صرخة من داخل الثانوية الاولى

[فــايــز]

هي المدرسه بس اللي توجع الكبد !؟
الخفجي كلها بكل دوائرها يبيلها " نفض " عن بكرة أبيها
يبيلنا اذن وعين مسؤوله همها في المقام الأول مصلحة المحافظه
فمهزلة الثانويه الأولى مثلاً معنها مهزله أكبر في مكتب الإشراف
والأخؤى أيضاً تدل على إهمال أكبر وأكبر في .. إلخ وهلم جره !
تسلمين على الطرح يالهاربه

[الهاربة]

اخي فايز ... ما ينفع الكلام بس وش الحل المشكلة تزيد يوم بعد اخر ....
امس شفت معلمة وقاعدة تحكي لي شيء امر ... طبعا المعلمة لها 15 سنة في التدريس في الثانوي
كل هالسنوات ؟؟؟؟ مكتب الاشراف وضع لها مشرفة توجها خبرتها 8 سنوات زيادة على ذلك
هذة المشرفة لم تدرس في الثانوي لانها لا تستطيع على مناهج الثانوي ؟؟؟ باللة كيف هذا يحصل
وتوجه معلمة بهذة الخبرة ؟؟ وكيف صارت مشرفة ومن اهم الشروط انها يجب ان تدرس جميع مراحل التعليم ؟؟؟؟؟؟؟؟؟؟؟؟؟؟؟؟
ومكتب اشراف الخفجي لعب في لعب ولا حسيب ولا رقيب؟ حسبي اللة فيهم ونعم الوكيل

[خفجون]

لا حولا و لا قوت إلا بالله المفروض يكون فيه تنظيم المكان المناسب للشخص المناسب المفروض يكتب شكوى و توقع عليها كذا معلمه و ترسل هذي الشكوى لوزارت المعارف لحسم الأمر و النظر في هذي الموضوع طبعاً الشكوى تكون بالدس من غير لا تدري المديره و بعض المشرفات لأن بعض المشرفات ممكن تعلم المديره و شكراً على طرح الموضوع .

[خفجون]

اقتباس المشاركة الأصلية كتبت بواسطة azoozsweet لوحظ في الاونه الاخيره اهمال كبير في التدريس وعدم الاهتمام بالشرح الكافي وتوصيل الفكره للطالب او الطالبه كل الهم اخذ الراتب في نهايه الشهر والمصروف والبذخ منه وبصراحه شي يقهر دمعه الام غاليه ويحق لها تبكي على تعب بنتها طالمها بنتها شاطره تراجع مكتب الاشراف التربوي واذا مافيه فائده ترسل شكوى لوزاره التربية في الدمام وتطالب باعاده التصحيح من قبل لجنه والله يخفف عنها مسكينه والله اشكررررررررررررك الهاربه

يا اخي الكريم بالنسبه للطلاب الذكور حاصل هذا الكلام الي ذكرته و بكثره لا و المشكله المعلم يتعمد انه ما يوضح الشرح و يكون الشرح غير مفهوم جداً كما حصلي ايام الثنوي السبب: (لكي يستفيد المدرس من التدريس الخصوصي في المنزل او التقويه(المساء) في المدرسه.


بنسبه لي يوم كنت بالثانوي تخصص محاسبه كان يشرح لنا المدرس و دايمن يقولنا كلمات اول مره تمر علينا كطلاب مثل كلمت ((كمبياله )) فسألت المدرس عن هذي الأسم فقال لي تسلم الكمبياله للمحاسب و يعرض عليك الديون فكررت له نفس السؤال : ماهي الكمبياله فرد علي نفس الجواب و لم يشرح لي معنا الكمبياله ثم قال بعد إنتهاء الدرس الذي لم يفهم الدرس يحضر التقويه في هذه المدرسه بالمساء فعندما سجلت بالتقويه ودفعت مبلغ مالي وحضر نفس المدرس سألته نفس السؤال قبل الدخول بالشرح فقال لي ((( الكمبيالة : معناها الفاتوره ))) فقلت ااااهاااا فعرفت انه يريدني ان اسجل بالتقويه ليحصل المدرس على مبلغ المالي زياده على راتبه و هذي أغلب مشاكل المدارس الخاصه .

[احساااااااس]

السلام عليكم ورحمة الله وبركاته
حسبي الله ونعم الوكيل

[الحب سلطان]

مدرسه الكيمياء(م.ك) هذي الشمرية؟؟ اذا هي فبصراحه شرحها مااعرف كيف تحس انت بوادي وهي بوادي بس والله تكتشف نفسك بالاخر فاهم مااعرف انا كانت تعجبني وهي طيبه ممكن تشرح للوحده اكثر من مره وبنفس طيبه وهي تحس الطالبه اللي تسالها انها مو فاهمه وتطلب تعيد الشرح انها من جد مهتمه وتلقاها بعد كذا تركز عليها بالصفوف والواجبات من جد الله يجزاها الف الف خير وين ماكانت .
مدرسة الاحياء اذا اسالتها نفس اسئلة الفصل مفروض ان الطالبه عارفه الاسئلة وتجيب الدرجه كامله ولا؟؟
بس افترض ان الطالبه نفسها عندها مشكلة اما قلق لانها ثانوية عامه او جو البيت يوتر فهي بالتالي تفقد تركيزها

[أشجان الخليج]

مرررحبا! انا حابه انقل وجهت نظري مو ضروري يمكن صح 15 سنه خبره بس إللي لها 8 سنوات فقط ممتازه بالشرح أكثر من اللي لها 15 سنه وليس ضروري ان زيادة سنوات الخبرة هي المقياس احيانا نجد معلمه خبره ولكنها لاتجيد ضبط الفصل وتشرح باختصار اللي يريحها بعكس معلمه ممكن ليس لديها خبره ولكن حضورها بالفصل رائع وكذلك شرحها مميز وتعتمد على اساليب جديدة لايصال المعلومة

[الهاربة]

يا اخت اشجان الخليج .... احب اوضح لك ان هذه المعلمة ممتازة بشهادة طالباتها وادارتها ؟؟
ويمكن هذه المشرفة اللي تدافعين عنها من طالباتها .. وبعدين لو كانت هذه المشرفه ذات جدارة ؟؟
كان ما تهربت طوال خدمتها من تدريس الثانوي حتى الانتداب كانت ترفضه للثانوي ؟؟؟
لو كانت اجدر بتوصيل المعلومة كان افادت طالبات الثانوي ؟؟ واراحت المعلمة القديمة ؟؟
ونزلت المعلمة القديمة لتدريس المتوسط والابتدائي ؟؟ لكني ارجع واقول ان هذه المشرفة
سوف تحرج نفسها لو انتقدت بشء لا تعرفة او ليس لديها خبرة فية ؟؟

[مطلق زحام]

الشكوى لله اختي00 انا اعرف ان مدرسه اختي للغه العربيه اللي بالصف السادس تخصص انجليزي 000
ما نقول الا الشكوى لله 00000 وما تعرف تدرس بعد والعجوز 000 تصرخ وقت الختبار مطيلق يوم ما عندك شي درس اخوانك مستواهم موزين 000 وش شلون يصير مستواهم زين ومدلاسه العربي تخصص انجليزي ومدرسه التاريخ تخصص تدبير 000

ما نقول الا الشكوى لله

[This is me]

حسبي الله على الظلمه لكن لمين تشتكون ..الله اعلم بحال الجميع والله بياخذ حق كل مظلوم