كلي .. هنا .. نــواف ... !

[نواف الفهاد]

*
*

ناس مليانه محانيها سواد ،
حيل واقعها مع العالم مخيف !!

لو درت فيهم مكافحة الفساد ،
كان عاقبهم معاليها ( الشريف ) ..!!

*
*

[نواف الفهاد]

الحنين إحساس والمحبوب ميت ،
حيّ لكن لأكثر سنيني جحد ،

حاول إنك ماتحنّ ولو بغيت ،
حنّ ولكن لا تعلم به أحد ..!!

[نواف الفهاد]

قلت أوادع دامه الإحساس مات ،
و رحت منّك مثل ماجيتك خليّ ،

طاح قدرك و أرخصت عندي الحياة ،
يوم شفتك قاعد تساوم عليّ ..!!

[نواف الفهاد]

حتى من أعطيته من الودّ مايكفي ..
لا تستغرب أن يجرحك ذات مساء و يرحل ،
لاشيء نستطيع الرهان عليه ..
هذه الأيام ..!!

[نواف الفهاد]

خذ مني الحكمة مدامك معي حيّ ،
يبي يجي لي ليلة أكون مدفون ،

الناس تمدح خوّتك لابغت شيّ ،
و نادر تحصّل من خذوا شيّ يوفون ..!!

[نواف الفهاد]

يا أهل اللحى وأهل العمايم بالإطلاق ،
سنّي و شيعي وإنتهازي و عاهر ،

أنا مواطن بسأل وخاطري ضاق ،
هل هو حلال لموطني ( مال ساهر ) ؟!

[نواف الفهاد]

علّمتني دنيتي أشياء كثير ،
و الدموع لضيقة الخاطر غطا ،

الوفا مو عيب يالقلب الكسير ،
( و إنتظار اللي رحل ماهو خطأ ) !!

[نواف الفهاد]

لا تزعل إلياخذلك اللي تحب و جفا ،
خلك على كل صدّة للحبايب صبور ،

ولاترصد إلا أفا للي يعرفك أفا ،
ياكيف ذيك الصداقة يازماني تبور ؟؟

[نواف الفهاد]

عادي نذوق المذلّة و الألم ،
يازمان الصمت واقعنا حقير ،

و الدليل أن الغني ياما سلم ،
و ماتطيح إلا على رأس الفقير !!

[نواف الفهاد]

جرحٍ بصدري لو نقله الجبل لان ،
وأنا بأقوله قبل لاتقول لي ليه ؟!

أنا تعوّدت أفتقد كل إنسان ،
أحسّسه بإني أحبه و أغليه !!