مواجهه ساخنه بين الشباب والبنات؟؟

[دانة الكون]

هههههههههه
اتخيل يا ابو وصال شكل الرجال جايته حرمه تخطبه ولا بعد تقول ابي اشوفه شوفه شرعيه
وهو مستحي ههههههههه
لا لا ماني قادره اتقبل الموضوع
ياربي الحمدلله على النعمه
سبحان الله ،، الله خلق المره فيها حياء "مو كلهن" والرجال اكثر جرئه يمكن علشان كذا ماتخطب هي لانها تستحي ويمكن لانها حساسه تخاف يرفضها الي هي متقدمه له.
هههههههههه لا عاد تعيد هالاسئله مره ثانيه ،، الا إذا شفت غبره حرب قائمه علشان تلطف الجو.
اتخيل الحريم لابسات عبيهن كنها بشت ورايحه وماخذه جاهه "حريم الحاره وعجز العايله" وين تبين يافلانه رايحه اخطب ولد الفلان يقولون خوش ولد راعي بيت ومزيون وموظف ويقولون انه هداء ورضا.
والله كنت طفشانه وسؤالك ضحكني.

[ـالـعـالـمـي]

ليش البنت همها الاول و الاخير السووق

[دانة الكون]

اقتباس المشاركة الأصلية كتبت بواسطة أبيض عبده :$ مير اني نسيت اسير ع هالموضوع سوعالي كالتالي : الحين ليه الرجٌال لاتزوج صار ديوث << معليش يعني لاتقولون ذي تعمم ع الكل ولاتبالغ ولاشي ثاني بس جد يعني الحين قبل لايتزوج .. وطلع السوق مع اختوه مثلا يبلش امه , غطي عيونتس , صكي عباتس من تحت لايطلع بنطلونتس , يدينتس لاتطلع , ويقعد يسنتر عنده حتى ماتتهنا بالسوق اويلاه ياقلبي قلبه وإلا منوه تزوج تلقاه مع زوجتوه , وتعالوا شوفوا عباته ولبسة حدث ولاحرج عباات ضيييقه ولثمه وشفاف وكعب ومدري وش , وعااااااادي عندوووه مرة ولايقول له ولاكلمه يعني ليه لييييه ليييييييييييه تزوج خلاص صار ديوث مايغار ولاشي يعني هذا اللي صاير جد واشوفه بأقاربي .. وماعمم ع كل الرجال بس فيه فئه كذااا وسلامتكم

والله انك صادقه كثير من هالنوعيه ،، لا وازيدك بعد يكون قبل لا يتزوج عصبي ولا تحارشينه ومن يتزوج تمسح فيه المره الارض ومثل العسل على قلبه.
والله ان عندي قريب نفسه بطرف خشمه وخواته يتراجفن لاسمعن صوته ومن تزوج بلع العافيه ومرته هي المسيطره واحياناً تهزئه عند اهله ،، والمشكله للحين يتمرجل على خواته وموريهن الويل والمره هي الشيخه ،، صحيح الذله بنت حلال.
شوفي ياخيه هذي قاعده إذا جاك احد يخطبك وقالوا لك طيب وحبيب وينحط على الجرح يبرى هجي عنه وإذا قالوا شري ونحيس خوذيه لانهم ينقلبون بعد العرس
والله يسلمك ياخيه.

[دانة الكون]

اقتباس المشاركة الأصلية كتبت بواسطة ـالـعـالـمـي ليش البنت همها الاول و الاخير السووق

مو شرط ولا تنطبق على الكل >> هذا اهلي يتشحدوني اروح معهم وانا معيه مالي حاجه ليش اروح.
يمكن المكان الوحيد الي تقدر تطلع له البنت هو السوق وتوسع صدرها تفرج وتغير جو وتشوف وجيه جديده ، مو من كثر الاماكن الي تروحها ،، يعني انتم يا العيال تروحون الاستراحات ، تتمشون مع خوياكم ، تسافرون ، تفرون بالسياره ، وغيرها.
اما هي ما عندها مكان تحط الحره فيه الا السوق حتى لو ماتشتري شيء اهم شيء اطلع.

وفيه بعضهن عندها جنون لازم تروح للسوق وتشوف وش الجديد و تشتري اخر ما نزل موضه ولا لا اهم شيء جديد ومحد سبقني انا اول وحده اشتريت ،، وفيه بنات تحكها يدها إذا صار معها فلوس ولا تتهنا بحياتها الا إذا صرفتهن بعدها تحس براحه نفسيه عجيبه.
وفيه الي صار روتين انا كل يوم اربعاء او خميس اروح السوق خلاص تبرمجت على كذا.

هذا الي طاري علي هالحين.
وبعدين يا العالمي ليش ما نفذت الحكم الي عليك بلعبه امير او اميره.

[أبووصال]

اقتباس المشاركة الأصلية كتبت بواسطة أبيض عبده :$ مير اني نسيت اسير ع هالموضوع سوعالي كالتالي : الحين ليه الرجٌال لاتزوج صار ديوث << معليش يعني لاتقولون ذي تعمم ع الكل ولاتبالغ ولاشي ثاني بس جد يعني الحين قبل لايتزوج .. وطلع السوق مع اختوه مثلا يبلش امه , غطي عيونتس , صكي عباتس من تحت لايطلع بنطلونتس , يدينتس لاتطلع , ويقعد يسنتر عنده حتى ماتتهنا بالسوق اويلاه ياقلبي قلبه وإلا منوه تزوج تلقاه مع زوجتوه , وتعالوا شوفوا عباته ولبسة حدث ولاحرج عباات ضيييقه ولثمه وشفاف وكعب ومدري وش , وعااااااادي عندوووه مرة ولايقول له ولاكلمه يعني ليه لييييه ليييييييييييه تزوج خلاص صار ديوث مايغار ولاشي يعني هذا اللي صاير جد واشوفه بأقاربي .. وماعمم ع كل الرجال بس فيه فئه كذااا وسلامتكم

تصدقين عاد اللي عنده اختك مثلك ياحاول جد يحافظ عليها من عيون الحسادلاتلومينه

[رمز الأنوثه]

سؤالي كالتااالي :
ليش الشبااب يعلقون على شيء وااحد و بس مثل اذا كاان ثوب جديد أو بدله تلاقيهم يعلقون عليها لين يشترون واحد جديد او يخرب من كثر الغسيل لو أنه يتكلم كاان قال أرحمووني من يطلع من الغساله تلاقيه كااويه ولابسه اللي يشووفه يقول مسكين ما عنده ملابس

تقبلوو مررورري

[نايف عايد]

اقتباس المشاركة الأصلية كتبت بواسطة رمز الأنوثه سؤالي كالتااالي : ليش الشبااب يعلقون على شيء وااحد و بس مثل اذا كاان ثوب جديد أو بدله تلاقيهم يعلقون عليها لين يشترون واحد جديد او يخرب من كثر الغسيل لو أنه يتكلم كاان قال أرحمووني من يطلع من الغساله تلاقيه كااويه ولابسه اللي يشووفه يقول مسكين ما عنده ملابس تقبلوو مررورري

والله أسئلك خطيرة اختي رمز الأنوثه..

لكن راح أرد

شوفي اختي عموما معظم الرجال مايهتمون بمظهرهم الخارجي والمظاهر امام الناس كأهتمام المرأه بنفسها ولا يحبون التبذير والأسراف طالما هذا اللبس شكله الخارجي لابأس به وجيد وبدون تشققات..

عكس المرأه في التبذير في شراء الملابس وأرتدائه في الملبس مره واحده فبعدها هذه اللبسه ينتهي الصلاحيه ومهمته فمن ثم إلى الدرج لتكديس ثم لتصريف..

فقد يكون البعض منهم لغرض تجميع النقود مايحب انه يصرف إلا عند الضرورة..

تحياتي لك واشواقي..

[نايف عايد]

سؤال:

لماذا النساء كثيرات شماته ونقد؟

[أبووصال]

[QUOTE=رمز الأنوثه;1498543]

سؤالي كالتااالي :

ليش الشبااب يعلقون على شيء وااحد و بس مثل اذا كاان ثوب جديد أو بدله تلاقيهم يعلقون عليها لين يشترون واحد جديد او يخرب من كثر الغسيل لو أنه يتكلم كاان قال أرحمووني من يطلع من الغساله تلاقيه كااويه ولابسه اللي يشووفه يقول مسكين ما عنده ملابس

تقبلوو مررورري

اختي رمز الانوثه اسمحيلي على الرد لكن انا اعرف ان اللي يدقق على شي ويلاحظه يكون قريب منه في البيت يعني اعتقد ماعمرك سنترتي بالحاره تشيكي على ثياب خلق الله فأذا كان احد عندكم مايغير ملابسه لاوالله ابشرك حنا نغيرها باليوم ثلاث مرات ومن الظروري انك تنصحيه لين يغير ملابسه لانك اذا مانصحتيه اعتقد اشتركتي معاه في الشي هذا

[دانة الكون]

اقول رح لقسم الالعاب فيه موضوع اسمه تخيلوا اننا ببيت واحد
وهناك سولف على كيفك.