فيصـــــــــــــــــــل & رنـــــــــــــــــــــــا
بعد الزفه دخلو للغرفه المجهزه لهم رنا كانت في اشد حالات الخجل مارفعت عينها عن رجلهاا اما فيصل مو عارف يعبر عن فرحته مو مصدق اخيرر اجتمع مع معشوقته بالحلال وكلها كم شهر ويجمعهم بيت واحد وغرفه وحده ....
مسك يدها وقفل الباب حق الغرفه وسحبها معاه لكنبه وهي زي العبه بيده جلسها وجلس لاصق فيها حس ببروده يدها على يده وشاف كيف منزله راسها ومو باين وجهها اما هي كانت في اشد حالات الخجل مو عارفه وش تسوي تبي تبعد عنه شوي مستحيه سمعت صوته وهو يكلمها ببحته الي تعشقها : مبروووووك
رنا بصوت يالله ينسمع: الله يبارك فيك
فيصل: كيفك .؟
رنا: بخير
فيصل: وانا بخير
نزلت راسها زياده مو قادره تطالعه
فيصل: احم حبيبي ارفعي راسك ..
ماقدرت حتى ترفع نظرها شاف انها ولا كأنها تسمعه
فيصل بهمس: ابغى اشوف حبيبتي الي طيرت النوم من عيني
لما شاف مافي استجابه حط يده على دقنها و رفع راسها ببطئ التقت عيونها بعيونه <سبحان الي خلقك قمر قمـــــــــر
فيصل: انتي المفروض يسمونك قمر
تأمل وجهها الملائكي كل شئ فيها عيونها بحر غرق فيه... خدودها المحمره خجل نزل لشفايفها الممتلئه الورديه لفستانها الشبه عاري حست برعشه من نظراته الجريئه فصلها تفصيييل لاول مره تأملته عيونه الكحيله وانفه الواقف نزولا لفكه المرسوم رسم
حست بيده تحاوط خصرها ويده الثانيه ماسك وجهها طالعته بحب اخيرا اجتمعوووو...
طلع الشبكه ولبسها وهي لبسته بعد حاس ماعرف يسكر العقد بس فالنهايه سكره ....
فيصل: كنت استنى اليوم بفارغ الصبر اخيرا صرتي لي حلالي
خجلت من تلميحاته وبان على وجهها
فيصل ابتسم لها: تذكرين يوم كنا بالشرقيه ..
حمر وجهها بزياده يوووه كان اكثر موقف محرج شافها فيه يوم ترقص وتتمايل بخصرها وتسوي حركات هبااال وغيركذا يوم دخل وباسهاا زي الافلام وكلمها واعترافها باانها تحبه مثل ماهو يعشق ترابهاا
فيصل ابتسم على الذكرى والحلم الي صار واقع وقدام كل الناس مافي احد يخافون منه لانو حلاااااااااال
فيصل وهو كأنه يحكي لها قصه: وقتها شفت وحده مرجوجه جالسه تتمايل بخصرها قدام المرايه رحت لها وهي انصدمت يوم شافتني....
أي حبيبتي شافتني حشرتها فالزاويه واعترفت لها اخيرا بحبي حسيت براحه يوم عرفت انها تبادلني المشاعروبلسانها قالت ..
حتى لو ما نطقت من نظراتها كنت بااعرف ماادري كيف قدرت امسك نفسي ومااتهور ماتحملت اشوف كل الجمال ذاك
وما اخلي عليه اثر <وغمز لها>
رنا ذااااااااااابت من كلامه وغمزاته
فيصل: وهذي مو اول مره اشوفها فيه شفتها قبل ومن اول ماشفتها قلبي عشقها واختارهاا دون غيرهاا
رنا تسمع كل كلمه يقولها وهي مانزلت نضرها عنه ابتسمت على حركات وجهه وهو يتكلم فاجأها وهو يقرب وجهه منها بسرعه ومسك يدهاا بحب باسهااا
فيصل: احبــــــــــــــــــــــــــك
رنا بجرئه وبصوت خافت طير قلبه : وانا اموت فيك
فيصل تنهد من قلب: اااااه مو قادر اتحمل اكثر متى بس يجي يوم الزواج احسه بعيد وش رايك نعجله شوي
رنا تصاعد الدم لوجهها بسرعه وصوت عالي: لا بدري
فيصل:ههههههههههههههههههه من اوول ساكته وصوتك يادوب ينسمع الحين طلع لسانك
رنا بحيا: لا بس لسه تونا ملكنا خلي الزواج بعدين
فيصل بصوت خافت: وانا ايش يصبرني وانا اشوف حوريه قدامي
سكتت بخجل من كلامه وهو لصق فيها اكثر وهي كل شوي تبعد لحد ماوصلت لاخر الكنبه وكانت راح تطيح بس هو مسكها وجرها لحضنه
استحت من جلستها بين يديه وهي بفستانها العاري وحاولت تبعد لكن هيهات هيهات يخليها تبعد عنه تنفس عطرها الخلاب
وزاد بحضنه لها وهو يلعب بخصلات شعرها ....
باس خدها الايمن وبعده الايسر
رنا بخجل وخوف : فيـ ـصل ممكن تبعد لا يشوفنا احد
فيصل: عادي حلالي ماسويت شئ غلط وبعدين عادي الباب <وراها المفتاح> وقفلته محد بيزعجنا ياحوبي
رنا وشوي وتصيح خافت من جرءته والحيا مقطعهاا: الله يخليــ ـك ابعد
فيصل حس بخوفها منه وارخا شوي بس لسه محوطها بيدينه
اخر شئ يبغاه ان حبيبته تخاف منه
مسك وجهها بين يديه وركز نظره بعيونها وهي تبادله النظرات
فيصل بجديه: تذكرين ايش قلت لك قبل .... انا احبك مستحيل ااذيك فيوم ماابغى اشوف نظرة الخوف بعيونك اتفقنا
رنا حست برااحه من كلامه ومن نظراته الصادقه الي مبين فيها الحب: اتفقناا
فيصل تذكر يوم الخطبه و بمكر: تحسبين نسيت حركتك يوم خطبتك
طالعته بصدمه معقول مفتكر
فيصل بمكر: اذا نسيتي انا مانسيت وعدتك اردها لك وجا اليوم <قرب بسرعه وعض اذنها بخفه
رنا: اااي
فيصل بخبث: عورتك هذي ولاشئ يا قلبي لسه جايك اكثر خليتيني لا ليلي ليل ولا نهاري نهار
طالعته رنا بقلق وعضت على شفايفها "وش ناوي عليه الدب"
اغراه منظرها المرتبك وخجلها العذري لحد الثماله قرب من وجهها اكثر واكثر اختلطت انفاسهم وانفاسه الحاره تداعب وجهها وهي ماعارضت بالعكس استسلمت لحنانه وحبه المجنون همس لها احلى كلمات الحب
ختمها بقبله طويــــــــــــــــله مليئه بالمشاعر على شفتيهاا....
************************************************** ***********************************
Яąṁά●̮̮̃•̃ả๔ĐĽǿǿ3ά <<
************************************************** ***********************************
في ايطاليـــــــــــــــــــــــاا
الجامعة
♡هديل♡
جات الدوام بدري بعد ماتطمنت على ليونه وعزوز.. عندها محاضرات قليله اليوم في بالها انها جايه تبي الهدوء بعيد عن رجه عيالها وتراجع قبل الامتحان بس في عقلها الباطن كانت مشتاقه تشوفه لو من بعيد...
خلصت محاضرتها بدري توجهت للكافتريا على امل انها تشوف بشاير او سيدار او حتى الشباب بااستثناء جاك لانها ماترتاح له بس للاسف مالقيت احد جلست تتصفح وتراجع قبل الامتحانات فاجأها جاك إلي جلس جنبها حتى بدون ما يسألها
تاففت و جات بتقوم صارت تكره الجلسه معه من بعد ما إكتشفت كذبه عليهم وانه مستغبيهم لو مااكتشفو انه فيه عرق عربي من امه السوريه الي جات وزارته فالجامعه حتى هو انحرج يوم طالعوه الشباب العرب بلوم وعتب مع انه سبب تافه وما يحوج تزعل منه لانه موقف وعداا
بس هي مي مستسيغته من البدايه
وبسبب حركاته إلي تضايقها رغم ان غرضه التقرب منها.......
وقفت بس حست بيده توقفها وترجعها مكانها التفتت له وحواجبها معقوده
هديل : خير ؟
جاك بالعربي: معليش مابدي ازعجك بس بدي احكي معك دقيقة ممكن...
هديل: مابيننا كلام ولوسمحت سيب يدي
جاك: ليش تغيرتي .. كنتي بتحكي معي وكنا اصحاب كتير قراب من بعض
هديل: وانت قلتها كنا وانا غيرت رئيي وخلينا اصحاب من بعيد احسن لان الصحبه عندك مو بنفس مفهومها عندي ..
جاك برجاء:هديل آّنــْآ بحبك ليش ماعم تفهمي آّنــْآ عارف اني غلطت لأني مأخبرتكن اني بحكي عربي بس شفت الموضوع مانو مهم لهدرجه وكنتو مااخدتو راحتكم بالحكي منشأن هيك ماعطيتو أهميه
هديل: طيب عرفت انك ندمان وانتهينا من السالفه الي ابي افهمه ليش تلاحقني وتتدخل فيني وفي اولادي وتسوي حركات مالها داعي وأنت عارف اني انسانه متزوجه ...
جاك: لأني بحبك وبعرف أنو بدك تطلقي من جوزك
هديل: مع انو مالك علاقه بس صحيح آّنــْآ بتطلق بس مو معناته اني ناويه اتجوز غير طلال آّنــْآ لسه أحبه
جاك زاد من مسكة يده على يدها: لكان ليش بدك الطلاق ..
هديل بقوه:اعتقد مو شغلك هذا شئ بيني وبينه
جاك تنهد:هديل فكري منيح آّنــْآ عن جـد بحبك وبموت فيك ومستعد أعمل أيا شيء من شأن تكوني لاءلي
هديل بفضول : ليش ؟ ليش انا من بين كل البنات وانت تعرف ظروفي وعندي اولاد وانت لسه شاب والدنيا قدامك
جاك: بس كلياتن ماجذبوني غيرك انتي مختلفه عنن فيك شئ غير حتى اولادك بعتبرهم ولادي وبحبهن كثير ما بقدر اجبر قلبي يحب او يختار الي بيحبه
حاولت تسحب يدها: ممكن تترك يدي ليش مو راضي تفهم آّنــْآ ما حبك انت مجرد صديق وبس ليش تتعب نفسك
مو راضي يفكها: من نشأن الله لا تؤلي هيك انا مستعد اعمل أي شئ منشانك حبيبتــ.......
ماحس إلا ببكس على وجهه طرحه على الارض
كل الي بالكافتريا انتبهو صارو يطالعون الموقف بااندهاش وترقب
هديل اول ماطاحت عينها على طلال شهقت وحطت يدها على فمهااا
كان شكله يخوف عيونه حمر زي الدم وملامحه في اشد حالات الغضب اول مره تشوفه كذا...........
طلال باانفاس غاضبه كثور هااائج يستعد للانقضاض على فريسته : المس يدها مره ثانيه عشان اكسرهاا لك ياكلب
هديل مسكت كتفه وهي مو عاجبها الوضع: طلال ابعد لا تددخل
طلال قاطعها بصرخه هزتها: انتي انكتمــــــــي
جاك والدم يصب من انفه: راح تندم على الي عملتوو
طلال: زودها انت وتشوف وش بسوي فيك هذا انذار بس ان قربت منها ثاني لا تلوم الا نفسك
جاك بقهر: انا بحبها اكتر منك هيا مابدا ياك اتركا بحالها
طلال: كلامي مو معاك اصلا ..
سحب هديل مع يدها وجرها لبره الكافتريا,وهو يغــــــــــلي وسط اندهاش الكل <محد يدري انهم متزوجين >" الكل يحسب ان طلال وجاك معجبين بهديل ويتضاربون عليهااا
هديل دفته لما وصلو مكان فاضي: انت مجنون
طلال ونار بقلبه: أي مجنون .يوم اني مخليك ععلى هواك
هديل بغضب وقهر من تصرفه السخيف: انت مين مفكر حالك هــاا انا حره اسوي الي ابيه مالك شغل ..
طلال من بين اسنانه ضغط على معصمها: انتي زووجتي والا ما يكفي
هديل شالت يدها بالم من ظغطته: وانا قلت لك من قبل طلقني طلال كفاية بس انا تعبت
طلال بسخريه:منااك .. أطلقك عشان تروحين له ها
هديل دفته ومشيت :انت ماينفع معك الكلام
طلال جرها ووقفها قدامه :يوم إكلمك ما تقفين تسمعيني فاهمه
نفضت يدها من يده: انت زودتهاا وانا ساكته لك مو عشانك عشان العشره الي بيننا وعشان العيال رجاءا بعد عن طريقي وروح لاهلك
طلال صرخ فيها بحرقه: لين متى هالعناد ابوي وطلق امي وباق فلوسنا وضيعهاا و بنت عمي شردت بيوم عرسهاا ...وامي تعبانه وحالتها حاله حرام الي جالسه تسوينه المشاكل الي على راسي تكفيني ليش تزودينها علي ليييييييش
هديل لفت ومنظره مضعفهاا راسها والدموع تعهدد بالهطول: عشان كذا ارجع واوقف معهم الهموم الي عندك تكفيك مالو داعي ازيد عليك
طلال ووجه ذاابل شكله اكبر من عمره بالم : حرام عليك اش ذنب العيال فكري فيهم على الاقل ......
هديل: لا تخاف عيالنا مابيصير لهم الا الخير وتقدر تشوفهم وقت ما تبي <بلعت غصتها> والحين انا لازم ارجع البيت امي تستنى اخاف تقلق علي
طلال:.........................................
هديل: مع السلامه
طلال: مع السلامه
مشيت بسرعه قبل لا يلاحظ دموعها مو قادره تتحمل
حبيبها تعباااااان يا نااااااااس
وهي من اسباب تعبه
كان ودها تروح وتضمه وتخفف عنه
تمسح على راسه ...تحبه
بس ما قدرت .......................................
يا كثر ماشلـــــت في قلبي علــــيك
وياكثر ماقلــت ماسامـــح خطــــاك
**
من أشوفك ترجف ضلوعي تبـــــيك
و اثـــر هذا كله من حـرة هـــــواك
**
اخلق الاعذار من لمسة ايديك
والمس جروحي وااداريها دواك
**
قوتي ضعفي و ضعفي أني ابـــــيك
و أنت عارف إني مااعشق ســـــواك
**
ابتـــــليت بحـــب جعلة يبـــــتلــــيك
و ياعساك تـــذوق حراتي معـــــاك
**
أذكـــــر انـــك ماتنـــام الا أجيـــــك
صرت أنا الـحين مااغـــفى بــــــلاك
*¤*
ماابيك الي وباشر احتريك
والي بعده ..والي بعده ياملاك
**
حسبي الله على الهوى و حسبي عليك
الله ياخـــــذني و إلا الله خــــــــذاك
كان ودها تقوله خلاص خلينا ننسى الي راح ونبدأ من جديد
بس في شئ مانعهاا .................................
مسحت دموعها وتوجهت للبيت
اما طلال حس بخنقه غير طبيعيه قرر يرد الشقه يرتاح فيهااا
بعد اليوم المتعب مو قادر يكمل ويروح دوامه اتصل على الشركه
واخذ اجازه ...........
المواضيع المتشابهه
العرض العادي
