نحن طالبات كلية الخفجي في خطر .

[وتر .]

اقتباس المشاركة الأصلية كتبت بواسطة 3togah هذا رد من احدي الطالبات بارك الله فيك اختك وتر .. بالنسبة للمبنى .. المبنى تطور كثير عن السنوات السابقة وهذا من بعد الله يرجع لعمادة الدكتورة فريدة و لا اظن يمكن تعديله اكثر من كذا بحكم انه مؤقت لحين انتهاء المبنى الجديد - طريق الفروسية .. لكن نطالب بايجاد ساحة مفتوحة التهوية !!! - من ورى الكافتيريا تتوفر مساحة جيدة لهذه الساحة - لان المشكلة انه فوق التعديلات على الساحة الحالية وضيق المكان يتم طردنا بعد الساعه 1 للساحة البوابة وهي كما معروف ضييييييييييقة جدًا وعديمة التهوية ، كل هذا لاجل خاطر الآمن !! نجي للامن .. المزاجية في التفتيش هذه لابد منها .. بحكم تعدد الشخصيات التي تمر عليهن - وطبعًا ما نجحد وقاحة بعض الطالبات - : ) لكن انهم يصيرون عريفات علينا مالهم اي حق !! يعني مثلاً وقت مانكون نلبس عبايتنا على الطلعة .. يصرخون يابنت لا تضحكين !! يابنت ليش واقفة هنا !! يابنت لا تجين عند الباب !! خصوصًا سالفة الباب .. خيييير يا عمتي ؟ بتصيرين احرص مني على نفسي ؟ : ) نجي للآكل : قبل كم اسبوع جاء عميد شئون الطالبات من الدمام لمقابلتنا لكن ولاسباب نجهلها تم منع الطالبات من مقابلته والاكتفاء بثلاث طالبات لتعبير عن وجهة نظر طالبات الكلية واللواتي تم اختيارهن من قبل الادارة شخصيًا!! وعلى ضوء هذا اللقاء تبين ان احضار الطالبة لأي طعام من خارج الكلية غير ممنوع .. يعني العميد يقول مسموح والآمن يصادرون !! " يعني لو تجيبين قهوتك من البيت ممنوع وانتي تعرقلين سير المحاضرات بهذا الشكل لكن عااااادي الكافتيريا يبيعون عليك القهوة !!!!!! : ) " الفطاير تخلص من الساعة تسع ولا يقدورون يوفرون غيرها بحكم انهم يطلبونها من الموركي بالحفر الباطن .. طيب خلاص خلونا حنا نجيب اكلنا دامكم منتم قادرين توفرون كمية كبيرة او حتى تتصرفون ببدائل ! البــوابــة : قضية تحديد مواعيد لفتحها و اغلاقها ليس فيها من المنطق ولا العقل شيء !!!!!! خالفت مره بلبسي وابي ارجع للبيت ابدل .. قالولي ممنوع انتظري للساعه 11 ! انتظر للساعه 11 وتطير علي محاضراتي بدون سبب مقنع .. خصوصًا وان مخالفة اللبس على هوى الآمن .. : ) قبل سنة كانت مفتوحة طول الوقت ولم تحدث اي مشاكل .. غريبة منكم هالانتكاسة يا ادارتنا اللطيفة : ) شئون الطالبات : تجينهم وانتِ تعرفين مخالفتك وتبينهم يعطونك التعهد وتمضين بحال سبيلك .. يقعدون يتفلسفون عليك وينظرون عليك بكلام هم بصراحة احوج له مع اخلاقهم ! الله يهديهن و يصلحهن الكلية سنة عن سنة تتطور و هذا الأمر ليس بغريب مادامت تحت مظلة جامعة الدمام والتي فازت العام الماضي بجائزة تميز على مستوى جامعات المملكة ، لذلك حُري بكليتنا الجميلة أن تسلك هذا النهج و تحرص فعلاً على الالتفات لشكاوي الطالبات المتكررة في هذه المواضيع والله ولي التوفيق

..

أهلاً ،
كلام سليم جداً جداً ، أشكر هالطالبه بعد لأنها وضحت إشياء أنا ما كنت أعرفها ؤلا طرحتها من ضمن الموضوع .
لكن الحمدلله يا ربي وضحت إشياء أتمنى من الكل يشوف كيف الكليه ماشيه نهج ظلم وكذب ..
تسلم لي هألأأنامل ، موفقه ..