شعبة الأمن الوقائي تمنع دخول السيارات إلى أسكان قوى الأمن الداخلي

[الضيغم]

من جنب الرفرف .. .. ..



اولا الشكر كل الشكر لاخي في الله سامي على هذا الطرح المميز .. .. ..


ثانيا ستكر ولا مو ستكر اللي يبي يدخل يلقا البوابه مفتوحه من الجهتين وانا متأكد لو تدخلون عكس السير الخفير ما يدري وش الطبخه .. .. ..

النظام جدا مميز اخواااني ولاكن هل يطبق من قبل العسكر اللي على البوابه .. .. ..

ما أعتقد .. .. ..

والصراحه اخوااااني الأعزاء ان العسكر اللي بالبوابه(( الا من رحم الله)) في وادي والبوابه في وادي اخر .. .. ..


فأنا اقول ان احدهم يأتي للنوم , طبعا راح تستغربون وتقولون كيف ينام بالبوابه والظباط رايحين وجااايين من عنده .. .. ..

انا اقول لكم , احد العسكر(( ابو نظاره )) >>>أسم الشهره ,, ,, ,,

اللي دوامه ثابت في بوابة الأسكان اربع وعشرين ساعه نظارات شمسيه لا والظاهر فوق النظاره تظليل كاتم يعني نظاره كاتتتتتتتتم.. .. ..

وكل ما مريت من عنده والا الأخ مسكر البوابه والدريشه مفتوحه على شان يسمع صوت السيارات اللي يروحن واللي يجن (( من جنبها نايم)) .. .. ..

وطبعا هو نايم وراسه يهتز ينووود شكله مواصل يومين ولا ثلاث ايام .. .. ..

وانا ادق بوري فجأه ينقز تقل مقروص , ويضحك يعنني مصيطر على الوضع تمام , لا ويرد السلام حتى لو ما تسلم .. .. ..

والأدهى والأمر من هذا انك لما تغادر من عنده بعد ما يعطيك احلى ضحكه واحلى كشره , يكمل النومه

والبوابه ينساها مفتوحه ويصير الأسكان خلية نحل الداخل مفقود والخارج مولود مثل ما قالوا .. .. ..

وفيه مصيبه ثانيه والله يا أخوااان مره من المرات كان لابس النظاره حزت المغرب يعني ما فيه شي اسمه شمس .. .. ..

مدري شسالفته مع النظاره .. .. ..

عالعموم قطعنا بالرجال , والمفروض انه يستلم الخفاره بالأحوال المدنيه لا وبعد اخر ليل .. .. ..

هذا نموذج وفيه واحد ثاني , مصيبته مصيبه.. .. ..

الجوال جننه وعذبه تعذيب طبعا ما يستلم بالبوابه ثابت لا ما يجي الأسكان الا اذا كان مجازا , يجي ماله خلق .. .. ..

ويكلم القريب والبعيد وتلقاه مره يضحك ومستانس وفجأه مهموووم وزهقان وعايف الدنيا .. .. ..

اخينا في الله يترك البوابه مفتوحه على مصراعيها ويحط رجله كيلو داخل الغربيه يكلم بالجوال الاخ ناسي انه مداوم لا ويعزم الناس القهوه والعشيان مسوي زحمه الاخ .. .. ..

وطبعا مثل ابونظاره اللي قبله كل من هب ودب يدخلووون الاسكان .. .. ..

وفيه واحد ثاني فيه انفصام شخصيه كل ما امر من عنده يقوم ويضحك ويدق التحيه مدري وش قصته ..

ومره وقفني وقال انت وين تشتغل قلت بالمكان الفلاني قال اااااااااااه وانا لي كم من يوم ادق التحيه احسب انك ظابط .. .. ..

قلت اشوفك وقلت هذا وش قصته قال لا بس لبسك يشبه اللبس العسكري .. .. ..

وهذا دليل ان اكثر اللي يستلمون يجووون مغيمين وخارج التغطيه .. .. ..

والنموذج الفله اخواااني في الله ذاك العسكري اللي ممتحن الكبير والصغير كل ما مريت من عنده يقول انت عسكري ولا مدني اقوله لا مدني يقول ممنوع اقول ساكن عند ابوي يقول ابوك عسكري ولا مدني وعلى هالموال انواع الأسئله اللي مالها داعي .. .. ..

وفيه عسكري كل ما استلم بالبوابه عنده نظااام رهيب جدا .. .. ..

اللي ساكن يوقفه وينشب له ويمرمطه بخمسين سؤال , واللي مو ساكن لا سهالات يمر سلام سلام .. .. ..

ولا وازيدكم من الشعر بيت يقول له لاتتأخر بسرعه اطلع .. .. ..

وفيه اخر واحد عسكري مقرود حاط رجله من استلام الصبح والعصر مايبي المشاكل , ويستلم اخر ليل

وكل خميس ولا جمعه نلقاه ثاني يوم مطبقين عليه 24 ساعه وش السبب يا فلان وش عندك يقول البارح جاني الظابط الفلاني سكران .. .. ..

وسمعني من الكلام الطيب اللي يرفع الراس .. .. ..

ويوم صحا جاني وقال وش كنت تقول لي البارح وصكني بجزا يوم ولا يومين , ويقول مره شفت سيارته جايه من بعيد بالليل حول الساعه 2 يقول وانخشيت ورى الباب وفتحت البوابه على شان ما اتهاوش معه .. .. ..

يقول اخينا في الله ثاني يوم استدعاني وقال وينك البارح مخلي البوابه فاضيه ماشالله عليك يالله عليك جزا اليوم .. .. ..

ويقولون قوى الامن الداخلي ما اقووول الا الله يعين .. .. ..

فأتمنى من اخوووي سامي تعديل العنوان من شعبة الامن الوقائي تمنع دخول السيارات الى اسكان قوى الأمن الداخلي إلى (((( ممنوع دخووول الأسكان إلا لأهالي الخفجي فقط )))) ومن اراد ان يأخذ فره فلا يمنع .. .. ..

والسلام عليكم ورحمة الله وبركاته .. .. ..