كلي .. هنا .. نــواف ... !

[نواف الفهاد]

*
*

يا ليــــّــنه شوفي من الناس ليـــّــن ..
يسهر معك دمع و سواليف و هيام ..

صحيح دمعي كل ماضقت بيـــّـن ..
بس إني شايل همّ جرحي و الأيام !!

*
*

[نواف الفهاد]

*
*

أشيل لي جرحن بالأضلاع منقول ..
مدري البلا من دنيتي أو من الناس ..

ماغير أقلــّــب ذكرياتي و أنا أقول ..
( دنيا تقلــّـب ماعرفنا لها قياس ) !

*
*

[نواف الفهاد]

*
*

أتأمل اللي مضالي .. والمواجع تقول ..
وش ترجي من الليالي ( ويش تلقى بها ) ..؟!

كم حيــّـرت ذكريات العمر أهل العقول ..
ويا كمّ وجيهن خذاها الوقت .. ماجابها ..!!

تقول بي ذكريات العمر دايم و أقول : ..
( يا شينها الذكريات إن غابوا / أصحابها ) ..!!

*
*

[نواف الفهاد]

*
*

يخطي على قلبي و أسامح وأعدّيه ،
و يكرر الزلّة ثمانين زلّة ،

أعمى الدروب إن ضاع يلقى مقدّيه ،
لكن أبو قلبن عمى ويش حلّه ؟!

*
*

[نواف الفهاد]

*
*

لا ساومك أيّة بشر بالغلا ( عيّ ) ،
أرفض و قدّم من سموّك رساله ،

لا ترتبط بإحساسك الطيّب بـ حيّ ،
خلك قوي بالله و أركن لـجاله ..

و اللي أعرفه و الزمن وضّحه لي ،
أول ترى من يدفن الشخص ( آله ) ،

رجلن يدوّر في وجيه البشر ضيّ ،
و رجلن شكى عمّه ولا طاب خاله

أنا أشوف أن الخلايق ولا شيء ..
لذا أنا عن أكثر الناس ( داله ) ..!!

*
*

[نواف الفهاد]

*
*

نغمة رسالة لياجت في تليفوني ،
تحيي مشاعر على فقد الوفا ذابوا ،

يازحمة الصيف كم بكّيتي عيوني ،
لا اقفيتي بناس صعب أعيش لا غابوا ...!!

*
*

[نواف الفهاد]

*
*

كنت للخفّاق بيت ،
كنت كلك مُنيتي ،

و دامك أنت اللي قسيت ؟!
( العذر يا دنيتي ) ..

*
*

[نواف الفهاد]

*
*

أذكروني بدعوة كل ماتسجدون ،
المعاصي كثيرة و البنادم غوى ،

كل ماقلت أبترك هالقصايد و أكون ،
مبتعد عن قصيدي خافقي ماقوى ..!!

*
*

[نواف الفهاد]

*
*

كلما قرأت قوله تعالى .. ( إن سعيكم لشتى ) ..
أيقنت أن خلف ستار الموت ..
حقائق كثيرة ..!!

*
*

[نواف الفهاد]

*
*


لا ترخص ثمن من يغليك ، و لا تثمّن من يرخصك ،
فأسواق الحياة عارية ،
و صفقاتها بخسة ،
و كونوا على قدر كبير لتحمّل الخسائر ..!!


*
*