!
غآب الأمل / عشت الأسى / مآتت بـ أضلآعي حروف
يآغبنهآ / مآتت بعد مآكبرت وصآرت قصيـد ..!
إجتآحهآ هَمْ الفرآق / اللي عثى بِـ حيل الكفوف !
والكَفْ : من هدّيت حيله / ينزف الفرقى ويعيد !
كل الكلآم اللي نِزفْ من دآخلي بِـ رتمٍ شغووف ..!
يصآدفه منّي الوريد / ويآخذه لـ آخر وريد ..!!
أرتّب الفرحه شعر / وآسلّ للذكرى ../ سيوف !
وأسولف لـ غصن الشجر / عن فآرق الحُب الفريد !
بيني " أنآ " وذآك " العنى " في مُجمَلْ وجيه الطيوف !
اللي تقول : إن العنى يعشقني لـ " عُمرٍ مديـد " ..!!
يمكن تشوفه يآلغصن عآدي / ومن عِدّة شروف ..!
لكنهآ تفرق معي / لأني تعبـت [ أكتب جديـد ] ..!
مثلك / ترآني يآلغصن .. لآصآرت الشمس بِـ كسوف
وشلون تورق دآمك أصلاً فآقد اللي لك رصيد ..؟!!
أنآ / كذآ مثلك بعد مآإحتلني / جيش الظروف ..!
مآعدتْ مُورق غير جرحٍ / عن ضلوعي مآيحيد ..!
جرحٍ به الذكرى رِبتْ / فيه إختصآر لموت جوف !
مل إنتظآره / من على شُرفآت حبره من بعيد !
أحيآن يتوهم طيوف / ولآسرى وهمه / يشوف :
قمّة كآبة حآلته / مآيكتفي ! هل من مزيد ..؟
يشحذ من أنسآم الصبآح لِـ خآطر الذكرى ضيوف !
وتزوره النسمه / وتبّث بِـ روحه / شعورٍ وِليـدْ ..!
وينتشي به هالشعور / ويرجع لِـ حآله بِ حسوف !
يبي يعآنق نسمته / لكن كأن به " ألف " قيد !
وينكسر مآعآد له / بآقي من الدنيآ / يروف ..!
بِـ خآطره / حتى لو إنه عآشهآ من أول / وحيد !
قلي : بربّك يآلغصن في حآلتي يجدي العزوف ..؟
أو قلّهآ : في حآلهآ / هل ممكن إنهآ تستفيد ..؟
وش فيك ؟ طيّحت الورق / فجأه وأخفيت الوروف ؟!
جآوبني / أو عطني أمل / أقلّهآ : حآول تفيـد
وفآدني فعلاً / وطآح الغصن / وأحييت الحروف !
" من حآلتي مآت الغصن / وإنتي ولآزلتي / بعيد " !
المواضيع المتشابهه
أرتب الفرحة شعر **
العرض الشجري