ونتي ونةٍ خلوجٍ مع الوقت العتيم
وكدت مذبح ولدها وحالو دونها
حالي اللي راحت اشجار وديانه هشيم
مبطيٍ مازيد دب الحيا بغصونها
لاجرى ماها ولازيد حركها النسيم
من بطا الامحال فيها تغير لونها
كانيٍ مابي وانا مخفي ٍ شيٍ عظيم
وكل الارض اليوم ضاقت علي ركونها
ياعرب تكفون من كان له قلب ٍ رحيم
كل نفس ٍ صابها الحزن لا تقصونها
خاطري داروه ياللي تدارون اليتيم
وان بكت عيني من الدمع لا تنهونها
كبدي اللي لاعها خافي الحزن السقيم
كل ماقلنا تشالت تزيد طعونها
كل ما بريت جروحي من الحزن القديم
جيت دار ٍ حايل ٍ البطا من دونها
في الهوى حزات من وصف جنات النعيم
وفيه نار ٍ جملة الخلق ما يقوونها
رااااقت لي
المواضيع المتشابهه
العرض الشجري