خساره طحت من عيني بعد ما كنت ماليها
خساره يا صدى قلبٍ من الطعنات بينوحي
خساره قلتها صآدق و انا ادري في تواليها
شموع الهاجس الباكي تذوب و تذبح اطموحي
خساره طعنتك سودا ظلام الغدر كاسيها
تعبت و دنيتي ضاقت و لا أدري وين باروحي ؟!!
مدينه كنت لك و اكثر وطن و الله حاميها
و كانت فدوتك ضحكه غرسها الله في بوحي
و كنت أذخر لك إحساسي و طالت في مبانيها
نوآطح ماتت بصدري .. و ريح الدم بيفوحي
يا هتان الوفا أَمْسِك .. دخيل أرض تسقّيها
مدام أن الصبر نبتة توفت داخل جروحي
على هد الغرآم أبكي حنينٍ كان ماضيها
و روّح ليتها آخر ( بحفظ الله مسموحي )
قناع الوجه يتبدل وجيه الخلق وش فيها ؟
غموض العالم بينحر ملامح طفلة وضوحي
أسيرٍ للألم قلبي أناجي الناس أداريها
رضيع الهم يتعذب علام الناس ما توحي ؟
أبحفظ دمعتي بعيـني عسى ربي يذرّيها
و لا بيفيدني جرحٍ صُلِب في مسرح امزوحي
عصافير الهوى عافت غزل ينساب في فيها
و لاحت يا بعد عمري و يا قلبي و يا روحي
تبخر هالسراب الي احتواني في بواديها
و أعض الشفة بحسرة سرآبٍ دايم يلوحي
أبمسح هالسطور الي دموع الياس تشْقِيها
كفايه هالقهر مُلْقى بوسط الخد مطروحي
و أنا بعت الوفا خسآره (خسارة ) قال حاديها
خساره كنت أظنه يوم في صفي و مصلوحي
خلاص أنسى الحكي بشكي مليك الأرض باريها
اذا صكّ البشر بابه فـ بــاب الله مفتوحي
حمام الدوح ناشِدني أبي روحي أوفّيها
علامك سآكت ؟! أتكلم دخيل الله يا دوحي
و قال بعبرته : كافي داير الوصل أعفيها
و سآفر للهجر دامه طهور الدم مسفوحي
بودع خاطرك و أكتم جروحي في محانيها
و روّح علها آخر ( بحفظ الله مسموحي )
المواضيع المتشابهه
..شذى لاهنت على المرور
العرض العادي
