هل تعتبروون شجاعة البنت وقااحه ؟؟

[أبووصال]

غلاكم اسمعي الله يصلحك ويخليك ل تيتتك موضوع البنات وانغماسهن في المجتمع شي سبب لنا نكسه.... جد... لان قبل عام 1410 كنا نحط الف علامة استفهام على من يخلي اهله يتوظفو بالمستشفيات مثلا لكن الان اصبح الامر عادي مع انه عندي انا مش عادي ليش.... تعلمنا في دراستنا خاصة في العلوم انك اذا حطيت تفاحه خربانه مع مجموعة تفاح صالح للاكل يومين يخرب لاحظو كلمة يومين يعني معناته وقت الوقت هذا هو المصيبه انا مره اتصلت علي ممرضه في مستشفى كبير حكومي وقالت بالحرف الواحد انا اعشق الدكتور اللي بالطوارئ في المناوبه اللي انا فيها وش رايك هل اصرح له عن اللي بقلبي .... ياسلام .... طبعا هذا مثال من الف مثال ولاحد يبرر ويرد علي ويقول لا مو كل البنات كذا انا ادري مو كل البنات كذا لكن ليش نحط انفسنا واهلنا في حقول تجارب ياتصيب ياتخيب .... صديق لي بالبنك السعودي ..... الاقليمي يقول الموظفين والموظفات في الصباح يكونو في مكاتب وحده الى الساعه 9 بعدها كل وحده تروح لمكتبها فيقول توظفت عندنا بنت من بنات الحمايل الله يسلمها صار المدير يهتم فيها اكثر رقاها في فتره بسيطه وارسلها الى الامارات دوره لمدة اسبوعين يقول صديقي وتفاجات انه اخذ اجازه اسبوعين .... ياعيني ...بنت من بنات الحمايل تقولي انا شخصيا قدمت اوراقي على الخطوط السعوديه وتفاجات بان المدير المسئول عن قبولي رجل في الخمسين من عمره يقولي وش رايك لو نطلع نتمشى وبعدها اعتبري نفسك موظفه ...... نفس البنت تقول اخذت ملفي وطلعت ورحت قدمته على بنك معروف حطيت ال سي في عندهم وقابلت لبناني مسئول المقابلات وطلعت تقول في الليل اتصل علي رقم الا اللبناني يقول كيفك شو اخبارك مابدك نجلس جلسة عمل في شي مطعم واللي تامري فيه حاظر ....... مطلقه عندها اولاد تقول رحت لاحد الشركات اللي اهلها يطلعو زكاتهم وعندهم موظفين مابي اقول شركة الموسى بالرياض تقول حطيت رقم جوالي بالطلب تفاجات الا رجال داق علي يقول اسمعي تبين امشي طلبك ابشري لكن ...... يعني من الكلام نفترض 20 بنت ذات دين لاحظو ذات دين مو بنات عاديات واقصد بالعاديات اللي يطوفو فرض فرضين صلاة باليوم دخلو في هالوظيفه كم وحده راح تسلم اعتقد القليل يعني ليش نحط انفسنا واهلنا بحقل تجارب ...... ابووصال

[دانة الكون]

اقتباس المشاركة الأصلية كتبت بواسطة غلاكم غير هلابك يالغلا اكيد انا قده وقدود بعد ولا كاان مادخلت هذا المنتدى بوضح السؤال أكثر.... مثل عند ذهابك إلى جهة عمل ما و تجد فتاة من الفتيات تتكلم بجراءه،،،،،تحاول إنها تساعد الكل،،،، مستواها التعليمي عالي تفهم في كل شئ و يمكن تكون أحسن من مديرها بإداره أمور العمل هل هذه البنت تكبر في عينك ام انك تزدريها وترى انها تعدت حدودها في انوثتها ، ام انك تفتخر بها وبجرأتها وسلوبها في الأخذ والعطاء مع الغير .. مثال ثاني انوو بزمنا هذا البناات تمادووو بكل شيء .. مثل ترفع صوتهاا ع شخص كبير و استهتاار بلبسهاا مافيه احتشاام وووووو اشياء كثيره .. اتمنى اني وضحة الموضوع اكثر ...

هلا بك اكثر يا اختي و منوره المنتدى وشاااااااكره لك للتوضيح.
بس انا عندي سؤالين؟؟؟؟
انا رايحه لمكان عمل وشفت البنت هذي تتجادل اوتتكلم بجراءه كما تفضلتي مع احد
السؤال هو: مافيه مكان يعني مكتب خاص يتم فيه مناقشه هذي الامور بعيد عن المراجعين (سواء كانت موظفه او مراجعه)اعتقد فيه مكتب مدير او شؤون موظفين او مسؤل علاقات او مكتب خاص للشكاوي فما له داعي توقف بين الناس وتتكلم"عفواً"هذي كنها تقول شوفوني انا متعلمة طيب وإذا متعلمة وش اسوي لك،،،المتعلم يعرف وين يروح ولمن يلجأ ،،،،صح بعض المرات تجي خبط لزق وبساعتها وممكن ترد بكلمه كلميتن وإذا زاد الموضوع عن حده تعرف لمن تلجأ.
السؤال الثاني يا طويله العمر:
انا جايه اراجع لهذي الجهه وشفت البنت "حلو الكلام" وش عرفني انها متعلمة ومثقفة وتعرف احسن من المدير وغيره هل هي معلقة ورقه عليها مكتوب انا خريجة كذا وانا فاهمه احسن من فلان وعلان وادرى منهم،،، باعتقادي ان المدير عنده قوانين وتعاميم يمشي عليها فما راح يتصرف من راسه "طبعاً فيه استثنائات فلكل قاعده شواذ".
واضيف ان هالبنت الي تتكلمين عنهاإذا كانت تتكلم باحترام ورزانه وثقه ماعليه تمشي لان زي ما قلت لكل قاعده شواذ يمكن القدر حكم عليها تنحط في هذا الموقف وفي هذا المكان،،،،اما إذا كانت تتكلم بصراخ وقله ادب و"عفواً"قله حياء ومياعه اعتقد انتي الي بتحكمين مو انا لانها واضحه.
اما المثال الثاني يا اختي من غير نقاش وقااااااااااااااااااااااااحه
من تعاليم ديننا احترام الكبير فكيف ترفع صوتها عليه وبعد بدون مبرر ،،، واللبس والحشمه ما عليها اختلاف بحكمها لانها ما تحتاج لمناقشه هذا شيء فارضه عليك ربك وليس مفروض من سلطه معينه مثل الي قاعدين نشوف هالحين الي باعتقاد الناس ان السعوديه فارضه الحجاب (هذا شيء فارضة ربك وما فيه احد اعرف من ربك بمصلحتك) ولا انا غلطانه.

[مشعل الخير]

شجاعة البنت في حشمتها

[غلاكم غير]

مشكووووووووووووووورين ع مرررورركم وردودكم العطره

للمعلوميه هذي البنت لا عرفها ولا تعرفني ..:biggrin:

[نايف عايد]

يعطيك العافيه اختي غلاكم غير على الموضوع..

فالمرأه بطبيعتها كثيرة الفزع والخوف من الفأر والصرصار ..

فشجاعة البنت بوجهة نظري على حسب المواقف قد تكون شجاعة وقد تكون وقاحه..

فشجاعة البنت بالجهاد في سبيل الله ومجاهدة النفس بجميع انواعها كالصبر على المكاره وطاعة الوالدين والزوج وحقوقه واحترام الصغير والكبير..الخ. أعتبرها شجاعة .

وشجاعة البنت في معصية الله أعتبرها وقاحة..سواء بالتحدث مع الأجنبي والخلوه الغير شرعيه, والتحرش بالشباب,وعدم أحترام الكبير والصغير والوالدين,

فحياء المرأه بوجهة نظري هو الشجاعه وصوتها عورة.

تحياتي لك واشواقي..

[وهابية]

الشجاعة لها مفهوم واحد وهي الجرأة في قول الحق .. قرأت الصفحة

الاولى من الردود على هذا الموضوع .. لكن حقيقة سأجاوب حسبما فهمت

أنا ..الشجاعة صفة جميلة تكسو صاحبها وقارا وجمالا روحيا يفوق الوصف

أيا كان جنسه ذكرا كان أم أنثى .. برأيي القالب لهذه الشجاعة هو الذي

يميز بين ذكر أو أنثى .. يفترض بالفتاة أن تكون رقيقة في طرح ماتؤمن به

وواضحة ومحددة .. وأؤكد على المفردة الاخيرة حتى لايساء الظن بها

يعني بالعامية تكون (كاش ) بس بأسلوب لبق ..

أنتهى عصر الحرملك .. والاسلام رفع المرأة وقد كانت أسماء بنت عميس

رضي الله عنها المتحدثة الرسمية بأسم الصحابيات على عهد المصطفى

عليه الصلاة والسلام .. فمنصبها كما يحلو لي ان اسميه يحتاج الى شجاعة

وماأجملها من شجاعة .. تعبنا من أرتال النساء المتشابهات .. نريد أختلافا

وتطورا على ضوء الكتاب والسنة ..أتمنى أن تكون فكرتي وصلت ..

كل الود عزيزتي الشقية غلاكم غير .. تقبلي مروري

[kaiji]

شجاعه .احترق البيت مثلا تنقذ الاطفال او تتطفي الحريق وهذي شجاعه
وقاحه .تتكلم مع شباب اجانب وتقول انا شجاعه جرايئه هذي وقاحه
يعطيك العافيه ع الموضوع

[غلاكم غير]

يسلمممممو ع مروركم ورتعقيبااتكم العطره

[nobleman4u]

شجاعتها ...تزيدها جمالاً
فكم تغنوا قديماً بشجاعتها في الحروب والغزوات ..
وكم وكم شاب وشاب تسابقوا لخطبتها ...والسبب شجاعتها ..
ستجدونهن بالتاريخ والسبب شجاعتهن ..
شـكــ وبارك الله فيك ـــرا لك ... لك مني أجمل تحية .

[غلاكم غير]

يعطيكم االعاافييييه
تشرفت بمروركم