مشاهد عبد الرحمن بن مساعد

[ناصر الزعبي]

كلمات الشاعر عبدالرحمن بن مساعد





المشهد الاول

وحدة مزيونة بالحيل.......و حبيبة ...
بس تخون!!!!
وش اسوي بجمالها؟؟
بياخذها الزمان و تبقى عجوز.....
عادي........طاح الحطب.......... و حلوة الحياة


المشهد الثاني
ملتزم ......
يصلي كل الفروض........
و اذا تعب..... فوت صلاة الفجر
واذا شبع راحت صلاة العصر ......
و عنده دش.......و يكذب كثير
و اذا صحى الصبح ......مشط اللحية
عادي........طاح الحطب.......... و حلوة الحياة



المشهد ال ثالث

غني و ظالم .........
يطرد المساكين......و يستغل الضعوف
مغرور و فاسق......
و مجلسه عامر ........
كلٍ يبهر له........
و مع ذلك يجمع حسنات.......من كثر اللي يسبونه
عادي........طاح الحطب.......... و حلوة الحياة


المشهد الرابع
يكد يدرس و يشتغل.........
لاجل يبني مستقبله.......
تزوج و جاب عيال......ثم تقاعد
صار يسكن في مكان.....و أم عياله في مكان
والسبب العيال......
صار دار المسنين بيتهم............
عادي........طاح الحطب.......... و حلوة الحياة




المشهد الخامس
تغازل و تاخذ ارقام...........
و تطلع مع هذا.....و تواعد هذاك........
و يوم طاح الفاس في الراس.......
بكت ........
و راحت تشكي لامها غدر الزمان.......
طبطبت عليها امها وقالت:
ولا يهمك ......سفرة لمصر.... وشوية سيولة
و ترجعين بنت......
عادي........طاح الحطب.......... و حلوة الحياة





المشهد السادس
مرفوع الكفن أبيض .......
وصاحبه وسط البياض.........
بعضهم يبكي.......و بعضهم عادي
دفنوه.....و تبكبكوا شوي
و اخر الليل سكارى.........
عادي........طاح الحطب.......... و حلوة الحياة



المشهد السابع
سيارة مسرعة ........
و تدعس لها واحد........
مسكين هندي..........
و العسكري صديق الطايش ........
والخطا نصه على الهندي......
والباقي على أبو الطايش ...........
و في الليل.....الطايش يلعب بلوت
عادي........طاح الحطب.......... و حلوة الحياة




المشهد الثامن

الى اليوم وانا انصحكم من رمي العلب من السياره في الشارع



قارورة مويه ......
ما تضره .......طايحة في السيارة
يناظرها بغضب.......زعلان منها
و يفتح الشباك .....و رماها وسط الطريق
واذا اجتمع مع الشباب قال:
متى بنتحضر؟؟؟؟؟؟
عادي........طاح الحطب.......... و حلوة الحياة



المشهد التاسع
اهم شي الثوب نظيف.......و الشماغ مكوي......
و القلم ماركة......والساعة تضوي......
و الجزمة جلد.......والسيارة عجب ......
و تلفونه م ا يسكت......
إما بنات.....
أو البنوك تبي فلوسها.......
..عادي........طاح الحطب.......... و حلوة الحياة



المشهد العاشر
سطحية .......و مغرورة
غبية......و متكبرة......و يا ريتها حلوة
تب ي زوج مواصفات......
ما يقول لا.......ويكره الاستراحات
لازم وسيم.....و انيق.....و متعلم.....و دخله ممتاز
و يحب السفر.........
و بعد سنين......تلاقي نفسها في الانترنت
تدور واحد يقبل بها.......
عادي........طاح الحطب.......... و حلوة الحياة



المشهد الحادي عشر
فتح الكمبيوتر......
و دخل للمنتدى......و كلامه ما يتعدى ان الموضوع روعة و رهيب
و هو ما قراه و لا يعرف كاتبه........
بس يبي يزيد المواضيع موضوع .........
ويزيد همومنا هم.........
علشان يصير صاحب الألف موضوع......
و يتميز........
والمشكلة انه يتميز ...........
عادي........طاح الحطب.......... و حلوة الحياة



المشهد الأخير
الكذب اثم.........ومع ذلك نستخدمه
و ندري ان هذا حرام........و مع ذلك نجربه
نتذكر السهرة و الفرح و السفر.......
و ننسى الجالسين على كتوفنا .........
و نتناسى ان معهم كتاب يسجل افعالنا و نياتنا.......
كل شي محسوب.......
حتى النظر ......
نسينا ان ورانا يوم......علاماته قربت
ومع ذلك كلنا ناسين.......
أن بقيت على حالك تتناسى .......لازم تعرف
إن ذاك اليوم مهوب عادي
وانت الحطب
و ما به حياة..........

[الجوووري]

ومازلت الدنيا مستمرهـ كذا


* عادي.. طاح الحطب * وحلوه الحياة .!


يعجبني بوح عبدالرحمن بن مساعد { الصادق } ..

احسنت الاختيار ياسهل المشاعر


الف شكر ..

[!!" الـ غ ـلآ "!!]

سهل المشاعر



دائما مبدع عبدالرحمن بن مساعد

شكرا لاختيارك الجميل

~ ~

[الدووووخي]

اختيار راااائع ســهل صح لسانك ’’’’

[ناصر الزعبي]

اقتباس المشاركة الأصلية كتبت بواسطة الجوووري ومازلت الدنيا مستمرهـ كذا * عادي.. طاح الحطب * وحلوه الحياة .! يعجبني بوح عبدالرحمن بن مساعد { الصادق } .. احسنت الاختيار ياسهل المشاعر الف شكر ..

تسلمين اختي الجوري على المرور

[ناصر الزعبي]

اقتباس المشاركة الأصلية كتبت بواسطة !!" الـ غ ـلآ "!! سهل المشاعر دائما مبدع عبدالرحمن بن مساعد شكرا لاختيارك الجميل ~ ~

مرورك اسعدني اختي

[ناصر الزعبي]

اقتباس المشاركة الأصلية كتبت بواسطة الدووووخي اختيار راااائع ســهل صح لسانك ’’’’

حياك اخوي الدوخي

[غالي كم]

الصراحة رووووووووووووووووووعة واختيارك كان رووووووووووووعة

[~أصداف~]

نسينا ان ورانا يوم......علاماته قربت
ومع ذلك كلنا ناسين.......
أن بقيت على حالك تتناسى .......لازم تعرف
إن ذاك اليوم مهوب عادي
وانت الحطب
و ما به حياة..........

.
.


مبدع دائماً .. عبدالرحمن بن مساعد ..

.
.

أنتقاء رائع ..


يعطيك العافية ..

.
.

لك أحترآمي ..

[أبو رائد]

تسلم يا سهل المشاعر

على هذه المشاهد ..

وهذه الكلمات الرائعة للشاعر المبدع

عبد الرحمن بن مساعد


والله يعطيك العافية