الملف الشامل( لنادي العلمين ) آراء .. مقترحات .. شكاوي .. اقتراحات ..

[ناصر الشمري]

هذه رسالتي الى اخي قيصر روما الذي اتمنى ان تكابر على

ظروفك وتلتحق بفريق النادي الموسم القادم بأذن اللــــــه :

اولآ : يا اخي الفاضل انت اكثر واحد يعلم ان معظم الفريق من خارج الخفجي وبالنسبه
للاعبين اللي موجدين بالخفجي كانوا لايغيبون الا بعذر من المدرب سواء بالهاتف
او الحضور شخصيآ,,,,,,,,, للمعلوميه فقط .

ثانيآ : بالنسبه للهجمه اللي ضيعت ضد نادي الساحل التي انتهت 1/1 ((بصراحه))
ما تنضيع بس وش نقول قدر الله وما شاء فعل ومن حق المدرب ان يتفاعل مع
فريقه,,, وللمعلوميه لو احرز هذا الهدف لقطعنا اكثر من نصف المشوار ولكن
التوفيق بيد الله عز وجل والحمدلله على كل حال .

والف شكــــــــــر لك اخي العزيز (قيصر روما) على المشاركه
الطيبه ولنا لقاء انشاءاللــــــه

[قسوره]

أولاً شاكر لكم تجاوبكم يا: سكرتير الندي & الكبتن ناصر
ثانياً: بالنسبة للهجمه اللي صرخ فيها المدرب << أنا ما أقصده بهالكورة بالضبط, هذا كان مثال بسيط بس على طريقة تعامله مع اللاعبين داخل الملعب

~~ ~~ ~~

~ ~ ~

اللي أبي أوصل له بأن مدرب فاهم مثل الكبتن هشام, حتى وإن كانت هذي الهجمة هي مصيريه أكثر من تلك الهجمه, لازم كان يقول: أحسن ياكبتن ويشجع بدل مايزيد الطين بله
في كرة القدم شيء واحد أنا مقتنع فيه تماماً, وهو:

~~ ~~ ~~

~ ~ ~

إن نفسية أي لاعب, لازم تكون مهيأه تماماً قبل المباراة وأثناء المباراة وبعد المباراة, لكي لا تخسر لاعب
مثل هالأمور لازم يكون المدرب فيها إيجابي, هو الآمر الناهي في الملعب بالنسبة للفريق, يعني إذا كان سلبي وردة فعله بهالشكل, كيف تبي من اللاعبين غنهم يمسكون أعصابهم ويعهدون وهم يشوفون إن المدرب متنرفز ؟!!!

~~ ~~ ~~

~ ~ ~

وأذكر إن هذا مثال بس على طريقة تعامله مع الاعبين أثناء المباريات

مثال بسيط آخر: في دورة رمضانية قبل سنتين بالضبط, أضاع احد اللاعبين هجمه في أحد المباريات ( وأعتقد إن اللاعب هو خالد الرشيدي)
ردة فعل المدرب كانت سلبيه بحته, وقال بالحرف الواحد: لو ماعوضت هالهجمة حطلعك !!!!!!!!!!!!!!!!!!!!
سؤال: بالله وبدون أي مجامله هل هذا أسلوب يعامل فيه أي مدرب فاهم لاعبيه في مباراة, بالله بدون مجامله ؟؟؟!!!!!!!!!!!!
وبالنسبة للظروف, الله يقدرني وأتغلب عليها ياكبتن, وصدقني يشرفني الإنظمام, بل على العكس أتمناه, ولكن العين بصيرة واليد قصير, والله يقدرني على خدمة النادي والخفجي بأي شيء إن شاء الله
لكم كل الشكر على تفهمكم, وتقبلكم النقد, والمعذرة على التأخر بالرد, لكما مني فائق التقدير والإحترام

[فهدالقحطاني]

السلام عليكم اخواني اعضاء المنتدى ز...


اولا اشكر الاخ ابو رائد على طرح الموضوع للمناقشة لان نادي العلمين هو نادينا الوحيد فى الخفجي ونكنة لة كل الاحترام .......


لقد تابعت الموضوع والردود اول باول ولكنني قلت كلمتين في بداية الموضوع وهي المطالبة من رجال الاعمل في الخفجي على دعم النادي ..........


ولقد قرات من بعض الاشخاص الذين يطابون بتغير الكابتن هشام وانا اقول ان الكابتن هشام من افضل الذين مرور على تدريب النادي طوال السنوات الماضية ........


النادي لا يشتكي الا من الضائقة المالية التي تشتكي منها اكثر الاندية في المملكة النادي يضم افضل الاعبين في النطقة الشرقية باستتاعتهم انشاء اللة الموسم القادم التاهل ..............

يكفيك ان الاعبين تم طلبهم من اندية ممتازة للاحترف فيها ......

ناصر الشمري يعد من الاعبين المميزين في النادي مهاجم من نوع خاص تسستمع بلعبة

وانت خارج الملعب لاعب يمتعك باهدافة الجميلة ..........

علي حمد المري زيدان الخفجي لاعب مميز ترتاح لة بخط الوسط لاعب يطربك بلعبة ...


وفي النهاية اسمحوا على الاطالة والشكر الخاص للاخ سكرتير النادي على مجهوداتة

الرائعة في الرد عن امور النادي .........

اخوكم مشجع النادي فهد القحطاني ..................

[بـــقـــايـــا حـــي]

السلام عليكم ورحمة الله وبركاته

صبحكم الله بالخير

في البداية ودي ارد على الاخ العزيز أبو رائد

اقتباس المشاركة الأصلية كتبت بواسطة أبو رائد (( ليــــــه ؟؟؟ )) أشكرك على كلامك الطيب وأسلوبك المميز في نقاشك للموضوع وبالنسبة لملاحظاتك على اللاعبين اتمنى إرسالها لي برسالة خاصة وأنا أوجه لكل لاعب منهم ما تطرحه هذا إذا كنت ترى بأن هذا من مصلحة اللاعب نفسه فالنصحية يتمناها الجميع ولا يزعل من النصيحة إلا المتعالي والمتكبر وأنا أرى بأن أغلبية لاعبي النادي عقولة متزنة ويقبلون النصيحة وأشكرك مرة أخرى على حماسك ونقاشك .. الجاد والتحلي بالاخلاق الحسنة التي اتمنى أن يتقيد بها الجميع .. ((وملحوظة : تم حذف أحد روردك ))

اولا ً :

بالنسبة لاسلوبي اللي وصفته بشي من المجاملة اللي اعتز فيها صدقني انه مثل الوسام على صدري

ومن المفروض على كل شخص انه يحترم الناس علشان يحترمونه




ثانيا ً :

بالنسبة لحبي للنادي فهذا شي مفروغ منه اخوي لان مثل ما ذكرت اغب لاعبي الناي من الناس اللي اجلس معاهم وعزيزين على قلبي


ثالثا ً :

بالنسبة لبعض اللاعبين اللي تكلمت عنهم وطلبت اني ارسل لك مسجات خاصة اسمح لي اخوي انا بحاول اتكلم معاهم انشاءالله عن قريب لما ارجع للخفجي



رابعا ً :


بالنسبة للردود اللي حذفت تمون يا قلبي ومن ابسط حقوقك والله







تحياتي للجميع

[بـــقـــايـــا حـــي]

بالنسبة للموسم القادمة


اتمنى من جميع اعضاء النادي تكثيف الجهود من الآن وعدم الاتسهتار بالفرق اللي راح تلعب وياهم لانهم عارفين ان كل فرق الشرقية يظهرون بمستويات باهتة واذا قابلوا العلمين صاروا مثل ريال مدريد اذا مو العن بعد



يعني هالله هالله باللياقة والتكتيك السنع ودراسة كل فريق قبل مواجهته سواءا ً من نقاط القوة او الضعف والتركيز على نقاط القوة بشكل اكبر


وانشاءالله نشوف المستوى المأمول ونبارك لانفسنا التأهل




تحياتي لكم

[عبدالله الثويني]

بسم الله الرحمن الرحيم
اولاً : اشكر الأخ قيصر روما على تفهمه لبعض الردود لكن بالنسبة لموضوع الكرة الضائعه من الكابتن خالد الرشيدي وهو لاعب غني عن التعريف واتمنى له كل التوفيق ولزملائه الموسم القادم .. اقول لك يا قيصر روما هل لديك ما يثبت صحة كلام المدرب للكابتن خالد الرشيدي ؟؟؟
ثانياً : لماذا تأخذ اخي العزيز تلك الأمور بمنظور سلبي ؟؟؟ ليه ما تقول انه مثلاً يريد المدرب من خالد الرشيدي أن يعطيه الثقة في نفسة ويحمسه لتسجيل هدف مثلاً ؟؟؟ اضرب لك مثل عند جميع المدربين حين يحس بتكاسل بعض اللاعبين وقت المباراة يقوم بأعطاء التعليمات للإحتياطيين بالتسخين والإحماء ليس من أجل ان يجري التبديل لأي لاعب بل لتحفيز اللاعبين بالملعب وبهذا المتخاذل سيشد من ازره وربما يتغير لعبه ويتحسن وهكذا اخي العزيز قيصر روما . فالذي اريد توضيحه أن نأخذ الأمور بكل بساطة فالمدرب كان ولا زال الأخ الأكبر للاعبين مهما حصل من ملابسات وغيرها فلننظر للأمام فربما القادم احلى . ولك خالص تحياتي قيصر روما .

ثالثاً : اشكر الجميع على شعورهم الطيب تجاه ناديهم نادي العلمين الذي في يوم من الأيام سنتحدث نحن وانتم عنه سنين طوال انشاء الله . كا اشكر الأخ فهد القحطاني على شعورة الطيب فنحن كإدارة في النادي نسعى دائماً لإيجاد الحلول لخدمتكم والعمل لأجلكم دائماً انشاء الله ،،، والله يحفظكم ويرعاكم ،،، ودمتم

[قايد الريم]

بعد التحية وبحكم المشاركة الاولى لي بهالمنتدى اعقب على هالموضوع اللي صراحة اسمع فيه من الشباب بكثرة وصراحة استغربه هو انه موجود شللية بالنادي او محاربة للاعبين الجدد اقول ان هالكلام عاااار من الصحة وانا صراحة مااقول هالكلام من فراغ بل لاني لاعب من لعيبه النادي الحاليين وبالعكس ان اللي يقول هالكلام مردود على راعيه والنادي فاتح ابوابه لكل واحد يشوف في نفسه الكفاءة لتمثيل النادي فمرحبا ومسهلا لان النادي ماهو بحكر على س من الناس وعلى قولتهم هذا الميدان ياحميدااان ولو اني اشوف ان الموجودين فيهم الخير والبركة ولاهو بتقليل بالاسماء اللي ذكرتوهم وعموما الموسم الجاي قرب والصيف جاي والاستعدادات بتبدي ون كنا صراحة نتعشمع خير بالادارة الجديدة لان النادي صراحة واوقولها بالفم المليان محتااااااااااااااااااااااج دعم ولاهو بمحتاج لاعبين وان كنت اراهن على هالاعبين ومكانهم بالدرجة الاولى على اقل مستوى بس اهم شيء الدعم ........................واسفين على الاطالة بس يالله تحملونا اول مشاركة والقادم احلى باذن الله...

[قسوره]

سكرتير النادي

~~ ~~ ~~

~ ~ ~

لما أتكلم عن المدرب هشام هذا مايعني إني أقلل من من قيمته أو قدراته التدريبيه, أنا أتحدث عن أسلوب تعامله اللي أستغرب منك إنك تقول إنه إيجابي وهو ماشاف الإيجابيه ولا عرفها بهالمواقف

~~ ~~ ~~

~ ~ ~

عشنا مع مدربين توانسه وسعوديين وحتى مصريين, تابعنا كورة محليه وعالمية, وصدقني والله ماشفت مدرب يصرخ على لاعب من لاعبينه بعد تضييع هجمه إلى الكبتن هشام

~~ ~~ ~~

~ ~ ~

مسألة إن الإحتياط يسخن عشان يكون دافع, فهذي موجوده بس صدقني طريقة قديـــــــمه حنا ترى في عام 2005

~~ ~~ ~~

~ ~ ~

نرجع للموضوع وعن ضياع هجمة اللاعب خالد الرشيدي, أنت تطالبني بإثبات هالشيء, بالله عليك كيف تبيني أثبت لك, كلمة ونقالت وأنا سمعتها بإذني ولو إني داري كان جبت معي مسجل اللملعب وسجلتها

على فكرة إنت كنت بالإحتياط ذاك اليوم وسمعتها, رجع ذاكرتك لرمضان قبل اللي فات وصدقني بتتذكر <<< هذا إن كنت نسيتها أصلاً

~~ ~~ ~~

~ ~ ~

بعدين وبعد كل نقاشنا هذا تجي وتطلب الإثبات, يعني منت مصدقني !!!

أجل ليش قاعد تتناقش معي, أصلاً ليش فاتحين هالموضوع إذا واحد جاكم وقال كلمة حق تزعل غضبتو وكذبتوه !!!

~~ ~~ ~~

~ ~ ~

تبحثون عن الحلول للقضاء على المشاكل, إقضو مشكالكم اللي بداخلكم أول, مو عيب الواحد يقول كلمة حق وينتقد, وصدقني هذا كله بيكون في مصلحة النادي

~~ ~~ ~~

~ ~ ~

همسه في إذن كل غيور على النادي:

لما أتكلم على المدرب, فهذا ليس من باب حقد أو ماشابه, لأنني ولله الحمد لا أعرف هذا الأسلوب وهذه النوعيه من النقاش, كل مافي الأمر إن كلمة الحق هي مفتاح كل نجاح

لكن تجي وتكابر وتجامل <<< أجل ماسويت شيء, وعلى قولة المثل: كأنك يابوزيد ماغزيت

~~ ~~ ~~

~ ~ ~

نعيب زماننا والعيب فينا ,,, ومافي زماننا عيب سوانا

س ل ا م

[عبدالله الثويني]

بسم الله الرحمن الرحيم
امسي على الجميع ولي بعض الملاحضات على رد الأخ قيصر روما ..
1- صدقني كنت مع الاحتياط وما سمعتها بس ابي اعرف هل كنت انت احتياطي معنا ايضاً ؟؟؟
2- انا ما اقول ان ما ذكرت غير صحيح بس انا ما شفتك معنا في الاحتياط ونت وشلون سمعت هالكلمة ؟؟؟
3- من المفترض اخي العزيز قيصر روما ان نبحث عن ما يخدم النادي وليس ما يفرق بين النادي واللاعبين المستجدين والذين يريدون الانظمام الى النادي لأن قولك هذا عن المدرب فيه اشياء كثيرة ربما تفهم من الغير بمنظور آخر يعني سلبي وانت لم تبالي بهذا الشي .
4- بعدين لو كانت هذي كلمة حق فهل من الضروري نشرها سؤال يحتاج الى اجابة منك يا قيصر روما ؟؟؟
5- مسألة تسخين اللاعبين ياعزيزي الفاضل تقول بأنها قديمة فالذي نشاهدة الآن في المباريات ماذا يعني وتذكر اننا في العام 2005 م والا فما الجديد لديك انت ؟؟؟
6- قل ما شئت بس كلمة الحق من المفترض يقصد بها البناء وليس الهدم ولا اعتقد بأن ما قلت سيختلف عليه اثنان .
7- اما المدرب من خيرة المدربين الذين دربوا في النادي وله صولات وجولات فنحن كإدارة جددنا له عقده وهو باقي معنا هذا الموسم انشاء الله .
8- الأخ العزيز ابو رائد فاتح هالموضوع يا قيصر روما عشان نرتقي للأفضل ونصل من اقرب الطرق ونجد الحلول وتشير انت علينا بمعلومة لو واحدة فقط يستفيد منها النادي ، ولم يفتح الموضوع لغير ذالك انت تطعن بهذا وذاك يعني ما تقدمنا ابدا ً ولا تغيرنا فمن الافضل ان نتوقف اذا لم يكن هنالك فائدة وتغيير اتجاة الموضوع الى موضوع آخر غير نادي العلمين .
9- ارجوا بأن اكون وضحت بعض النقاط للأخ قيصر روما لأنني صريح واحب الصراحة دائماً فلكل وجه نظر يعبر عنها كيفما اتفق المنتدى فاتح ابوابة لكل من يريد ان يعلق او يجرح او غير ذلك ، فأنا مطلوب مني ان ارد على كل صغيرة وكبيرة تخص النادي فقط لأوضح للعالم ما يدور في نادي العلمين وليس كل ما يدور في النادي ؟؟؟
كل التحية والتقدير لك قيصر روما على غيرتك على ناديك نادي العلمين والله يديم هالمحبة انشاء الله ونشوفك مع فريق نادي العلمين الموسم القادم وتبدع في المستطيل الاخضر كما تبدع في الكتابه ايضاً . والسلام عليكم ورحمة الله وبركاتة ..

[قسوره]

هلا والله وغلا سكرتير النادي وشاكر لك تجاوبك, خلنا ناخذها حبه حبه, ياغالي

اقتباس 1- صدقني كنت مع الاحتياط وما سمعتها بس ابي اعرف هل كنت انت احتياطي معنا ايضاً ؟؟؟

اقتباس 2- انا ما اقول ان ما ذكرت غير صحيح بس انا ما شفتك معنا في الاحتياط ونت وشلون سمعت هالكلمة ؟؟؟

صدقني واللي خلقك سمعتها بإذني, وأنا ما كنت مع الإحتياط ولكني كنت ورا الإحتياط مباشرة مع الجمهور, وأعتقد إحنا مو بإستاد الملك فهد والمسافه بين الجمهور والإحتياط اربع أمتار, وصوت المدرب هشام ماشاء الله مايحتاج

اقتباس 3- من المفترض اخي العزيز قيصر روما ان نبحث عن ما يخدم النادي وليس ما يفرق بين النادي واللاعبين المستجدين والذين يريدون الانظمام الى النادي لأن قولك هذا عن المدرب فيه اشياء كثيرة ربما تفهم من الغير بمنظور آخر يعني سلبي وانت لم تبالي بهذا الشي .

تابع ردودي الأولى ياعزيزي

وأنا أتكلم وأقول الزين اللي فيه والشين بعد, أجل أنتو كيف تبحثون عن حل المشاكل, هذي وحده من المشاكل, وقاعد أتناقش معك فيها

ولا أنت تبي الموضوع يقلب كله مدح في النادي وأعضاءه << إذاً على كذا وين بتلقون حلول, وأي نقاش اللي تتكلمون عنه

اقتباس 4- بعدين لو كانت هذي كلمة حق فهل من الضروري نشرها سؤال يحتاج الى اجابة منك يا قيصر روما ؟؟؟

أجل زي ماقلت من شوي, نخلي الموضوع كله مدح في مدح, ونبحث عن الإيجابيات ونتباها فيها, وبعدي ؟؟!!!

أنا اللي أسالم اللحين وبعدين, أجل ليش فاتحين هالموضوع, أنا قاعد أتناقش مع إنسان فاهم ومالي شغل باللي يفسرون كلامي على هواهم

أنا واثق منك عشان كذا آخذ وأعطي معك, وأرجع وأقول كلمة الحق ماتزعل, والساكت عن الحق شيطان آخرس

يعني أكيد من الضروري أقولها

اقتباس 5- مسألة تسخين اللاعبين ياعزيزي الفاضل تقول بأنها قديمة فالذي نشاهدة الآن في المباريات ماذا يعني وتذكر اننا في العام 2005 م والا فما الجديد لديك انت ؟؟؟

ياعزيزي أنا ماجبت شيء من عندي, ولا قلت بإني أملك دكتوراه في عالم كرة القدم

اللي قلته بأ الطريقه قديمه << وبنيت كلامي هذا من اللي تشوفه عيوني

من خلال متابعتي للمدربين العالميين في أوروبا

كابيلو, مورينهو, سبالتي, السير, ليبي و غيرهم الكثيــــــــر

ألاحظ إن بعض اللاعبين يطلع من جو المباراة, ولكن فجأة يرجع و يستعيد حماسه, بكلمة من مدربه على خط التماس, بإبتسامة عريضه عند تضييع هجمه << مو صراخ !!!!!!!!!!!!!!

اقتباس 6- قل ما شئت بس كلمة الحق من المفترض يقصد بها البناء وليس الهدم ولا اعتقد بأن ما قلت سيختلف عليه اثنان .

ياخوي كيف تبغا تبني وأنت ماتببي تتكلم إلا في الإيجابيات, تلف وتدور وترجع لنفس كلامك

والله يسامحك يوم تفكر إني من الناس اللي تبي تهدم, للأسف إكتشفت إنك من الناس اللي تزعلهم كلمة حق

الموضوع فتح للنقاش للناس اللي تاخذ الأمور بجديه وبعيد عن العاطفه, وأنت تتكلم عن البناء وتزعل من ذكر السلبيات, عجب عجاب !!!!!!!!!!!!!!!!

اقتباس 7- اما المدرب من خيرة المدربين الذين دربوا في النادي وله صولات وجولات فنحن كإدارة جددنا له عقده وهو باقي معنا هذا الموسم انشاء الله .

ياخوي وأنا قلت إنه مدرب فاشل اللحين ؟!!!!!!!!!!!!!

ليش تتبع مفهوم: إن لم تكن معي فأنت ضدي

أنا مدحت المدرب وتكلمت وقلت إنه من خيرة المدربين وهذي ماهي بحاجه لشاهدتي, بالعكس يعجبني أسلوبه التكتيكي وقياديته المبالغ فيها بعض الشيء

لكن هذا مايعني إني ما أتكلم عن سلبياته, ومو إذا ذكرت أحد سلبياته هذا يعني إني أعتبره فاشل !!!!! << لا ياخوي انا ماقلت إنه مدرب سيء أبداً بل على العكس وأرجع وأقولك تابع ردودي في البداية

وتأكد أنا مو من اللي يناقض نفسه أبداً

اقتباس 8- الأخ العزيز ابو رائد فاتح هالموضوع يا قيصر روما عشان نرتقي للأفضل ونصل من اقرب الطرق ونجد الحلول وتشير انت علينا بمعلومة لو واحدة فقط يستفيد منها النادي ، ولم يفتح الموضوع لغير ذالك انت تطعن بهذا وذاك يعني ما تقدمنا ابدا ً ولا تغيرنا فمن الافضل ان نتوقف اذا لم يكن هنالك فائدة وتغيير اتجاة الموضوع الى موضوع آخر غير نادي العلمين .

ياخوي حرام عليك, وربي حرام عليك

طعنت بمين وتكلمت على مين ومين, كل اللي قلته وتناقشت معكم فيه هو نقطة سلبيه في المدرب هشام, حولت الموضوع إني أتهجم, والله عيب عليك أنت أكبر من كذا والله ماتوقعتها

وبالنسبة إني أبعد عن الموضوع, فهذا الموضوع فتح للنقاش واقول اللي يمليه علي ضميري, اللي تشوفه عيني وتسمعه إذني

ولا تبيني أقعد أمدح في هشام إلى نهاية موضوعك هذا, < إذا كان هذا مبتغاك فأعذرني

مني من الناس اللي تجامل أو تنافق !!!

المدرب ترى إنسان ماهو ملاك منزل من السماء !!

وتراك ظلمتني يوم تقول إني طعنت بهذا وذاك !!!!

راجع ردودي وإفهمها زين قبل لا تفكر ترد عليها

اقتباس 9- ارجوا بأن اكون وضحت بعض النقاط للأخ قيصر روما لأنني صريح واحب الصراحة دائماً فلكل وجه نظر يعبر عنها كيفما اتفق المنتدى فاتح ابوابة لكل من يريد ان يعلق او يجرح او غير ذلك ، فأنا مطلوب مني ان ارد على كل صغيرة وكبيرة تخص النادي فقط لأوضح للعالم ما يدور في نادي العلمين وليس كل ما يدور في النادي ؟؟؟

الله يعطيك العافية, بس لي تعقيب بسيط لا تقول إنك كنت صريح, أنت أذكري لي نقطه وحده بس نقطه وحده سلبيه ذكرتها أنا أو أحد الإخوان ما قمت بنفيها و نكرها

يعني على كذا مافي مشاكل

يعني الأمور ماشيه عال العال

اجل ليش حنا بهالموضوع من أصله ؟!!!!!!!!!!!

صدقني عارف ومقدر مجهوداتك ومحاولتك لنقل صورة النادي, الله يعطيك العافية, بس همسه في إذنك:

خلك حيادي <<<< إن شاء الله تكون مفهومه

اقتباس كل التحية والتقدير لك قيصر روما على غيرتك على ناديك نادي العلمين والله يديم هالمحبة انشاء الله ونشوفك مع فريق نادي العلمين الموسم القادم وتبدع في المستطيل الاخضر كما تبدع في الكتابه ايضاً . والسلام عليكم ورحمة الله وبركاتة ..

كل التجيه والتقدير لك أخي الغالي, والله كريم إن شاء الله

كل مافي الأمر ظروف وإن شاء الله تزول