دعوة للحوار : ما تلا حظون أن الشركة صنعت طبقية في مجتمع الخفجي

[الغلا2007]

اخوي والله انك صادق اهم عندهم بحر خاص لهم ليش البحر مو تابع للحكومة بعدين البحر اللي عندهم نظيف كأنه قزازة ههههههه

[+بنـــدر+]

أجل راح اسوي ملعب كوررره وأبن امه يلعب فيه غير عيال المحدوود


مادام الدعوه كلها احتكار

[اليابسي]

أخوي سليمان ....أنا من الذين أيّدك في موضوع صناعيّة الخفجي...أما هذا الموضوع ...فهذي استراتيجيّة شركه ...ومن حقها تدلل موظفينها....وهذا طبيعي جدآ...شوف شركات الجبيل أكثرها عندها مخميات خاصه لموظفينها...ومميزات وبدلات ووو..الخ....

(أنا لست موظف شركه).........وفي النهايه هذي أرزاق واتركوا الخلق للخالق....

[لحن الحزن]

اقتباس المشاركة الأصلية كتبت بواسطة هوجاس هلابك زود يالحن الحزن يبدوا ان لديك التباس مابين معنى الطبقية من جهه والفئوية من جهه آخرى ولوعُرفت الطبقية بمفهومها لعلمت ان ما اشرت له من ملاحظات ع الدوائر الحكومية لا تدخل في مفهوم الطبقية بالشكل الذي اشرت اليه فالطبقية - - - - 7 مجموعة من القيم ومجموعة اهتمامات وسلوكيات تتشابه فيها مجموعة من البشر وهذي لا يتم صُنعها بل تتكون عفويا بأختلاف البشر لا انكر ما اشرت اليه تجاه المستشفى والشرطه وغيرها من ادارات حكوميه ونلمسه تاره ويلمسه غيرنا تارات آخرى إلا ان الموضوع المطروح من قبل اخينا سليمان لا نريد ان نخرج لخارجه ( الموضوع)

هلا فيك اخي الكريم

اذا مفهومي وفهمي خطأ فكنت اتمنى مايكون خطأ

لان هذا يدل على النقص فيك او في صاحب الموضوع تجاه موظفي الشركه

وهذا ما كنت اشك فيه في البداية ولكن حبيت تكون المسئله ذات صوره اوضح

ولكن بما انك وضحت بهذا القدر

فأستطيع ان اقول لك ان ماتشعر به انت او خي صاحب الموضوع هو ميزج

من الحسد والنقص وتجاه موظفي الشركه

ولهذا اوجدتم انفسكم على نطاق دائره ضيقه لا تستع الا لاصحاب النفوس الضعيفه هدانا وهداكم الله والقارئين يارب

ولك التحية

[سليمان الصقر]

[align=center]ليش تعطى الشركات الضوء الأخضر وتطلق لها اليد في تدليل موظفيها ومنحهم الكثير من المميزات اللي ميزتهم عن غيرهم ، وشركات البترول ماهي تابعة لوزارة البترول والتعليم والصحة ما هي أيضا من ضمن وزارات الدولة والموظفين في جميع الوزارات ما يخدمون نفس الوطن بالعكس ممكن العسكري أو المعلم أو موظف الصحة يقدم خدمات للوطن أكثر بكثير من بعض موظفين الشركة وانا ضربت مثال بسيط بين حارس مدرسة البنات وبين حارس احدى بوابات الشركة والله لو يساوون بينهم لكان ظلما لحارس المدرسة ، يا اخوان أقصد السكرتي بالشركة ألف واحد ممكن يسد مكانه لكن حارس المدرسة صعب جدا تجد من يسد مكانه ،
وركزوا معي يا اخوان الشركة لوهي قطاع خاص كان قلنا بكيفهم تقدم حوافز تسفر موظفينها تقدم لهم أرقى الخدمات ...... إلخ لكن الشركة عندنا قطاع حكومي تابع لوزارة البترول يعنى كلنا موظفين الدولة وكلنا نعمل لخدمتها مثال آخر مدير المدرسة مؤتمن على مآت الطلاب ومسؤول عن كل كبيرة وصغيرة بالمدرسة وإذا جت الاختبارات لا ليله ليل ولا نهاره نهار وأغلب العام الدراسي وهو يكمل أعماله خارج أوقات الدوام يعني أحيانا يقعد للعصر وأحيانا يرجع بالليل وكل من جا للمدرسة قال وين المدير وهو اللي بالواجههة ومجبور يلتقى بكل زائر وتعال شف أنواع الزوار وطلباتهم وكل مشكلة بالمدرسة من طالب أو معلم حوول للمدير على طول وجميع مدراء المدارس طاقمهم الاداري ناقص والمركز يطلب منه وإدارة التعليم تطلب منه وكل كبيره وصغيره وهي براسه ويركض اليل مع النهار وما هو ملحق والبنهاية مسماه الوظيفي معلم وسلمه الوظيفي سلم معلم لا يحسب له أوفر تايم ولا يكافا بشي ولا يحلم بأي حافز ولو يشتكي عليه أي سافل بهدلوه وجرجروه للتحقيق وهذا المدير ماهو موظف بالتعليم ويتبع لوزارة التربية والتعليم اللي هي من وزارات الدولة حالها حال وزارة البترول ، الشركة تجاوزة مسألة الحوافز هذي حاطه شبك بيننا وبينهم هذي دولة داخل دولة وهذى سياسات كبير ولعبة طويلة الأجل هذا تخدير هذا مصادرة للموظف بالكامل فلذلك يوم ألغت الشركة مدارس الزهور ولا ولي أمر طالب اعترض أو اشتكى فما بالك بالأمور واللي قاعده تسويه الشركة ماهو حوافز بالمعنى الدقيق فلذلك كانت هذه الطبقية المقيته .[/align]

[حمزه مصطفى]

عطيتو الموضوع اكبر من حجمه
الشركه ليست سبيل او جمعيه خيريه اي واحد ياخذ منها الي يبي وتمشى داخلها او بسكنها او مخيماتها او اي شي يخصها .
وللمعلوميه :
اي شركه او مؤسسه يوجد بها سكن خاص لموظفيها وحرس ويوجد
استراحات ويوجد مخيمات بالبر المجاور للمنطقه وعليها حرس وبها وسائل ترفيهيه خاصه لموظفيها .
اما الي غير موظف بالشركه فيطالب البلديه والي لها أختصاص ان يبنون مخيمات واستراحات لباقي أهالي الخفجي .
أما من ناحيه حارس المدرسه تقول ان بينه وبين حارس الشركه فرق نعم هناك فروقات حارس المدرسه حارس
على الطالبات الاتي هن بناتنا واخواتنا وحارس الشركه حارس منشاءات بتروليه
ولكن حارس المدرسه له مرجعه وحارس الشركه له مرجعه .
والكل مسؤول عنه مرجعه .
اتريدون ان تهتم الشركه بحراس المدارس الحكوميه
هذي شركه وليسة وزاره .

[مســاعد]

سليمان صقر

بقول لك كم كلمه



من الاخير انت وش تبي توصل له ؟؟؟؟؟




أخي الكريم الدنيا فروووووق ومقامااااااات


للمره الالف اقولها لك




مافيه محل مقارنه نهائياً بين ما تذكره

لو كلامك صحيح


كان صارت امور كثيره ......

[سليمان الصقر]

[align=center][align=center]يامساعد يا حبيبي الدعوة للحوار ماهي للهواش وإذا عندك رأي فالمجال واسع وصدورنا أوسع
وأنا طرحت دعوة للحوار وهذا رأيي ومستعد للحوار مع الجميع وهي بالنهاية وجهة نظر وأقول
كما يقول ميخائيل نعيمة ( لكل كلمة أذن ولعل أذنك ليست لكلماتي )
وتقبل مروري مع التحية [/align][/align][align=center][/align][align=center][/align]

[BMW999]

يــبقــي كــلامك في الأخر سوي "

وجهة نظــر لا تــفــسد بالــود اي قضيـــه >>

[قلوب دامية]

اقتباس المشاركة الأصلية كتبت بواسطة +بنـــدر+ أجل راح اسوي ملعب كوررره وأبن امه يلعب فيه غير عيال المحدوود مادام الدعوه كلها احتكار

عنددددددددددددددددي والله محد بيجي ملعب فالمحدود
ههههههههههههههههههههههههههههه