مستشفى الاهلى - قمة الاهمال و الاستهتار بحياة المواطن

[KHAFJAWY]

السلام عليكم ورحمة الله و بركاته .. اخوانى و اخواتى فى منتدى الرائديه

مستشفى الخفجى الاهلى مستشفى "ان صح تسميته" خاص والمفروض انه يتفرد بمستوى الخدمه و العنايه الطبيه على مستوى المدينه .. على الاقل. ما ساعرضه هو بمثابة فضيحه و لزم وصولها لاعين المسئولين القابعين فى مكاتبهم المكيفه و للمواطن حتى ياخذ الحذر و الحيطه.

قدر الله ان تضع زوجتى طفلنا فى مستشفى الخفجى الاهلى حيث اقرت الدكتوره ضرورة عمل عمليه قيصريه. ذهبنا الساعه التاسعه حسب الاتفاق مع الطبيبه والتى من المقرر ان تقوم بالعمليه و هى كفؤ بجميع المقاييس. و هنا تعليقاتى لما حدث خلال هذه الفتره حتى خروجها من المستشفى بالسلامه

1. اثناء اجراء العمليه (المعروف انه يجب اخراج الطفل خلال 30 دقيقه من بدايته) وبعد 15 دقيقه انقطع التيار الكهربائى و فجاه عمت الفوضى فى غرفة العمليت (المفروض انها معقمه) والممرضات انتشرن لاحضار اكبر عدد ممكن من اضاءة الطوارى الموجوده فى بعض الممرات. انا طبعا جن جنونى و ذهبت على عجاله لاشوف ليش مولد الكهرباء ما اشتغل و ليش ما تم التحويل المباشر للكهرباء. و هنا الطامه حيث انه المولد قديم و متهالك و لا يحمل خاصية التحويل المباشر. بعد 20 دقيقه اشتغل المولد الكهربائى. كيف تجرى عمليه بدون توفير طاقه احتياطيه لاجهزه الدعم؟؟؟؟

2. بعد انتهاء العمليه نقلت زوجتى الى قسم التنويم و كانت فى حاله يرثى لها. و اعطية مهدئ للالم و منوم بعد استفاقتها من البنج. حتى الساعه الخامسه مساء. طبعا كنت مواصل اليوم اللى قبله كله و ما صدقت ان اخو و ام زوجتى و صلو من الدمام. ذهبت للبيت اريح ساعتين و رجعت للمستشفى لاكد عليهم انهم يوفرون سرير ووجبه للمرافق. طبعا رجعت اليوم الثانى لافاجا بالطامه الثانيه. واترككم مع الصور لتتكلم عن نفسها

نظام التهويه فى الغرفه





سرير المرافق ؟؟؟ قمه فى القذاره





النظافه فى الحمام اعزكم الله - خاصه لمريض مسوى عمليه جراحيه





الحمام - 2 اعزكم الله و اجلكم




طبعا من المناظر اللى شايفينها طلبت تغيير الغرفه و كان الرد ان الوضع نفس الشى فى جميع غرف التنويم فى الجناح ما عدا غرفة الفى اى بى. طلبت النقل رفضو بحجة انها الوحيده و التامين الصحى ينص على توفير غرفه عاديه و بائت المحاولات بالفشل على الرغم من استعدادى لدفع الفرق السعرى. طبعا الممرضات كانو يتكلمو بامتعاض من المستشفى و سياسة التقشف اللى يعملها لخدمة المرضى.

طبعا ذهبت لمقابلة مدير المستشفى بس للاسف ما كان موجود. فى نفس اليوم طبعا مساء رحت احيت اغراض نظيفه علشان ام زوجتى تنام عليها و انا نازل عن طريق الدرج واذا بالطامه الكبرى الاخرى.
واذا بقطاوه عددهم 2 على ما اعتقد مريحين عند باب العنايه المركزه. وو الله كانو قمه فى القذاره و اترككم مع تصوير سريع للحدث

حراس باب العنايه المركزه.

طبعا انصدمت .. فى الدور الثالث .. اش كلعهم ووين العالم عنهم يدورون بحريه فى ارجاء المستشفى. شى عجيب.

طبعا و انا نازل وجدت مدير المستشفى .. فقلت له فيه قطاوه على باب العنايه المركزه و الباب مفتوح و الحدث صور بالصوت و الصوره للاعلام. مجرد وصلت البيت وهالتيليفون من زوجتى تقول الممرضات جاو و شالونا بعفشنا لغرفة الفى اى بى. واى فى اى بى ... والله الاسم حتى مو لايق عليها ابد.

المهم كانت تجربه مريره و مثال لمعانات ناس كثير من هالمجازر اللى امنت العقاب فاسائت الادب.

لا حول و لا قوة الا بالله