كلي .. هنا .. نــواف ... !

[نواف الفهاد]

صبرن صبرته في غرامك من سنين ،
يثبت لك أن الحب ماهو تسلّي ،

لو صبري كان بــ عسكرية ميادين ،
أعطوني دورة صاعقة مع مظلّي

[نواف الفهاد]

لا يدخل العيد يالضايق ،
إلا و روّقت لي المنقا ،

وفّر من الضيق للعايق ،
للموت / للحزن / للفرقا ..!!

[نواف الفهاد]

القلب من كثر الشعر بالشعر ضاق ،
والله يعينك كل م أشتاق شاعر ،

أبغالي ( جمعية خيرية للأشواق ) ،
من شان أعطيها زكاة المشاعر !!

[نواف الفهاد]

خذ الكلام ولو يقولون قاسي ،
يوم المشاعر صوتها صار مسموع ،

بكره إذا حطّوا اللبن فوق راسي ،
ماهو بيشرّفني عليّ تذرف دموع !!

[نواف الفهاد]

يا أغسطس وأنت لو صادفت ذكرى ،
كانت الذكرى قبل تدخل قتيله ،

مرّ فيني كل مابتمرّ بكرا ،
منت لاقي غير دمعاتي حصيله !!

[نواف الفهاد]

كنا غلابى حب وأيضاً مساكين ،
والكذب ماهو بالمحبين لايق ،

كانت جميع أحلام عمري على الطين ،
لأن حارتي ماكان فيها حدايق !!

[نواف الفهاد]

*
*

خلّ عنك الذكريات .. ولآ تحنّ ..
.... الحنين .. تموت ما وكـــّـــلك عيش !!

*
*

[نواف الفهاد]

*
*

عاندت بك ناس و عزيزين و قراب ،
و فتحت لك ذاتي وأنا أحب ذاتي ،

واليوم وادعني ولاتحسب حساب ،
أنا قبل لا أخسرك خاسر حياتي ..!!

*
*

[نواف الفهاد]

*
*

أنا أرى أن منزل لم ينعم أهله بوجود فتاة بين جدرانه و في حياة أهله اليومية ،
منزل لم تكتمل له أفراح الحياة و لذتها ..!
كمايجب !!

*
*

[نواف الفهاد]

*
*

ناس مليانه محانيها سواد ،
حيل واقعها مع العالم مخيف !!

لو درت فيهم مكافحة الفساد ،
كان عاقبهم معاليها ( الشريف ) ..!!

*
*