:
[... نقول بسم الله نبدأ على بركة الله ...]
بسم الله ولا حول ولا قوة إلا بالله يالله لا تقدم لنا شر ولا تأخرنا له
^^
دعاء الركوب حق أمي
من أنــــت ..؟؟
أنا من تجرع حرفي كأس الجزن الدفين
أنا من نثر شوك الآلام بين سطوري << بلا فلسفه 
أنا رجل أحب الفرفشة لكن بحدود .. أحب أتفلسف دايم ..
وما أحب اللقافة خاصة إذا كان المجلس فيه ناس ما تمون عليهم ..
باختصار ..
أنا رجال بالايميل والمنتديات غيييييييير .. لكن بالواقع أصير يغلب علي الثقل والركادة >>
بس أحب أسمع وأضحك ما أتكلم وأضحك ..
<<
مسألة كيميائية مو تعريف .. !!
كم عمــرك ..؟؟
عمري 16 سنة ..
أشرقت شمسي ع الدنيا بــ 19/12/1415
يوم الخميس الساعة 7 الصباح بمستشفى الشركة القديم بالخفجي
هذا كلام بعد جبدي >> أمي
صفه تحبــها فيــك وأخــرى تعتبر عيـــب فيــك ...؟؟
اللي أحبها إن قلبي طيب .. حتى تمر علي مرات مواقف يعني لو مرت بواحد ثاني ما يتحمل
لكن أنا ما أدري هذي بلادة ولا طيبة .. الوكاد إني مرتاح والحمد لله ودايم الناس يكسرون فيني ومهمشيني وأنا متحمل وصابر وأضحك معهم >>
اللي ما أحبها ..
إني أسلك واجد .. وأجيك ع موجتك .. ما أعرف أواجهك وأقول ألا أنت أخطأت أو سويت المنكر الفلاني .. ما ودي أجرح خاطر اللي قدامي .. يا لبـييييه يا قلبي بس أنا أشهد إني مو بسيط
>> قولوا ماشاء الله
عالــم النـــت مــتى كــان اول دخـــول لك فيــه ...؟؟
كان قبل سنتين
هــل تعتــبر مايقـــال فيـــه حقيقــه ..؟؟
مو كل ما يسمع يقال ولا كل ما يسمع صحيح << صح لسانك 
كم يستـغرق جلوســـك علي النــــت ..؟؟
صاير ما ادري وش فيني أطول ع النت إذا دخلت البيت معروف مكاني
سريع سريع ع الغرفة .. قط الشماغ والثوب ومرات ألبس دشداشتي << ثوب نوم
بالعربي متى ما كنت بالبيت أجلس ع الابتوب باستثناء إذا جا أبوي وأبوي ما يجي إلا كل شهر يوم واحد بس
يستلم الراتب من الكويت .. ويرجع للغنم .. بعد الرس بـ30 كيلو 
هل تــعرفت عـلى صـديق مـنه وـصار اقرب شـخص لـك ...؟؟
لا لا تعرفت ع ناس واجد لكن للأسف كانت طيبتي هي هاويتي ..
وتهاوشت معهم .. وديلييييييييييييت .. وفيه واحد علاقتي معه مظبوطه استمرت 2 شهرين
بس ما أعجبني اسلوبه اسلوب شوارعي << متعوب ع الكلمة
لكن الحق حق الرجال ما سمعت منه سب .. إلأا أنه ما جا ع مزاجي
وتعذرت منه وصفقته بلوك وحذف
منتدى آلرآئديــة شــنو يعــنى لــك ...؟؟
والله الرائدية هو أول منتدى سجلت فيه وهو أول شي أدخله إذا فتحت الشيخ قوقل
وما أدري صراحة وش اقول خانني التعبير
هـل تــعرفت عــلى اشــخاص فـيه اثرو عـــلى حـياتك ..؟؟
هو مين اللي تعرفت فيه ؟؟؟؟ !! 
حــياتك الــعامه ــمرتبه او فيــها فوضــويه ..؟؟
والله أيام لاإبتدائي بالنسبة لواقعي الحالي .. كانت أطلق بألف مرررره
كنت من البيت إلى المسجد إلى المدرسة .. كانوا اخواني أنواع الطراقات ما في امل أعتب باب الشارع
ومافي أمل أجي عندهم بالمجلس وعندهم أصدقائهم .. كانوا زحييييييف الله يهديهم
إذا دخلت داخل أمي بالصالة ع الرادو << مثل ما تقول فديتها
وأهلي ما أحد يمي بالعكس كلن يكرشني .. >> طفولة بئيسة
صديقي الصدوق كان الكتاب .. والمسجل .. وبعض الألعاب ..
كنت أقزرها ع كتب اخواني وخواتي .. كتب دينية كنت شيخ قبل .. حافظ كل شي .. أناشيد قرآن محاضرات .. أخبار .. والمسجل زاد لي شي كبير من قدرتي ع التكلم مافي شريط إلا عدته أقل شي مرتين
ماكوا شغل ..
الحين أعوووذ بالله .. صاير ما أجلس بالبيت بقووووة فوضوية ..
طمــوحك فــى الحــياة الــى أيــن ..؟؟
والله أنا تعقدت 
أنا ما حب شي اسمه رياضيات .. عقدتي بالحياة ..
وأهلي قالوا تدخل علمي غصب مو طيب ..
قلت يا أخوي الكبير .. ما أبي .. أنا سريع حفظ .. ما أفهم أغلب الأوقات متنح ..
فدخلت ثانوية الخفجي .. غصب طلعت من التحفيظ ...
ما أعجبني وضعهم .. طلاب سيئين .. المدرسين اللي يدرسوني أغلبهم روافض .. وكل يوم مناظرة بالصف .. صاير العرعور .. بس مره حشرني واحد وصرفت الموضوع >> أقرب مخرج
الوكاد صرت أكره شي عندي المدرسة .. كثر غيابي وهذا أثر ع مستواي .. لأني إذا شفت مبنى المدرسة يجيني اكتئاب .. الوكاد أنا اللي أبيه أرجع للتحفيظ وأكمل جامعة الإمام بالأحساء .. وبإذن الله مييييت ع ما أجيب الدكتوراه برسالة مثل رسالة الشيخ / محمد العريفي
دكتوراه أديان ومذاهب معاصرة ..
واسأل الله أن يبلغني ذلك
اجــتماعى او انــعزالى ..؟؟
شدعوة انعزالي لو أجلس ما أتكلم أموووووت ..
اجتماعي .. وأحب السوالف ..
تتــحمل النــقد حتــى لو من شخص اصــغر مــنك ..؟؟
أتحمله لكن بضوابط ..
ما يكون قدام الناس .. ولا يكون بطريقة مستنقصة ..
فى هالــصوره وبــصراحه مـن ودك يكــون مـــعك ...؟؟؟
الصراحة ودي يكون معي صديق أخوي .. سوالفه تجيب العافية
ولد حياوي .. وعجيب عجيب ..
الحــب والشــعر شنو يعنى لك ...؟؟
والله الشعر أنا خوالي واخواني ونص جماعتنا شعار .. << جمع شاعر بضم الشين وتشديد العين بالفتح >>
لكن أنا ما أحب الشعر ولا أسمعه إلا الشيلات أروق مو ع الأبيات ع الصوت بس 
والحب هو ماء الحياة .. لا تستصيغ طعم الحياة النفوس إلا بالحب ..
وكل شيء مبني ع الحب .. فالعبادة وغيرها الكثير كلها بالحب
ماهى نوعــيه الشعر اللى تحــبه غــزلى سيــاسى او جتــماعى ..؟؟
أنا أسمع بعض القصايد لكن الفصحى .. خصوصاً قصايد ابن القيم رحمه الله والقصايد اللي يقولها الشيخ / عايض القرني .. يجيب قصايد ما ادري من وين .. طبعاً أبيات قصيرة لكن شيييي
بيت شــعر تعتــبره حكمه ..؟
والله ترا من زمان عن القصايد .. ولا يحضرني شي الحين >> يبون يقولون كذاب .. << ياربي أنا وش أسوي
كلـــمه اخيـــره تحب تقــولها لشــخص مــعين ســواء بيــت شــعر او اى شـى فى بــالك ...؟؟
إن كان فيه أحد أبي أقوله كلمة .. فهو أنت يا
فقدته ..
صراحة ارتحت لك كثير واعجبني اسلوبك ومشاركاتك بالرائدية كان لها انطباع إيجابي جعلتني أميل لك
والناس والله واجد اللي أبي أتكلم وأقول لهم .. سواءً بالرائدية ولا غيره
لكن إذا فيه شي مالي إلا الله أشكو له .. وارجع لمحبرتي ودفتري >> صفحات من حياتي <<
-------------------
------
--
-
آتـمـنى آن تـنـآل آعجـآبـكـم وسوف آنـتـظر تصويـتكم
والله موضوعك مو حلو .. إلا رحت معه وطي ..
نبي مثل هالمواضيع .. وأهم شي تواجدك والله إن أستانس إذا شفت اسمك متواجد
:
المواضيع المتشابهه
العرض العادي
