كلمات خرجت من قلبي مشتاقة لتستقر بقلوبكم فاستمتعوا بحياتكم بها

[أيمن البلوشي]

سبحان من بيده الاعمار.......روحِ يهبها وياخذ روح



كل نفس عنده لها مقدار.......تأخذ اجلها وثم تـروح

[أيمن البلوشي]

إحذر تهاون وتترك فـرض.......وإغنم شبابك قبل لا تشيـب



قدام تطوى عليـك الارض.......وشمس العمر يالحبيب تغيب

[أيمن البلوشي]

على أيش مغترَّ يامسكيـن.......وش هو مكانك من الإعراب



كيف إتّكبر وأساسك طيـن.....ونهايتـك فالأخيـر تـراب

[أيمن البلوشي]

ما كل ما ينعـرف ينقـال.......بعض الحكي فالخطر غاية



إختر لسدك ثقات رجـال......قرارهـم مالـه نهايـة

[أيمن البلوشي]

أهل السفاهـة تجاهلهـم.......أبلغ إجابة لهـم سكـوت



في لغوهـم لا تجادلهـم.......بالصمت كمد السفيه يموت

[أيمن البلوشي]

بحلمي أصفح عن الجاهـل......اللي بجهله حسبها ضعـف



لو كنت اراعيـه يستاهـل......إنـي أرد الأسيـة ضعـف



لكـن ماهـيّ بالسـاهـل......من شان جاهل اخالف عرف



ياللي من المعرفـة ناهـل......لاخّطأ عليك الجويهل أعـف

[أيمن البلوشي]

شتّان بين الرجاء والياس......في راحة القلب وأحزانـه



لكن ما يستوون النـاس......كلً علـى قـدر إيمانـه

[أيمن البلوشي]

ماباقي الا صدى الذكرى.......ناقوس في عالم النسيان
كل مافؤادي بدا يبـرى.......جدد بي الجرح والاحزان

[أيمن البلوشي]

اغـراب الايـام لمتـنـا.......حتى هوينا وصرنا احباب
ونفس البدايـه نهايتنـا.......اغراب جينا ورحنا اغراب

[أيمن البلوشي]

دمع القلم عانـق الأوراق........وأسفر عن عناقهم قصـه
قصة رجل للسراب انساق........عطشان وفداخله غصـه