انت صديقي ابشر بارشحك.. الى متى !!!!!

[الهايم]

والله مدري وش أقول



لكن أقسم بلله ماتمنيت أكون بهالموقف




وصدقوني ياجماعة والله يشهد على كلامي ماسويت شي وأنا أقصد الوصول لحاجه معينه لا ورب الكعبة
وكل اللي سويته لئني أعجبت بالمنتدى وكنت أبغا أساهم مع أبورائد وأساعده على الجوائز
وأنا أعرف أن المنتدى بارز وناجح بدوني لكن هذي مساهمه بسيطه ولا تذكر.



وأنا ماأبغا أحد الأعظاء يفكر أني زعلان علشان الترشيحات .. صدقوني مافكرت بذالشي
واللي رشحني بقوله أهم شي أني كسبت أعجابك واللي مارشحني بقوله والله ماني زعلان وهذ رايك وانت حر فيه
وأكيد أن كل عضو راح يرشح المميز بنظره وهو حر .



وأذا كان فيه أعظاء يرشحون على حسب علاقتهم مع الأعظاء اللي يرشحونهم فهذا يعود لضمير العضو نفسه وأكيد أنه خطاء
وأنا أقول أذا فيه أعظاء كذا.... علشان ماتفهموني غلط.





وأنا عندي ملاحظه بسيطه بالنسبه لرد أخوي نواف الفهاد

اقتباس وأنا .. من هنا .. أرفع طلبي .. الخاص جداً .. لإدارة المنتدى .. بـــ إستبعاد أسم نواف الفهاد .. من أي ترشيحات من هــ اللحظة !!

أرجوك يانواف ما أبغا أسمع الكلام هذا مره ثانيه وأنت تميزك ملحوظ
وحنا نستمد الأبداع من أبداعك
وأرجوك مره ثانيه وأذا لي قدر عندك تعيد النظر بكلامك اللي أنا أقتبسته..



وصدقوني ياأخوان أنا كنت أسعى للي يلم الشمل ويزيد المحبه
ويقوي التواصل بيننا كأخوان وأخوات في بيت واحد
لكن أذا حسيت أني راح أسبب مشكله بينكم أنا راح أغادر المنتدى
وأطلع مثل مادخلت .

وأنا عارف ومتأكد ان القلوب نظيفه وماراح أترك المنتدى مهما صار لئني
حبيت المنتدى وحبيت الأعظاء والقائمين عليه وشفت فيه شي ماشفته بمنتديات ثانيه.





وبالنسبه لقتراح أخوي عواد
الحقيقه أنا وغيري مستحيل نشكك بنزاهة أبورائد والمشرفين والقائمين على أدارة المنتدى بأختيارهم.
وهذا شي راجع لهم وللأعظاء.



وهذي مبادره جميله من أخوي عواد لئنه حب أن الأعظاء يشاركون بهذا الموضوع ويعطون رايهم.
وهو كذا يبين أهمية راي الأعظاء وهذ شيئ يشكر عليه.





أما عن ضرب المثل فيني كعضو مظلوم .. أنا بينت في ردي أعلاه تعليقي


وقبل الختام .. أوجه شكر خاص لخوي عواد ومن حقي أشكره لئنه لو ماكان معجب فيني كعضو ماضرب المثل فيني.
وبقوله أعجابك فيني ياخوي مكسب وهو بحد ذاته تميز لي.



وبعد أشكر أخواني ( نواف الفهاد _ وابوشهاب _ وسامي ) على أشادتهم فيني
وشكرهم واجب علي لئن الطيب يجازى بالطيب. وأنا ماراح أوصل لطيبهم مهما
قلت وأعتبر أني مقصر بحقهم.



وآسف أذا كنت قلت شي يضايق أي واحد ينتسب لهذا الصرح الجميل منتدى الرائديه.


وأعذروني على القصور وعلى الأطاله.


وتقبلو جل تقديري وخالص أحترامي.

[عواد العنزي]

اقتباس هلا و غلا أخوي الغالي عواد العنزي الله يعطيك العافية يالغالي و الله لا يحرمنا منك كلاااااااااااااااااااام على العين و الرأس و كلااااااااااااااااامك من ذهب و أخوك أبو الهنوف يدري إنك تبي المصلحه للجميع

ابوالهنوف

هلا وغلا بالغالي

الف شكرلك على كلامك الجميل ومثل ماتفضلت يعلم الله نيتي صافيه

ولاقصدت الا المصلحه للجميع

اقتباس فعلا ظلم إن ترشح صديقك وهو لا يبدع و لكن المجاملة !!!!!!!!!!!!

وانا اريدحل لهذه المشكلة وهذا هوهدف الموضوع

اقتباس و يوجد ناس لا يجاملون حتى لوكان أخوه الموجود أو صديقه الخاص وهم موجودين معنا بالمنتدى

وانا معاك في هذا الكلام وانا لم أقل جميع الاعضاء يجاملون

وكلامك على عيني وراسي يالغالي

اقتباس و أنا أعتذر لكم جميعا إن كان لم أرشح مبدع أو يستحق الترشيح مني و لك كل الشكر يالغالي و السلاااااااااااام مسك الختام

الغالي ابوالهنوف

كلامك يعكس مدى طهارة قلبك وبياضه

والمشكلة ماهي انك تنسى فالأنسان معرض للنسيان واذا نسيت شخص

مجتهد ولكن ايضآرشحت شخص مجتهد فهذا ربما يبين انك قدنسيت

ولكن لاترشح المجتهد وترشح شخص غير مجتهد فهنا المشكلة

الف شكر على تشريفك للموضوع وطرح رأيك فيه

وتقبل مني كل الحب والاحتراااااااااااام

[عواد العنزي]

اقتباس هلا وغلا عبدالعزيز الجلعود هذا ان .......دل............. دل على اهتمامك في المنتدى

هلا وغلا

ابوشهاب بس تراك مضيع عبدالعزيزالجلعود بيتهم

بيتهم بالشارع اللي ورانا

عمومآ مشكور على كلامك

اقتباس ومن وجهة نظري لك يا اخي العزيز انك احرجت الشخص المعني (( الهايم )) وهو يستاهل كل خير

احترم وجهةنظرك بس انا وضحت ان اسم الهايم كمثال لأنه حقيقة لا أحد

ينكرمجهودة ومادامك تقول يستاهل كل خير ماجاه مني الا الخير

اقتباس بس كان المفروض انك تحاول ايصالها الى الاداره بصفه رسميه خصوصيه وليست علنيه

ياجماعه تراكم مكبرين الموضوع انا ماني مسوي جريمه يوم اتكتم عليها

موضوع كان لابد من طرحه للأعضاء لانهم هم من يرشحون

وقصدي انهم هم ايضآ من يطالبون بتغيير نضام الترشيح

ليكون هناك انصاف ..لا أكثر ولا أقل هل هذا الكلام يحتاج الى سريّه

وتكتم عليه

اقتباس وارجو ان كلامي لا يزعلك وجهة نظرلا اكثر ولا اقل

بالعكس اخوي الغالي ابوشهاب سعدت كثيرآ بتواجدك في هذا الموضوع

وانا ماوضعته لاجعل الجميع يؤيدني ماوضع هذا الموضوع الا

لسماع أراء جميع الاعضاء من أجل المصلحه العامة

اقتباس واشكرك على الصراحه الرائعه اتجاه الاعضاء الرائعين والله لا يحرمنا منك يا الغالي اخوك ابو شهاب سلااااااااااااااااااااااام

الشكرلله أخي الغالي ثم لك على أهتمامك الرائع

وتشريف هذا الموضوع وأدلاء رأيك فيه

وتقبل مني كل الحب والاحتراااااااااااام

[عواد العنزي]

اقتباس هلا و غلا أبــو عزوز .. و الله كلامك منطقــي .. و عين العــقل .

السامي

هلا وغلا بالغالي

يسعدني ويشرفني رأيك وأنتظره في كل مواضيعي لان رأيك يهمني

اقتباس بناء ً على الرسائل الخاصة التي حذدثة بيني و بين الأخ / الهــايم .. فهو قد شرح لي ظروفـة و غيــابة عن المنتدى لفترة بسيــطـة .. و أن شاء الله يعود لنــا

ياجماعه لاتتركون صلب الموضوع وتركزون على الهايم

والهايم قلت لكم مجرد مثال لأعضاء مجتهدين

اقتباس فهو فعــلا ً يستحــق التميـّـز .. و لكن لـ الظروف أحكــام ...

اي ظروف يالسامي اذا كنت تقصد ان الأخ الهايم غاب يوم اويومين

ارجومنك الرجوع للترشيحات وتشاهد بعض الاسماء والله استحي اني

اقول اول مرّه اسمع فيها والترشيحات مبنيه على تميزالعضولشهركامل

وليس ليوم او اثنين

اقتباس و أتمنى أن أرى أسمه في الترشيــحات القـادمة أن شاء الله لك تحيــاتـي

وانا اتمنى ان يأخذ كل ذي حق حقه

والف شكر يالغالي على تشريفك الموضوع وأدلائك برأيك

وتقبل مني كل الحب والاحتراااااااااام

[عواد العنزي]

اقتباس والله مدري وش أقول لكن أقسم بلله ماتمنيت أكون بهالموقف

الهايم

هلا وغلا بالغالي

وانا آسف يالغالي اذا كنت أقحمتك بأي احراجات بس والله كان

الهدف من وضع اسمك كمثال ودليل على كلامي والله اعلم بالنوايا

اقتباس وصدقوني ياجماعة والله يشهد على كلامي ماسويت شي وأنا أقصد الوصول لحاجه معينه لا ورب الكعبة وكل اللي سويته لئني أعجبت بالمنتدى وكنت أبغا أساهم مع أبورائد وأساعده على الجوائز وأنا أعرف أن المنتدى بارز وناجح بدوني لكن هذي مساهمه بسيطه ولا تذكر.

وحنامصدقينك أخوي بدون لاتحلف ومجهودك لايستطيع احد أنكارة

ولم أضع اسمك كمثال للعضوالمجتهد الا لأني لمست كما لمس الأخوان

مجهوداتك اللتي تقوم بها بالمنتدى وهي كلمة حق كان لابد من قولها

اقتباس وأنا ماأبغا أحد الأعظاء يفكر أني زعلان علشان الترشيحات .. صدقوني مافكرت بذالشي واللي رشحني بقوله أهم شي أني كسبت أعجابك واللي مارشحني بقوله والله ماني زعلان وهذ رايك وانت حر فيه وأكيد أن كل عضو راح يرشح المميز بنظره وهو حر .

الله لايجيب الزعل يالغالي والمسأله ماهي مسألة زعل اورضى

المسأله نريد ان يكون هناك انصاف في الترشيح لاي عضومجتهد

واعتقد لن يكون هناك انصاف الا اذا تولت الادارة ترشيح المميزين

من قبلها

اقتباس وأذا كان فيه أعظاء يرشحون على حسب علاقتهم مع الأعظاء اللي يرشحونهم فهذا يعود لضمير العضو نفسه وأكيد أنه خطاء وأنا أقول أذا فيه أعظاء كذا.... علشان ماتفهموني غلط.

لا أنشالله ماراح نفهمك غلط وكلامك يعكس مدى بياض قلبك

الله يكثرمن امثالك

وبالتأكيد الترشيح على حسب العلاقات خطا وهذاولابد من اصلاح الخطا

وهذا هو الهدف من هذا الموضوع

اقتباس وصدقوني ياأخوان أنا كنت أسعى للي يلم الشمل ويزيد المحبه ويقوي التواصل بيننا كأخوان وأخوات في بيت واحد لكن أذا حسيت أني راح أسبب مشكله بينكم أنا راح أغادر المنتدى وأطلع مثل مادخلت .

لا يالغالي والله مافيه اي مشكلة وحنا مانبي نخسر شخص شرواك

واذا على رد الغالي نواف الفهاد اعتقد واجزم انه قد فهمني خطا

واتمنى ان يعودللموضوع ويتمعن فيه جيدآ

اقتباس وأنا عارف ومتأكد ان القلوب نظيفه وماراح أترك المنتدى مهما صار لئني حبيت المنتدى وحبيت الأعظاء والقائمين عليه وشفت فيه شي ماشفته بمنتديات ثانيه.

وهذي شهادة نعتزفيها من أخ غالي على قلوبنا وشهادتي بالرائدية

واعضائها مجروحه ونظافة قلوبهم هي سر تميزها

اقتباس وبالنسبه لقتراح أخوي عواد الحقيقه أنا وغيري مستحيل نشكك بنزاهة أبورائد والمشرفين والقائمين على أدارة المنتدى بأختيارهم. وهذا شي راجع لهم وللأعظاء.

وانا شاكرلك هذه الثقة وابورائد اعتقد انه لايوجد من يشكك بنزاهته

فالجميع يعرفه جيدآ لتواجده المستمر مع الاعضاء

وحكمته في جميع مايواجه في المنتدى ولويكون ترشيح المميزين

من قبل ابورائد اعتقد انه سيكون الحل المناسب

اقتباس وهذي مبادره جميله من أخوي عواد لئنه حب أن الأعظاء يشاركون بهذا الموضوع ويعطون رايهم. وهو كذا يبين أهمية راي الأعظاء وهذ شيئ يشكر عليه.

اشكرك جزيل الشكر لتفهم ماقصدت من الموضوع

وهذا يدل على وعيك والمامك المام تام بالموضوع

اقتباس وقبل الختام .. أوجه شكر خاص لخوي عواد ومن حقي أشكره لئنه لو ماكان معجب فيني كعضو ماضرب المثل فيني. وبقوله أعجابك فيني ياخوي مكسب وهو بحد ذاته تميز لي.

الشكرلله أخي العزيز ومجهودك هو من أجبرني على وضع اسمك

كمثال للعضوالمجتهد وماتقوم به يجبر اي عضوعلى احترامه

والاعجاب فيه

اقتباس وآسف أذا كنت قلت شي يضايق أي واحد ينتسب لهذا الصرح الجميل منتدى الرائديه. وأعذروني على القصور وعلى الأطاله. وتقبلو جل تقديري وخالص أحترامي.

بالعكس أخي العزيز كل ماذكرته يدل على أخلاقك العالية وتفكيرك

الواعي وانامن يتأسف اذا كنت قد وضعتك في اي احراجات

ولكن مايشفع لي حسن النية والله اعلم بنيتي

ولاجاء منك اي قصور يالغالي وماشفنا منك الا الطيب

والف شكر على تشريفك هذا الموضوع

وتقبل مني كل الحب والاحترااااااااااااام

[هوى العز]

صبحكم الله بالخير جميع

بالنسبة لأقتراح الأخ العزيز عواد العنزي انا اشوف ان فيه وجهة نظر لكن تبقى المسألة اختيارية و فيها عنصر المفاجأة و هذا يزيدها حلاوة و اذا كان المقصود من الموضوع الأخ العزيز الهايم فأنا اشكره اولا على مساهمته في الموقع و صدقني ما دريت عن هالسالفة الا بعد ما خلصت ترشيحاتي امس الللي رشحت خلالها افضل الأعضاء اللي عرفتهم خلال هذا الشهر بغض النظر عن كونهم الأفضل او لا و الهايم يمكن يعيبه قلة مشاركاته و الا هو على العين و الرأس 0

* الترشيحات تتم على اساس شعبية العضو و ممكن من خلال مشاركة واحد فقط تنال اعجاب الكثيرون

تقبل تحياتي اخي عواد

[أبو فهاد]

اقتباس المشاركة الأصلية كتبت بواسطة عواد العنزي بسم الله الرحمن الرحيم وبه نستعين أخواني أخواتي حقيقة لا أعلم من أين ابدأ لكن بطبعي ماعرف اسكت على الخطا والخطا اللي اشوفه هو موضوع الترشيحات وقد كتبت موضوع بقسم الاقتراحات بشأن الترشيحات وما يصاحبها من مجاملات ولكن؟؟؟؟؟؟ فمن الطبيعي ان يرشح العضو صديقة وهذا فيه ظلم للمجتهدين وطالبت بأن يكون الترشيح من الادارة والمشرفين طبعآ الكلام هذا قبل ان اكون مشرف حتى لايذهب التفكير بعيدآ ولم ارشح الشهر الماضي لاني ارى اسماء لا اشاهدها الا في الترشيحات واذا لها مشاركات تكون معدوده على أقل من عدد الأصابع فألى متى هذا الوضع الى متى المجاملات فأنت يامن ترشح صديقك وتعتقد انك تفيده أعلم انك تضحك عليه وتوهمه وهو يعلم ذلك جيدآ فهو يعلم تمامآ بمشاركاته ومجهوده ؟؟؟؟؟؟ ولنضرب مثال على عضو مجتهد ولم يرشح الا يمكن من واحد او اثنين ولنترك الذي تم ترشيحه وهو ليس لديه مشاركات او اي مجهود يذكر فالعضو المجتهد وكلمة حق حتى لاتقولو اني اجامله فأنا لا أعرفه الا وهو الهايم هذا العضو مجتهد في أغلب الاقسام وفوق ذلك تبرع لمسابقات رمضان بالعديد من الجوائز أضف الى ذلك ان أغلب تواقيع الاعضاء من ابداعه اليس هذا مجهود الا يشفع له بأن يجعلك ترشحه قلتها من قبل واقولها الآن الترشيحات لابد ان يعاد النظر فيها وتطويرها للأفضل واسمحولي اذا ضلت الترشيحات على هذا الوضع فأنا امتنع عن الترشيح واتمنى ان لايرشحني احد....... وقمت بكتابة هذا الموضوع هنا لوجود مشرف مميز متمثل بابوفهاد واعتقد ان الموضوع سيأخذ حقه من الاهتمام أكثر وتقبلو مني كل الحب والاحتراااااااام

هلا أبو عزوز .... ولا عاش اللي يرفع ضغطك ....




ولكني أنا ما ودّي أكثــّــر المقدمات ....




يمكن إنه يحق لك إنك شايف ان ( الهايم ) إنظلم بالترشيحات ... والهايم أخو عزيز علينا .. وما نرضى أحد يتجاهله ...



و



لكن وبكل صراحة .. أنا ــ وأعوذ بالله من كلمة أنا ــ اشوف إن ترشيحات الأعضاء .. للأبرز بكل صراحة ...




شفت الترشيحات على ما أعتقد ...



بالنسبة لترشيحاتي ... وووالله والله العظيم إني أخترت الأبرز بوجهة نظري .. وبكل تجرد ... وهذا اللي مفروض إننا نسويه ...


وما نقدر بصراحة نجبر الأعضاء على أسماء معينة ...


كل عضو طبعاً له حق الإختيار .. وكل راجع لضميره ...






بالنسبة لإختياراتي ...



المشرفين ..

شفشنكو .. بصراحة .. الرجال 24 ساعة .. متابع للقسم حقه .. ويتابع ويرد .. ويجيب لنا كل جديد بالنسبة للرياضة ...



أبو الهنوف .. متاااااااااااااااابع .. وصاحب مجهود كبييييير وخاصة بالأشياء اللي تجلب السمعة للمنتدى ...




الامير ... ما أحد ينكر جهوده نهائياً ...




عواد .. أبو عزوز ... متابع .. وما فيه موضوع ينزل إلا وأبو عزوز يكون أول المتابعين له ... وهذا هو الشيء الأساسي المطلوب من المشرف ...






الأعضاء ..


إخترت .. أحمد ــ قيصر روما ـ الونيس ــ الشلال
وبصراحة نشاطهم واضح وحضورهم دائم .. وتواجدهم كبير ... ويستحقون الأفضلية بدون أدنى جداااااااااااااااااااال ...






الكتاب ..


نواف .. هو الأبرز .. ولو فيه واحد من الأعضاء يكتب زي نواف وإلا أقل منه شوي .. والله لأختاره ...


ولكن لازم أكتب الصح حتى لو كان فيه مدح لأخوي ...





وبالنسبة للهايم .. على عيني .. وعلى رأسي .. وماننكر جهوده .. ولكن والله ماني شايف إنه أنشط من الشباب اللي ذكرتهم ... والحضور والتواجد شيء مهم بالنسبة للترشيح ....









أهم شيء .. لايكدر خاطرنا .. الترشيح .. والخرابيط هذي لأننا أكبر منها ....




الله لايخلينا منكم جميعا ً....

[أحمـــد]

السلام عليكم ورحمة الله وبركاته ,,,,



أخوي عواد أول شي أحييك على غيرتك ومحبتك للمنتدى وبالنسبه لموضوعك



بالنسبه لي أنا شخصيا كل اللي رشحتهم أعتبرهم مميزين بدون ترشيحي ولأني فعلا ماجاملت أحد نهائي



وللمعلوميه لاتربطني أي علاقه صداقه خارج المنتدى بأي عضو بالمنتدى الا شخص واحد فقط واكتشفته




بالصدفه وهو متميز ويستحق التميز .



ماودي أزيد على كلام أخوي نواف وابو فهاد المقنع وبالنسبه للاخ الهايم فهو مجتهد في أكثر من قسم


ولكن كثير غيااااااااااب وهو على العين والراس عزيز وغالي




أشكرك مرة ثانيه والله لايجيب الزعل




تقبل فائق الاحترام والتقدير






Thank You All

[نواف الفهاد]

أبـــو عزوز !!

/
\

لا يروح تفكيرك بعيد ..

أقصد .. بـــ إنسحابي من الترشيح ..

أن .. أوضح لــ الكل ..

أن اللي بيننا .. أكبـــــر من كل شيء ..

وأنا .. تارك الترشيح لــ اللي يبيه !!

/
\

وإلا ..

النية دووووووووم تجاهك .. بيضـــاء ..

بــ حجم .. بياض قلبك ..

/
\

لك كل الغــــلا ..

سلالالالام

[فهدالقحطاني]

هلا وغلا

عواد العنزي


موضوعك جميل ولكن ان اظلم واحد لانة صديقي

يعني صديقي يتعب وكل يوم يدخل وفي الاخير ما ارشحة لانة صديقي


حرام اضيع مجهود شخص يتعب لانة من زملائي

هذا فية ظلم واضح ولا وش رائك ياعواد


ارجو عدم فهم كلامي بمعنى اخر

اخوكم فهد القحطاني