كلي .. هنا .. نــواف ... !

[نواف الفهاد]

من يعيف وصالي لوصاله أعيف ،
و الحظيظ اللي من الدنيا سِلم ،

الضعيف يفسّر سكوتي ضعيف ،
و الحليم يقول يا ( حلو الحلم ) ..!!

[نواف الفهاد]

الأوادم تختلف مثل البضايع ،
لا تقيس الناس في مقياس غيرك ،

حتى لو قالوا لك إن فلان ضايع ،
حاول إنك تجرفه في موج خيرك ..!!

[نواف الفهاد]

تدري وش يوجعني وأبكي عليه ،
ماترك للضحك في قلبي محل ؟!

شارع بـ دربي غصب عني أجيه ،
كان به غالي و لكنّه رحل ..!!

[نواف الفهاد]

لأ لاتضيق بسبّتي ،
آمرني شفني في يديك ،

بالفصحى أيضاً لك غلا ،
تبغاني أكتب ماعليك ،

( أتوقع أن محبتي ،
فاقت محبة والديك ) ..!!

[نواف الفهاد]

لا تخدعك كل المظاهر و الأزوال ،
محد مسح لي دمعتي غير كُمّي ،

و الحرمة اللي تنوزن بألف رجّال ،
محد يعارضني لياقلت أُمّي ..!!

[نواف الفهاد]

تذكر اللي لازعل قلبك يجيك ،
كل نكتة بايخة لـ رضاك جابه ،

لأجل تضحك راح كله يفتديك ،
لو زمانه غارسٍ بالصدر نابه

ليلة البارح تعب قلبه يبيك ،
كان ينادي بس مامرّيت بابه ،

مات حلمه قبل لايشره عليك ،
صان حبك ماشتم قلبك و عابه

كان فعلاً يعشقك قلبه هليك ،
في غرامك مات ماقلبٍ درى به ،

كان ضايق حيل و يوصّي عليك ،
قال خلّي طيّب و دنياه غابه !!

[نواف الفهاد]

أسلم وسلّم جعل الأفراح فالك ،
حبيت اجدد لك من الشوق تجديد ،

أبسألك ياعلّ يبقى وصالك ،
وش حيلة اللي مستلم ليلة العيد ؟!

[نواف الفهاد]

ياعيال الفقر وياعيال الملوك ،
لايقصّر آدمي في شايبه ،

قبل ترحل أمك و يرحل أبوك ،
و تصبح الشمس بعيونك غايبه

[نواف الفهاد]

علّمني الجرح يوم تشيله متوني ،
عن هقوة الروح شاريها و بايعها ،

ياكثر الأرقام فعلاً في تليفوني ،
وياقلّ ناسٍ تجمّلها طبايعها !!

[نواف الفهاد]

مابقى مجداف من عمري ذخرته ،
كل ماجدّفت خوّن بي و طاح ،

كم طموح بزحمة الدنيا خسرته ،
قلت ياقلب الشقى وشلون راح ؟