كلي .. هنا .. نــواف ... !

[نواف الفهاد]

أنا رجل تعوّد أن لا يطلّ من نافذة الذكريات كثيراً ،
فالنظر من خلالها موجع ..

[نواف الفهاد]

لاتقيس العمر كله عند حاجة ،
السنين تمر و الحال يتجدد ،

ناج منهو تعشقه بالود ناجه ،
والله أن الحزن له يوم يتبدد ..

كم خفوقن شوفتي تبسط حجاجه ،
عقب ماهو كان لاجيت يتصدد ،

والرجل لا وصّلت حدّ المواجه ،
أنصحه يقدم بلاش من التردد ..!!

[نواف الفهاد]

ثلاثة من الناس شينين الأجناس ،
( زعول ، متكبّر ، ومزحه برزحه ) ،

اللي بيمزح يتحمّل من الناس ،
لا جته من بعض المخاليق مزحه ..!!

[نواف الفهاد]

ما أبيك و ما أبي لك أي طاري ،
أنت منته كفو و جروحك وفيّه ،

يابعدهم جيت لك والشوق ضاري ،
و الكلام الأولي ( الكاميرا الخفيّه )

[نواف الفهاد]

ماطحت من قلّ التجاريب و الشان ،
والوقت لا صحّى له إنسان صحّى ،

اللي كسر بي صدق ضحّيت لإنسان ،
و مع الأسف فيني للأيام ضحّى ..

[نواف الفهاد]

لاباس سوّ اللي بدالك ولا باس ،
حتى أنا نفسي من الحال ملّت ،

أصلاً لو أن بك نبض و بقلبك إحساس ،
ماتستهين بدمعتي يوم هلّت ..

[نواف الفهاد]

عطيت من حقي وجاملت لي ناس ،
من منطلق كسب الرجاجيل والطيب ،

وتدري وش اللي صار ياطيب الساس ؟!
( أستذيبت عندي الحصاني وأنا ذيب )

[نواف الفهاد]

قبل أن تسلكوا طريقاً تجاه أحدهم ،
تأكدوا من وجود المخارج الآمنة في حالات الطواريء ..

[نواف الفهاد]

أمرّ ذيك الدار وأقول يادار ،
بعض الجماد أكثر من الناس وافي ،

ياصبرها ذيك الشوارع والأنوار ،
تعطي ضياها و أكثر البيت طافي ..

[نواف الفهاد]

يوم الحكي ماحقق أحلام مخلوق ،
رهنت فعلي للسنين و تقدّمت ،

م أخفيك كانت بي بعض وقتي تضوق ،
لكن ولا لحظة عليها تندّمت ..!!