المساء هذا من بياضك كساني ..
بسمه لها عامين مامرّت شفاي !!
كن النسايم من شذاها أغاني ..
كن الأغاني من شذاها/ هداياي !!
هاتي يدينك مابقى لي مواني ..
فيني من اللي راح مايخجل الجاي !!
ودي معاك ارجع/ ونرجع ثواني !
لـجروح طابت / للتناهيد / لـ غناي !!
خلني افقد في مكاني / مكاني !
ودي أحس بـ لهفة الروح / وخطاي !!
الليلة بـ سكب مابقى من حناني !!
الليلة بشعل داخلك شمعة مناي !!
فتشت في صدري عليك / ولقاني !!
طفل ٍ يفضفض للعصافير ... شكواي !!
أنتي لها أجمل من كلام .. المحاني !
وانتي لها اصدق من دموعي وبلواي !!
شقيت ثوب الليل يوم احتراني ..!
صبح ٍ يطل ابـ مبسمه في زواياي !!
الليلة بـ رجع طفل مملي أماني !!
واشوفك أحلى ما ملكته من اشياي !!
ودي أرطّب كلمة ٍ في لساني ..
جفّت ..... ومعها جف ّ مايشبه الماي !!
معاك ابذكر ضحكة اللي نساني !!
لعلي أنسى ..ضيقة ٍ داخل حشاي !
معاك ودي أرجع إنسان ... ثاني !!
وارجع معك وياك من دون ... وياي
المواضيع المتشابهه
,
العرض العادي
