صافح غياباتي بـ لقاء ..~|

[نجـد]

سمعت صوتك مع ليلي يناديني..!!

وفزيت أدور
على الصيحه وراعيها..

ياغايب عن عيوني

وينك..وويني؟!

اشتقت لك شوق الديره لهاليها..

لو غاب طيفك
ياروحي من يسليني.؟

والنفس ماكل مخلوق بيرضيها.!!!

[مخاوي الشوق]

امنتك الله يابعد كل غاااالي...,
أمنتك الله واحفظ حبنا زين..!
بعدك ترا ماعاد شي بقالي...،
ماعاد باقي لي سوى دمعة العين..!

[شموخيے غير]

ياناس راعي الموده لا تلومونه
النفس إلا اهتوت محد بيقواها


سلم على صاحبي ياللي تمرونه
والرفقه اللي مضت حاذروا ينساها

[نجـد]

ما غاب عن فكري ولو كان لحظات .!
وغصب ٍ علي فالحلم ( عيني تطريه )

ما للندم .. وان حل طاريه .. سيات !
دامه ليا من حل تبدى .. تواليه !!

والبعد يجبرني على الصبر فأوقات ..!
واوقات لا والله .. ياللي تحاليه ..!

[مخاوي الشوق]

انا جيت اعشقك نبض ومشاعر مااعشقك تمثال
اناجيت اسكنك واحياك وابقى فيك وابقى لك
انا جيت استفز رضاك من فرقاك والجا لك
انا ماهمت بك عاقل انا كنت اعشقك بخبال
انا ماكنت احبك حي انا كنت اعشقك هالك

[نجـد]

عمر المسافه ما تعيق المحبينღ ولا تنهي الاشواق بعد المسافات
يبقى الغلا والشوق لو هم بعيدينღ في قولبهم مصدر جميع المسرات
واللي يحب بروح يا قرة العين ღ ينشد عن المحبوب في كل الاوقات

[مخاوي الشوق]

تحتار في وصفك جميع المكاتيب
يا اللي جمعت أجمل خصال ومزايا

روحك وقلبك الطيب يا منبع الطيب
وعينك غدير عيوني اللي ظمايا

[نجـد]

فيِ غيابِك . .
صارت الدِنيا . . . " سَ هَ رْ " !
وَالعصافِير اللي على الشِباك
. . . . . . . ماآتتْ !
كِيف تحيا وأنت أبعَد مِن نظرهُم ؟
ماقووا لحظة فِراقك . .
كِيف أنا بَـ أقوى
شَهرْ !
في غِيابك . .
والله إن الصُبح لِيل !
والفُصْول الأربعه صارت . . ثلاث !
ضيَّعوا فَصل " الربيع " ومالقُوه وَ مالقِيتك !

[مخاوي الشوق]

حلمت البارحه / ,
أني معك .. و إيديني بأيدينك ..
شعرت بْ فرحة الدنيا ..
و قلبي ذابت ” أوجاعه ” .!
وفجأة ,
غبت عن عيني ..
و صحت بـ لهفتي ( وينك ) ..؟
أثاري ساعتي رنّت ..
وقمت أدعي على ” الساعه ” .!

[نجـد]

يمكن لإنه من خشب ظَـل ثابت


يجمع قلوب أثنين ويودع أثنين!