كلي .. هنا .. نــواف ... !

[نواف الفهاد]

*
*

لا تحزن أن تحدّث بك أحدهم ذات يوم ،
فالملكان عن اليمين و عن الشمال ، لم يضعهم الله ( عبثاً ) ،
فتوكّل على الله و أبتسم ..!!

*
*

[نواف الفهاد]

*
*

من كثر صدمات الليالي أنا بخص ،
ولا تغرّك نظرة العين هادي ،

المشكلة كل ماتفارقت مع شخص ،
تفضحني الدمعة وأنا أقول عادي ..!!

*
*

[نواف الفهاد]

*
*

ذخرت إحساسي وأنا كلي إحساس ،
عشان أقاوم نبض الإحساس لا شحّ ،

تدري وش أكثر مشكلاتي مع الناس ،
إن الخطأ لايمكن أقول له صحّ ..!!

*
*

[نواف الفهاد]

نهاني أبوي ياما .. ( لاتخيّب رجل )
خلك و أنا أبوك دايم للصداقة مثال ..!!

ودي تردّ الليالي ياليالي لأجل ،
أقول أبشر و لكن .. وين ألاقي الرجال ؟!

[نواف الفهاد]

بكت عندي عيون ومارضيت أرضخ لها و أنساك ،
دخيل الله ومن بعده دخيلك لا تبكّيني ..!!

‎‫#نواف_الفهاد‬

[نواف الفهاد]

الشعر أنا أحبه لو أبياتي جروح ،
ماهو مكانك يا أبو خدّ / صاعر ،

الشعر لو ماهو يساعد على البوح ،
لا صرت لا كاتب ولا صرت شاعر ..

‎‫#نواف_الفهاد‬

[نواف الفهاد]

قال لي وش أصعب أنواع النزول ،
قلت حاول تفهم الدمع إن نزل ،

و أدري إنك منت فاهم لو أقول ،
لأن طبعك ماخذ الدنيا هزل ..

‎‫#نواف_الفهاد‬

[نواف الفهاد]

شريت صمتي و أشتريت الرجاجيل ،
محفوظ قدري لا جلسنا ولو قمت ،

و عندي قناعة ثابته جيل عن جيل ،
أبو السوالف ماعرف قيمة الصمت ..

‎‫#نواف_الفهاد‬

[نواف الفهاد]

سابع سنة لآ تسألن شالذي صار ,
سابع سنة والصبر ياما عقدته ,

صابر صبر في أوسط القلب جبّار ,
ولآ شفت لي مخلوق يبكي نقدته ..

أقنعت نفسي رغم فقده والأمرار ,
و كم ليل طوّل خافقي مارقدته ,

بس رمضان إليا وصل وقت الأفطار ,
يهلّ دمعي لا ألتفت وفقدته ..!!

[نواف الفهاد]

*
*

كــ أيّة إنسان حبّ وعاش متفاني ,
و دفع ثمن ذكريات سنينه وعانى ,

إذا نسونا الحبايب والعمر فاني ,
حنا لنا اللي خلقنا ماهو ينسانا ...!!

*
*