ظاهرة التفحيط في الخفجي

[كـــــش مـــلـك]

والله الاهمال يزيد يوم بعد يوم


وماشوف فيه حركه واضحه من رجال المرور

ومدري الاهمال من نفس رجال المرور

او من رئيس الدوريات

[مســاعد]

السلام عليكم

أخي الكريم

اشكرك على غيرتك الوطنيه وخوفك الانساني على ابناءنا

واخواننا الشباب المراهقين

أخي الكريم

بالنسبه لهذا الامر وهذا التهاون نعم انا أقولك هنا تهاون وكبير جداً من قبل الجهات المعنيه في محافظتنا الكريمه

لم ارى مثله في حياتي

في الاسبوع الي طاف

كنت متواجد في حي المثلث عند احد الاخوه

وسيارتي عن الباب موجوده والمكان كان بالضبط

خلف المرور على طول بالقرب من محطه الغامدي

جاك واحد من الشباب الله يهديه من المدرسه الجديده

الي كانت المثنى يفحط وزحف فيه الموتر وضرب سيارتي وهج

الا والشخص الثاني وراه بعد يفحط والشخص الثالث

والمشكله كل المشكله انهم جنب المرور

دقينا على المرور

قالو انتظر

انتظرنا

اخر شي رحت لهم ودخلت على المدير

الي امر بخروج دوريه حالً

المهم مالك بالطويله

تم تخطيط الحادث وكل شي

الطرف الثاني الي دعم السياره

مجهول ولكن يوجد لدي رقم لوحه سيارته

قمت بتقديمه للمرور

الي قال لي سوف نقوم بالتعميم عليه

وسوف يتعرض لدفع مبلغ 2000 غرامه الهروب

والسجن لمده 3 ايام ومدري كيف وجلد

المهم عطاني المخالفات الي راح يتعرض لها الطرف الثاني بعد القبض عليه

المهم ثاني يوم رحت المرور

وطلعنا برنت بالسياره الهارب

واتضح لي انه أبن احد المسئولين بالخفجي

هداه الله واصلح له ابنه

تصدق ان ورقه اصلح سيارته خرج والسياره بالصناعيه

وقبل خروج ورقه اصلاح سيارتي

!!

أين السجن واين الغرامه الماليه واين واين واين

..

مثل هذا التهاون على بعض ابناء المسئولين

خطر كبير وكبير جداً

والتفرقه كبيره جداً

..

المسئله الاهم موضوع

تناجيب وما ادراك ما يحصل في تناجيب

وكانك في دولة لا يحكمها بشر

اطلاق النيران ، التفحيط ، استخدام الاسلحه البيضاء

التشهير بالاسلحه أمام الملاء

..

رغم ان رجال المرور يقدمون خدمه للمجتمع

في محافظتنا نشكرهم عليها

ونتمنى لهم التوفيق

ولكن هناك بعض الامور الي لا بد من الانتباه له

وشكراً

[ابوبيان]

تسلم أخوي نايف على هالموضوع الرائع
وأكتفي بهذا القول
من أمن العقوبة أساء الأدب

[naif alsahli]

اقتباس المشاركة الأصلية كتبت بواسطة مسوي فآآآهم ....مــشــكور عـــلـــى آلــمـــوضـــوع.... لــكــم تــحــيــآآتـي { مـــســوي فــآآآهــم }

ولك مثلها ؛؛

[naif alsahli]

اقتباس المشاركة الأصلية كتبت بواسطة كـــــش مـــلـك والله الاهمال يزيد يوم بعد يوم وماشوف فيه حركه واضحه من رجال المرور ومدري الاهمال من نفس رجال المرور او من رئيس الدوريات

[align=center]
اللي نبيه الارتقاء الى حد المسؤوليه فقط لا غير

من جميع الاطراف
[/align]

[اليابسي]

اقتباس المشاركة الأصلية كتبت بواسطة فتى سابك لأ ياخوي لا تظلمون حظكم وتتهمون شباب الخفجي بالمتهورين واللي يسمعكم الحين يقول ان الخفجي صار نفس الرياض يالتفحيط .. يارجال الخفجي كلها على بعضها شارعين او ثلاثة وبعدين من زين الشوراع أكثرها مطبات وتحويلات... وإذا بغينا نفحط نطلع على شارع الكويت يجنب محطة الخنيني و نطيح اللي بروووسنا.. الحمدلله الخفجي بالنسبة لغيرها من المدن أهون يكثيييييييييييييير ولا أحد يفهمني غلط مع فائق احترامي لكم

الله يصلحك ويهديك ...لاحول ولاقوّة اِلا بالله...

[ابورامي]

يعطيك العافيه
ظاهره ملفته للنظر وفوقها تجمعات على أرصفة الحواري!!!!!!

[المسلم المسالم]

السلام عليكم ورحمة الله وبركاته

اخوي نايف خير الكلام ماقل ودل وانا بقولك هالمثل هذا والكل يعرفه والكل للأسف مايطبقه الا من رحم ربي من الناس

((( من امن العقوبه ساء الأدب )))
سواء كان من اولياء الأمور ماعاقبو ولا احسنو تربية ابنائهم بعد هداية الله


او من المسؤل اللي هو المدير اللي ما عاقب موظفينه بإستهتارهم أثناء تأدية واجبهم .... وانا هنا ما اتكلم عن مدير المرور انا اتكلم عن اي مدير استلم منصب بإسم مسؤل في هذي الدوله سواء كان قطاع حكومي ولا خاص...

ولك تحياتي

[وليفي هجرني]

ماينفع لويسوون اللي يسوون والله يكون بعونهم

[أبو جواد]

اشكرك بصراحه على الطرح الجميل

لو جينا للحق الاخوان المستجدين بالمرور تحصله العصريه مسوي نقطه على شارع 25 واخر الليل يفحط مع الشله ومسفط سيارته عن المدرسه الابتدائيه وهاتك ياشغل ولو احد مسكه من ربعه قال ياخي مشي الامر وخلك ساكت ونغير المكان وين القوانين والانظمه ولا تطبق على ناس وناس بس فالحين في المخالفات والمهياط بالسفتي بالشوارع ماحولك احد كل اللي اقدر اقوله