" عزتـــــــــي لـك "

[ناصر الهزاع]

[poem=font="Arial,6,gray,normal,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
عزتي لك ياعيوني للسهر صرتي رهينه=ما حدٍ حس بعذابي غير من مثلي صويب
إحكموا فيني جروحي بالحشا باتت سجينه=كني في غربه غريبه بين ربعي بس غريب
جيت أدور لي سعاده وصارت الفرحه حزينه=صرت أشوف الناس حولي ودهم شمسي تغيب
والقهر للي غلاهم في خفوقي تاركينه=أنشد اللي عاهدوني بالوفا ماحدٍ يجيب
والصديق اللي تركني ناسي مابيني وبينه=خيب الهقوه وتخلا بعد ماهو لي قريب
نفسي عزتها علامه مارضت لأحدٍ يهينه=الرجل دون الكرامه قولته رجال عيب
من مشا في حسن نيه ذوقوه طعم الغبينه=طعنت الأنجاس تذبح يجهل علاجه طبيب
حزني لبسني عباته وقلبي عنوانه ونينه=حتى صبري ماحتملني موقفي أمره صعيب
ياهلي مليت دنيا شفت كل قاسي بسنينه=توني بأول شبابي وأبتدى بالراس شيب
وأشتكي يالله راجي يومي انك لي تحينه=المذله ما قويته وراضي بحكم النصيب[/poem]