ابي احد يفهم ويفهمني معه ( للنقااش)

[الريم]

الحين عندي سؤال:
لو حولك احد يهمك..ابوك..اهلك...امك..اخوانك..اقاربك..اصحابك..
وحسيت منهم ولو للحظه...انهم هم محتقرينك؟؟
بمعنى كلمة احتقار...
يعني مستخفين فيك..او بكلامك...
او بارائك او شخصيتك..؟؟
وكله عشانها مانسبتهم...؟؟
واصلا سخيفه ماتستاهل اننا نعطيها اعتبار؟!لدرجة انها توصل لتغيير التعامل..!

شتسوون بالذمه معهم..؟؟؟
هذا سؤالي الاول؟؟
هل تسعون عشانهم تغيرون شخصياتكم عشان يرضون عليكم...
والا تقولون بالطقاق عسى عمري مااعجبتهم؟؟
وانا حره بنفسي



انا ودي اعرف شي..
واعذروني على هذرتي لاني بقلقكم معي شوي
الحين النــــــــــاس..الاقارب...الجيران الاصحاب ليش ماعادوا يعترفون بشي اسمو حب؟
ليش ماصرنا نقدر نفهم من اللي يحبنا من اللي عادي..(مانبي نقول يكرهنا لانه بيوضح بالوجه)..!
ليش صارت الكلمه الحلوه قليله...رغم اننا بوقت بأمس الحاجه لها..!
ليش حتى لما تحب..وتحاول تكسب احد يهمك...بيجلس يفكر..ويفكر...ويمكن يحللك تحليل كامل..وبالاخير يرفضك..(بلا سبب محدد)...سوى انك مااعجبته ؟ او مااعجبته شخصيتك؟ او ماروقه شكلك...او حركاتك...او وااات ايفر
يعني استغرب والله من هالناس اللي اصعب شي عندها بالدنيا انها تدخل احد قلبها؟؟؟!!!
او على الاقل تجامله مجامله حلوه...ممكن ترفع فيها معنوياه...وتحسسه باهميته؟؟!!
<اختكم فالله قاطة وجه ماتخلي احد ماتضحكله وتسمعله وتخش معه

سبحان الله...وربي من جد اتكلم...
لاتحسبوني عشان انتم تقرون اقول هالشي...
ياناس انا مدري ليش هم يكرهون؟ ليش يحقدون؟ ليش يحتقرون؟

بعضهم طايحين بالناس شماته؟؟
وبعضهم هاتك حش ونسف عالجامد كمان؟؟؟
وبعضهم شغالين يحللون بشخصيات خلق الله ويعاملونهم على كيف كيفهم؟؟
وبعضهم جاحد...ناكر جميل...مايسوى اننا اصلا نفكر نسعده بشي..؟؟

نوعيات تفجع...تحطم...غريبه..
لانقدر نقول هذولا يهود عشان كذا كل شي منهم جايز
لانهم مسلمين؟؟
ولانقدر ذولا ماعندهم احاسيس...وهم اللي مسوويين فيها اهل للذوق على من يشتهون؟؟!
ولا نقدر نقولهم..بليز حبونااا...ارحمونا...عطونا وجه...لاننا نحبكم

يعني من جد...رضاء الناس غايه لاتدرك...
ومن جد صعب واصعب من الصعب..
خصوصا انهم يخشون بالعميق...مايعجبهم بس انك تضحك وتعزم وتعاملهم بذوق..
يبونك تتغير عن ظهر قلب عشاااان تروقهم..؟؟؟
لانهم بنظرهم مافيه غيرهم صاحي ويفهم...ويعرف يجادل؟؟

بس خلوني ساكته لاني شكلي بجيب العيد

ردووا على وناااقشووني بلييييييييييييز

بليييييييز

الريم