الصحيب اللي تباطا ولا منْه إتصال
............غاليٍ وأقول لامن لفـى عـذره معـه
المفارق راضيٍ به , ولكن به سؤال
...........وشهو اللي مبعده ، وشهو اللي طمعـه
ما ذكرت إني مقصر ولا مني خمال
..........وكان جاه قصور مني فعـذري يتبعـه
طول الغيبات وين الغنايم والحلال
..........لاحـلال ولا غنايـم , ووصلـه يقطعـه
علموه إن المفارق مع سود الليال
تقتل الشخـص المعنـى وقلبـه تمزعـه
الحجر لوه يحس بفؤادي كان قال
..........انزعه حـبٍ يلوعـك ويشقيـك انزعـه
شوق قلبي والمفارق على متني ثقال
..........في زمانٍ من وفى فيـه، وقتـه ظيعـه
المولع لا تظايق وحس الليل طال
...........جر له صوتٍ عطيـب الأذانـي يسمعـه
كان وصلك يا بعد قلب من حبك محال
..........لي قلبٍ ويش اسوي ليا جيت اقنعـه
كل ما قلنا نوينا على شد الرحال
.........صحصح الجرح المضمـد عليـه ولوعـه
ويش اسوي دام حملي ثقيل وما يشال
........شخص ما همه ولكن زمانـه طوعـه
كنت ناوي اكتم الجرح ودروبي طوال
........مير جرحي ضيّق الكون كله بأوسعه
كل ما قلت اتناساه يطريلي مقال
.......(كل شخص يروح راضي رضاه يرجعه )
العرض الشجري