,,
,,
,,
,,
قلت الوصل قالت تمتع بالاحلام !!
واحلم إلين الحلم يصبح حقيقه
قلت الهوى قالت أكاذيب واوهام
مثل السراب اللي خدعنا بريقه
قلت القصيد اللي رشف حبر الاقلام
قالت رميته كلبوه ابحريقه
قلت الوله والشوق ياعذب الانسام
قالت هدام الجدر ياخذ دقيقه
قلت العهد قالت نسيته من العام
وكلٍ على ماقيل يمشي طريقه
من بعدها والصدر ضايق ومنضام
ضيقه ولكن ماهي أيات ضيقه
خلتني احسب يومها عشرة ايام
واشيل همٍ فوق مالااطيقه
مير الامل لازال والحظ لو نام
مافيه شيٍ عن مقامه يعيقه
مادامها قالت تمتع بالاحلام !!
الحلم بعض احيان يصبح حقيقه
مما رآق لي,
المواضيع المتشابهه
العرض الشجري