مدخل :
{{ قفا نبكي من ذكرى حبيب ٍ ومنزلي
بسقط اللوى بين الدخول فحوملي }}
/
يا امرؤ القيـس والله مالهـا داعـي
وشو له توقف على الأطـلال تبكيهـا؟!
لاتقول ذكرى الحبيب بحجـة اقناعـي
وش تنفعك ذكريـات ٍ راح ماضيهـا؟!
من صد عني حرام ان جيت له ساعي
دام المحاني تقـوم وجرحهـا فيهـا..!!
القلب غبة بحـر والفضـل لشراعـي
مايلتفـت للحـدود اللـي يعديـهـا
بالمركب اللي صنعتهـ بـس لأبداعـي
قبطان .. من وين مـا ودي اوديهـا
ويا امرؤ القيس كان السـر باوجاعـي
بعض السوالف تموت بفـم راعيهـا
الفكر عزفي ونبض القلـب ايقاعـي
والشعر ونسة عمر والنـاس ترويهـا
وان كان صدت كذا عن روض مرباعي
لاتحلم اني بـ اجيـب العـذر وارضيهـا
والله لو ان الجفا يلوي لـي ذراعـي
لأقطع ذراعـي لهـا والويـه بيديهـا
اهل النفوس العزيزه عشقهـا واعـي
ماتنحنـي للغـرام اللـي يوطيـهـا..!!!
يا امرؤ القيس .. ماتخفـاك الأفاعـي
تموت والسـم باقـي فـي علابيهـا
لابارك الله بعـذر ٍ جـرّح اسماعـي
ولابارك الله بمن هو جـاب طاريهـا..!!
(( مما رااااق لي ))
المواضيع المتشابهه
العرض الشجري