أكثَر أمَانينَا مع الريَح / طآرتْ [ سجل حضَوُركْ ببيتْ شعَريْ ]

[أبو رائد]

على الله على الله وكل عقدة لها حلال
........................ مصير الجروح بركضها تلحق الشافي

[نواف الفهاد]

يالله انك ترحـم اللي لاذبـك وتجيره
من صدوف الوقت والدنيا وشر أعماله ..!
انت تدري عن خطاه وعن مدى تقصيره
وعن رداة الحظ وايامه ونكسة حاله .!
مركب احلامي يسير وماشيً في سيره
فوق تيار الشعور اللي تصافق جاله..!
ضاقت الدنيا وضاق العقل من تفكيره
ولابقى عندي طموحٍ يستحق أسعى له ..!
كل غلطه فـ الزمن هـذا لها تبريره
غير ترك الدين وأهماله وهجر اعماله ..!

[عشق الشمال]

[poem=font="traditional arabic,6,darkred,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
عهدٍ عليّ وناقض العهد خوّان=منساك لين الروح تنسى جسدها
[/poem]

[غِنَــى !]

أنت طيّب و الزمن ناقصه طيـب
............... والحياة اظروفهـا مـا يستحـن ..!!

الزمن لو يعرف إش معناة (عيب)
............... كان مـا خـلَّا دموعـك ينزلـن

غِب و خل الشمس لا حلّ المغيب
............... من غيابك تهدي المغرب حـزن

لا تضيق وحزنك إن عيّـا يغيـب
............... اغترب و احلامك البيضـا يجـن ..!!

يمكن الأيـام تنصفـك و تجيـب
............... لك وطن و تشيل من وجهك وهن

و ان غديت ..و صادفك مثلك كئيب
............... ضيّـفِه من صوتك المتعب و غن

[ البلا ما هو من إفـراق الحبيـب
............... البلا لا صـار قلبـه مـا يحـن

و قتها كل شي ينظر لك غريـب
............... لا ملامـح لا هويَّـة لا وطــن ..!! ]

[نواف الفهاد]

كيف اتحمل وداعك وانت خابرني
مـ اطيق حتى وداع الشمس لاغابــت

[شمس الرائدية]

أدري لـ الأيَآم عمَر وللوجَع طآري ..
وأدري " هوى الوصَلْ " منْ وآديكَ مآنسَم |
وإنْ كَآن فكّرتْ تسَألني عن أخبَآري .. ؟
حزيَنْ منكَ وإذا طريتكَ | اتبسَم =)

[غِنَــى !]

يحاصَرْنا الوجَعْ نلبَسْ طعُونَه ثُوب
نبي نهْرًب وخانتْنا خطاوينا

[نواف الفهاد]

اعاتب الليل وعيوني تعاتبني ..!
.................................... ما كننا للسَهر همْنا وغنَينا ..!

[غِنَــى !]

يا صاحبي ، والحزن ما يعرف فصول
ولا يطقّ الباب .. لا جا يزورك !

يجي بلا موعد ، ويدخل على طول ..
يطلق سراح الدمع .. ويخنق شعورك !

ذابت به قلوبٍ ، ولانت له عقول ..
ولو ما كسر صبرك ، بيكسر غرورك !

مشكلته ، إنك صعب تلقى له حلول ..
ويغيّبك حتى في قمة حضورك !

لو ما سكن قلبك الى الحين .. معقول
لكن مهو معقول .. ما يجيك دورك !!

[نواف الفهاد]

جعل واهج غرامك مثل وجدي وناري
.......... مير ما أظن فـي دنيـا المحبَّـة عدالـه !