لوحات مدري شتبي ؟؟

[حمال الاسيه]

السلام عليكم ورحمة الله وبركاته

والله ماحد يقوم كلا في محله

مساكم الله بالخير جميعا كلا بأسمه

عدنا لكم بعد غياب دام 35عاما من الجهد والاجتهاد والعمل ليلا ونهارا على هذا الموضوع الشيق الذي سوف يكون سببا لدخولي موسوعة قنيس للارقام القياسيه بإذن الله

او سوف يكون سببا لجلدي امام الله وخلقه على دوار الغربيه

بس قبل ما ابدا موضوعي حبيت القي التحيه على الجميع واتمنى ان لاتفلق احدا وخصوصا طليفيح والدوخي الذين يعتبرون معلم من معالم منتدى الرائديه(ولايهونون الباقين) واقولهم (رحت وجيت ولقيتكم على مانتم عليه للحين مهبل وخفة دمكم مغرقه المنتدى اصم الله عليكم)
بس انا حاز بخاطري شي واحد
بس شي واحد لا اكثر ولا اقل
غبت عن المنتدى 6شهور او 7شهور ولا ذكرني احد بتات البته
صدق اني ماكنت معلم من معالم المنتدى مثل الشباب اللطيفين اللي سبق ذكرهم بس كنت عضو يضرب بقرقته وكلامه الكثير اللي ماله معنى المثل بس شقول عش رمضان ترا الحقران

المهم نرجع لمحور الحديث اللي ابعدت عنه مسافة 1000سنه ضوئيه

هذا الله يسلمكم لوحات من تصويري ولا صورتها الا وانا منذبله تسبدي منها ومنفقعه مرارتي

اول صوره اتوقع كلكم شفتوها وهي حلوه ومو حلوه يعني انا احييه على هالروح الوطنيه والحس الانساني بس ارجع واقول لوحه مدري شتبي


بيني وبينكم انا اول ماشفت هاللوحه وقفت بنص الشارع ونزلت اركض ودخلت البقاله وضميت الهندي بأقوى ماعندي وقعدت ابكييييييي واقوله صدقني حتى حنا نحبك ولا نبي نشتري الدخان على قولتكم ومن بعدها وانا صرت اجي عند البقاله اللي جنبه واشتري دخان بس للحين مايدري اللي يحبنا اني ادخن عشان مايزعل



اما الصوره الثانيه طالت اعماركم عجبني فيها تشبيه السياره بالانسان يعني يوم شفت هاللوحه توقعت بدخل القى داخل الورشه اسره بيضاء مليانه زيت سيارات والقى الكراسي عليها كفرات تعبانه وبقسم الطوارئ سيارات تاخذين اكسجين وتضمد جروح والدور الثالث غرفة ولادة السيارات
بس الصدمه انها من داخل عادي حالها حال اي ورشه براحه فاضيه واربع هنود يشتغلون


والحين ختامها مسك على قوتهم هالصوره ترا من اربع شهور او اكثر والله وانا بنزلها بس انسى ولاعندي وقت اصلا

هالصوره مدوختني مدري انا مافهمتها ولا هي تستهبل قسم بالله كل ما امر على هاللوحه يطلع ببالي تعليق يعني لو بكتب على التعليقات اللي طرت على بالي يبيلي منتدى لحالي
جد جد مدري شتبييييييي تقهررررررررر تحسسني اني دلخ وما افهم
شوفوا انتم واحكموا


يعني الشغله بالعقل يامرورنا الكريم الله يحفظكم ويطول لنا بعمركم اذا انا مابي اوقف ليه اضغط على الفرامل على قولتكم؟
اذا انا ابي اوقف وش اللي يمنعني اني اضغط على الفرامل ؟
يعني مثلا لو بضرب مثال على (الوقت المناسب) مثلا اقول اني بوقف عند بنك الراجحي تتوقعون اني بمسك بريك عند اشارة البلديه ؟
اتعب وانا اعلق على هالصوره بس ما اقدر اقول الا الله يكون بعون كل من يقرئها ويصبره على القهر لان هالصوره تحسسني اني امسك بريك بأوقات غلط واني انواع الغشامه

وهذا وكان الله غفورا رحيما ادري اني سويت من الحبه قبه وتفلسفت بما فيه الزياده ولا ااضن اني بتفلسف ثاني بس شسوي هذا طبع مرافقني منذ الصغر منذ نعومة اظافري اسم الله علي<<<والله مااتوقع مرت على اظافرك نعومه
الزبده اني طولتها وهي قصيره يلا اشوفكم على خير وقولوا كل اللي تبون بالردود لاني انسان اسمع بالاحساس ولا ازعل من احد


سي يووو للجميع

[فتى الرائدية]

هلا أخي حمال الاسيه

نورت القسم بطلتك

هههههههههههههههههههههههههه

صور يبيلها تتعليق لاني مستعجل الحين

لــي عووده

بس راح ينقل لقسم المناسب

[طليفيح]

هههههههههههههههههههههههههههههههه

شف مانبعلكم لاننا نحبكم حلوه

جزاه لله خير

اما مستشفى السيارات هذا هستره ههههههههههههههههههه

تسلم يمينك يابعدي

[حمال الاسيه]

هلابك فتى الرائديه حياك الله ومنور خيوو ورح خلص شغلك وتعال موجودين هنا ماوراانا شي وننتظر ردك طال عمرك
ترجع بالسلامه


حياك الله طليفيح نورت الصفحه يانائب المراقب العام*_*

[شذى العبير]

جازت لي لأننا نحبكم لانبيع الدخان ..

جعل كل من يشرب دخان يا الله يارب يشوف اللوحه وينقد على نفسه ولاعد يشرب لأنه ضرر 100 %

[حمال الاسيه]

نورتي الموضوع بردتس شذا شرفتينا خيتو

[عسوووووووووووله]

حمدالله على سلامتك

صور مدري ايشتبي وتعليقك مدري ليش حلوووو^_^


يعطيك العافيه حمال الاسيه

[حمال الاسيه]

الله يسلمتس عسوووووله <<<لايكون صدقتي اني 35سنه ااسوي الموضوع خخخخخخخخخخخخ

مرورتس الاحلى خيتو
والله يعافيتس ونورتي الصفحه ياعسووله

[أبو الوليد]

.






حمال الأسية






سلمت على الصور



أما الورشة رهيبــة


ههههه





وفقك الباري





.. .. ومضـــــــــــــــــــــة .. ..


اللهم انصر إخواننا في غزة ، فرج همهم ، ونفس كربهم ، واشف مريضهم .

[goree]

لاننا نحبكم لانبيع الدخان
بعدي والله :d

هلا بك حمال وبعودتك
ومنورنا من جديد
/
\
ܓܨ[mark=000000]جوري[/mark] ܓܨ