![اضغط على الصورة لرؤيتها بالحجم الطبيعي](http://up2.m5zn.com/9bjndthcm6y53q1w0kvpz47xgs82rf/2009/4/14/06/sssjtqqrd.jpg)
النار شبت والرفاقه على الكيف * وصفر الدلال مزينات لهبها
والجو ممطور عقب روحت الصيف * والنفس هذا شوقها مع طربها
ياراعي الهوجاس جتنا هوافيف * تبعد عن النفس العطيبه عطبها
ريح الخزاما والنفل مالي الريف * وورد من النوير كنه حصبها
ما بالبلد غير الهموم العواصيف * ونفسي خنين الرمث كنه سلبها
لا رشرشت كني بلندن مع جنيف *مصايف الكفار واللي طلبها
ماهمت أللي خسرته المصاييف * في كل ديره والمصاري سحبها
ولا همت أللي بالبحر يرقب السيف * نفسه على ضرب الشدايد وهبها
هذي ترى الدنيا حلات وصواديف * ياما جرعنا من حلاها وعجبها