الخفجي بخطر

[الرزين]

السلام عليكم ورحمة الله وبركاته
ودي اتكلم عن اللي حاصل بشوارع الخفجي
شوارع الخفجي من اسوء لاسوء المقاول اللى ماسك تصريف الامطار لعب بالشوارع, ولا رقيب ولاحسيب من البلدية.الشوارع صارت كلها حفريات
وين دور اعضاء المجلس البلدي . وين مراقبين البلديه ولا مراقبين البلديه حيلهم على حقين بسطة الخضار اللي بشارع الستين (انا واحد منهم) ومدير البلدية مايمشي بالشوارع اللى نمشي فيها ولا يجي بطيارة.قبل اسبوعين قابلة مهندس بالمشروع يقول خلصنا 70% من المشروع اذا خلصوا 70% والشوارع كذا يعني اذا خلصو المشروع بتصير شوارع الخفجي كلها رمل يعني الواحد لازم يشريله ددسن 84
والله شوفولنا حل يااعضاء المجلس البلدي

[azoozsweet]

السلام عليكم

اخوي الرزين اشكرك على طرح الموضوع يالغالي


اولا مراقبين البلديه بالنسبه لشارع الستين هذولي تابعين لصحه البيئة

ثانيا المراقبين المسولين عن مراقبة المشاريع هذولي ناس فاشله بكل صراحه حيلهم على اشياء مالها سنع ولا لها لاول ولا تالي يعني لو شاف المقاول يخرب سكت راح للمقاول ودفه المقاول بكم ريال ومشى وانا شايف الشي هذا بام عيني يعني مو شخص قايل لي والشخص هذا انا ماكنت اتوقعه كذا لكن بدون ذكر اسماء ماعلينا

اما بالنسبه لاعضاء المجلس البلدي والله العظيم ماشفنا منهم شي مفيد ولا شي يخدمنا ياهالي الخفجي


والشوارع هذي عاده بلديه الخفجي ماجبت شي جديد الحين شوف شارع الكويت الكورنيش القديم كله مزلفت ومن ابدع مايكون ليه ليه ليه ماتدري ليه لان الامين جاي بعد اسبوعين تقريبا والشارع صاير زي العسل لكن حسبي الله ونعم الوكيل الشارع اللي راح يجي منه المسئول يتصلح في خلال يومين والشوارع الثانيه في ستين الف داهيه ماعليهم منها


الشكوى لغير الله مذله لكن نرفع شكوانا لله وانا لله وانا اليه راجعون

[الخفجيsabb]

السلام عليكم ورحمة الله وبركاته


اما البلديه وما ادراك ما بالبلديه

البلديه ليس لها دور بالخفجي نهائيآ بل لا تهتم بأي امر من صالح الخفجي

اهتمامات البلديه هي دفع رسوم الرخص ودفع رسوم استثماراتها فقط اي اعتمام مادي فقط
اما مصالح المواطن ردد ياليل ما اطولك

شوارع الخفجي يذكرني بشوارع السودان يوم رحت اجيب عمال والله شوارع السودان انظف كثير

والحفريات لعبت لعب في سيرانتنا

الخفجي والله ما درو عنك المسؤلين
مدير البلديه اخذ استراحة البلديه وحولها بيت له وسكن فيها وانا اعرف انكم راح تحذفون موضوعي بس هذي الحقيقه ان كنتم خيفين احذفو موضوعي

[الرزين]

مشكورين على الردود
بس والله الشكوى لغير الله مذله

[جليس الرائدية]

يسر الله أمركم يا أهل الخفجي وإن شاء الله تلاقون واحد يراعي مصلحتكم . .

[نوماس الدبلوماس]

[align=center]
أنا أنصح بالأبتعاد عن الخفجي .. هههههههههه
والله مشاكلكم مع البلدية صارت أزمة ..

الدمام قريبة .. لو تستاجر أحسن من قعودك بالخفجي .. الخفجي مستعمرة بلدياً
سياراتكم تكسرت .. نفسياتكم تدمرت .. والسبة شوارعكم ..

والله ياناس أنا أشوف من الأزمة صار 17 سنة ولسا مافية تطورات ..
برج المملكة بالرياض .. أستغرق مدة أنشائة مع الديكورات .. 5 سنوات ..

برج واحد يسكن الخفجي كلها .. قارنوها بـ 17 سنة ..

الله يفك أزمتكم .. أسف حيل على هالرد ..[/align]

[أبو علي]

الله يفرجها
والله إني كنت أفاخر بشوارع الخفجي
لكن الحين ..........................إإإإإإإإإإإإإإإإإإإإإإإإ إإإإإه .

[azoozsweet]

تفاخر مين والناس نايمين الشوارع صارت معدومه والسبب المقاولين اللي كل همه يخلص المناقصه ويطلع من المشروع والفلوس في جيبه انا عن نفسي صار لي سبع شهور ماجيت الخفجي ولله الحمد متسفرد في شوارع الجبيل الصناعيه فديتها ومريح راسي ال الخفجي ال

[أبو علي]

أقول عاد من زين الجبيل حتى صراصيرها مريضه من التلوث اللي أنتم فيه ...
والله ما أدري كيف أنت مرتاح فيها ؟؟؟
80% من مواليدكم معهم ربو !!
لا, و الروايح آخر الليل شي ثاني ,
إذا ما شميتها تأكد إنك برى الجبيل .

[نايف عايد]

يعطيك العافيه أخوي الرزين على هذا الموضوع..

الكثير من أبناء وأهالي الخفجي يطالبون بإعادة زفلتة الشوارع لكن البلدية يذهبون الى تلك الشوارع النظيفه والخالية من الكسور ويقومون بإعادة زفلتتها ..او المكان اوالمنطقه التي ليست مزفلته يزفلتون شوارعها لكي يقومون بتحفيرها مره أخرى..

أنا بعتقادي إن الأصنام عندما تطلب منهم شيء فإنهم لايلبون لك هذا الطلب.. لأنهم لايرون ولايسمعون لماتقول...!

أو إن كبار المسؤلين لهم ورش لتصليح السيارات في الصناعيه ..

لكن الله يهديهم ويجعلهم ينظرون في إعادة زفلتة الشوارع..

أخواني إذا بقى حال شوارع الخفجي على حالها مالنا إلا أن نصور شوارع الخفجي ونرسل برقيه الى خادم الحرمين الشرفين ونكتب فيه حقيقة وضع مدينة الخفجي ومعانات سكان الخفجي من مظهر الخفجي وعدم إستجابت المسؤلين لذلك النداء..


تقبل تحياتي:اسيرعيونك