[align=center]السلام عليكم
بعد غيبة لفيدراليات يرجع لكم بموضوع يهم اهل الرياض اللي في شمالها وجنوبها
عيال الشمال اول مايصحى من النوم يفطر كورن فلكس وحليب والابتسامه شبرين
عيال الجنوب يروح للمدرسه والخشة يابسه ونفسه في طرف خشمه من زينه يوم ينافخ
عيال الشمال مؤدبين في الفصل وممتازين في الدراسه ((دوافير))
عيال الجنوب كسلان في الدراسه وشوي ويضرب المدرس ((شين وقوي عين))
عيال الشمال يطلع من المدرسه على البيت عالطول
عيال الجنوب مايدخلون بيوتهم الا 3 العصر يتمشون في هالقوايل والا يدورون تفحيط
عيال الشمال يروح يدور في التحليه والثلاثين وشوارع رايقه (((عشان البنات))
عيال الجنوب يدور في الدخل المحدود والا السويدي والا الشفا (((عشان الحلوين)))
عيال الشمال اغانيهم بريتني ، فيفتي سنت ، جواد العلي الخ...
عيال الجنوب اغانيهم بشير حمد شنان ، عيسى الاحسائي ، فارس مهدي الخ...
عيال الشمال يتعشون في كنتاكي ،هارديز ، السرايا التركي الخ...
عيال الجنوب يتعشون في تسالي الحاره ((بوفيه)) ، مطعم الناضج (مثلوثه) ، او مطعم الشراع الخ...
عيال الشمال يتقهوون من صدى التحليه ، توتي كوفي ، كوفي تايم الخ...
عيال الجنوب يتقهوون شاي من بوفيه سكر زياده (( عشان تشد )) للاذكياء فقط
عيال الشمال يدورون بجمس 8100 ، لكزس ، بي ام الخ....
عيال الجنوب كامري ، سوناتا ، هايلوكس الخ....
__________________________________________________ ___
طبعا الاربعاء والخميس يختلف الوضع
لين صلوا العشاء حقين الجنوب لبسوا البدل اللي عليها الكلام وفي الاخير تلقاه لابس نعال ((وانتم بكرامه )) يعني يسمع بالرسم ومن بعد العشاء الين الساعه 1
وهو متنقل بين اليورمارشيه و التحليه
طبعا لازم يسوون برستيج يطلبون من توتي كوفي يجي الحساب 50 ريال يقول رجعه
خلاص ماعاد اشتهيه
او الحركه المعتاده يأخذ الطلب وينحاااااااااااااااااااااااش
وبعد الساعه 1 معروف وين يروح ؟؟ يروح يدور هجوله ((تفحيط))
الموضوع منقول من الاخ فدراليات وتم التعديل عليه :p 
[/align]
المواضيع المتشابهه
العرض العادي
