شطائر التوست المقليه من صنع الكتكوته‎

[الكتكوته.]

السلام عليكم ورحمة الله وبركاته

أتمنى من كل قلبي كل اللي يفتح هالموضوع يكون بيموت من الجوع

عشان يكون قمة التعذيب واللعاب يسيل ههههههههه

أدري شريره مايحتاج كلام ^_*

ماأطول عليكم ياحلوين

***شطائر التوست المقليه***

المقادير :

كيس توست يعني بريد

لحم مفروم عصاج يعني طابخته وجاهز للشغل

وجبن سائل

وأفضل شي في نظري المراعي لأنه سهل الدهن ينفع للطبخات

يالله ياشركة المراعي سويت لكم دعايه ابي 10 كراتين جبن للوصفات الجايه

وللتغطيه :

كأس ونصف حليب سائل + 3 بيضات

فتاة الخبز يعني بقصمات

يالله نبدأ الشغل بالصور

نقطع البريد بالكاسه لأني أبيه دائري

هنا قطعت كل البريد

نمسح بريدتين بالجبن السائل

ونحط اللحم المفروم على بريده وحده بس

ونقلب البريدتين ونضغط عليهم من الاطراف عشان ماتنفتح في الزيت

خلصت كل البريد

نغمسهم في الحليب المخلوط بالبيض ثم في فتاة الخبز

نقلي في زيت مرتفع الحراره شوي عشان لاتصير مزيته
ومانحط مجموعه كبيره في القليه الوحده

وهذي النهايه

و للتعذيب أكثر حطيت لكم صوره ثانيه

وألف صحه وهنا