفلوس هو يدفعهن ) وانا اضهر الخمسين وكل مامر تكسي من عندنا رفعت يدي بهن
واوميت و ياقف اكا الشايب قال هاه اين تبون قلت يم الحي الفلاني قال شيه ورن
الفلوس التي معك وانا اوريه متفاخرن بها وهدفي هو حمقرته ونذخه فهي خمسين ريال خرجية
العجوز لي بمناسبة الوصول لرياض وهي كل ماملك ويحول سواق التكسي
وانا انخرع <<<< (امحق فزًاع ) قال تعال و يقضب علابيي وكتوفي ومسكت روحي
لايدرج السيل نوبتن اخرى فليس معي سروال الان قال علمن منين سارقهن قلت وقسمن
بالله ماني سارقهن فلوسي وانا اقعد احلفلوه تسيف ( ملعون المترس ) عيا ليصدقن قال
تعلمن والا انهج اطق على ابوك قلت والله انهن لي وانا ابي اعلمك قال هاه يالله علمن قلت انا
ابي اروح يم امي حيث طلقها ابوي عندما كنت في المهد وابوي معيي وهذي خرجيت ابوي لي
تكفى الله يخلي لك عيالك وينجحهم <<< (مأثرتن بوه هالدعاوه) مكثت اعرتس عويناتي وهن
يدرجن من الخرعه الى ان قال اسكت اسكت يالله ارتسب ارتسب وفلوسك خلهن معك اثريه
رحمن الشويب وانا والله (اغز علابيي معوه بالتكسي قدام
واجحرهن بمخباي ) <<< اسلوب وصف و يرتسب ولد عمي ورا قال اين بيت امك الاست تقول تبي
امك ويحك كيف لاتدل بيتها هاه قلت انا جاين من القريه وابي اشوفه وهذا الي
يدله قال يالله دلن عليه وحنا ناصل ونحول يمرا الولد يتنانا عند الباب ويعرفوه ولد عمي بي قال هذا
ولد عمي شخاط جاين من القريه شجاع يطارح أي احد حتى لوه ابوك ويفوز عليه قلت وينوه
الي ضربك قال استنى ابي اروح اصوت لوه وهو ياخذ اكا الرضمه ويطوحه على باب بيتهم وانا
منخرع قلت اخشى ان يكون دحاش والله لايتوطاني وهو يطلع يمرا وليدن صغير قال
ولد عمي له تعال ولد عمي شخاط يبيك يبي يطارحك قال اتنونن يما اجيب ولد عمي ( راحت
السالفه تنا ومتنا ) وهو ينهج يصوت لولد عموه يجاين منتفش كادرام زباله وهو اقرب الى
المكنسه الكهربائيه ولكن ! اطول بضع سنتميترات ويوم جاء قال هذولا
الشمامره يبون يطارحونك قال تبي تطارح قلت نعم ابي اطارح وش عندك قال وانت وشو الي دخلك
بالموضوع قلت بكيفي ولد عمي وابي افزع لوه عندك مانع قال يصار هلون قرب جاي
وانا بي لي طبعن ياجتن النذخه اكا الساعه اصير عنتر بن شداد سبع قلت في نفسي يالله
انك تجيبه لي يالله ماخاب طلابك يالله تجيبه يالله لا تردن ياسميع ولم امل من الدعاء فكرت
وشو الي يجيبه اوانا اقعد اديور هالماخوذ الى ان وقعت عيني على حدى شبابيك بيتهم قلت
ياولد
يشخاط غدي حدى خواتوه يوقن مع الشباك ويشفنك ( انذخ سبع حيك قدامهن انذخ ) والحمد
لله وهي تجينن وانا اشمر عن ساعدي واجحر ثوبي بسروالي واخذوه فوق وزل عنوه
واطرحوه ياهو مشنقلن بدون حراك والحمد لله ادركت فيما بعد ان نفختوه حدت من حركتوه فركبت
فوقوه وادعست خشموه بالقاع ودحيت فرتوه بالتراب وسط تصفيق وصفير من العيال الى ان قالوا
ييزي ييزي قلت لا والله ماييزي وانا ولد ابوي وهي تطيح عيني على رضمتن منجضعتن عند
رجلينوه وانا احترف وراي واخطفه واقعد ادق به علمتوه حتى سالت الدماء ودرجت هجوا
العيال ولكن ! اكتشفت ان ماحولي احد مامن الا انا اتلفت يمين وشمال وانا اقف واضهر ثوبي
واعضوه وانحاش وركض ركض واضهر الخمسين << عرف سرهم واوريه من بعيد وهاالمره وقف
التكسي قال اركب ويم البيت ويوم وصلنا وانجضعنا بفِرشنا قلت لعيال عمي اعلمكم
شي ماتعلمون احد قالوا وشوا قلت اول قولوا والله اقسموا وعاهدوني قالوا والله قلت علمهم يافلان
اعني خويي الي راح معي وشهد الحدث عن كثب ويعلمهم قالوا يسلام والله انك بطل ياشخاط
بطل وهم مستانسين وبينما انا اسرد عليهم بطولتي يمرا حس الشايب باب الشارع
يقرع تالي اليل وانا اقمز واويق من الدريشه ياوالله ابو الولد مع الشرطه وبعدين
،
،
،
(النص محجوب ) منعاً للأحراج وشماتة الأعداء
لسعوال عن ترجمة كليمة مما سبق يرجى مراسلة الاخوان التاليه اسماوهم
( الشيخ ابوالزير/ صديقي مدلول)<<<< حطه بحلوقهم
واشكر حسن سماعكم لي على هالقصة [/grade][/align]
العرض العادي
