كلي .. هنا .. نــواف ... !

[نواف الفهاد]

يا زهاب العمر ماباقي ذخيره ،
الوجيه كثار و الصدمات عجله ،

ياكثر ماقلت للخفّاق خيره ،
لا هقاله في بشر ثم حطّ رجله !!

[نواف الفهاد]

أولئك الذين كانوا بالنسبة لنا حلماً / جميلاً ،
ثم تغيّروا من بعد ما أقتربنا منهم ،
ليتهم ظلّوا حلماً لم يتحقق !!

[نواف الفهاد]

أحزنتني ياللي لك القلب مرهون ،
ولا قدرت أجفاك وإلا أسبّك ،

الحزن ضايقني وأنا منقهر دون ،
و يجبر بقلبي ذكرياتك و حبّك !!

[نواف الفهاد]

وأحاول على ماقيل أسلى ولا به فود
.......... ويبقى بقلبي كلامٍ مابعد قاله

أحبّه محبة راعي الذود لأغلى الذود
عليها من الودّ النقي يضرب عياله !!

[نواف الفهاد]

قبل ألتقي بك كنت عايش ولا زلت ،
والخير خير الله ولا هو بــ خيري ،

حتى عن شعوري تجاهك تنازلت ،
لاتحسب إني بأزعل تحب غيري !!

[نواف الفهاد]

ياشجر وإن طاحت أبواب الحديد ،
عند بيتٍ كان به شخصٍ وفيّ ،

خلّك أوفى لو غدى غصنك جريد ،
مثل حزنٍ في معاليقي خفي ..!!

[نواف الفهاد]

أعطيته سلاحي و شنّيت غاره ،
و بظهري ياللأسف صاحبي / طخّ ،

حتى الذلول اللي بقلبه جساره ،
يوم إني قدّمته على رحلتي / نخّ ..!

ماغرّب الخافق وهو وسط داره ،
إلا طعون اللي حسبته ( مثل أخّ ) ،

أسلّي قلبي لاشعرت بحراره ،
لقد وقعنا .. ي أبيض الوجه بالفخّ ..!!

[نواف الفهاد]

أحذر من الجاهل عليك يتجرّى ,
و خلّ العيون عن القرايب كفيفات ,

بعض العرب لولا ثيابه تعرّى ,
ماساتره غير الهدوم الخفيفات ...!!

[نواف الفهاد]

بيتٍ لي سنين أحفظه و أتغنى به ،
هذا شعوري إذا ع الوصل / م أمدانا ،

قد كنت أشفق من دمعي على بصري ،
واليوم كل عزيزٍ بعدكم هانا ...!!

[نواف الفهاد]

أقولها مُحرج و منعاً للإحراج
يوم المواقف وسط الأضلاع بذره ..!

اللي خذلني يوم أنا كنت محتاج
لا زانت سنين العمر ويش عذره ؟!