مطبق وبس ؟؟

[الهائمه]

ياناس المشكله مو بس في البلديه مشكله في ناس نفسهم شافو الاهمال وسكتو وصار يهملون

قبل يومين كنت رايحه للكليه وقفنا عند اشاره وطالع يمين الا اشوف كرتون بيتزا هوت مرمي بكبره

يعني قلت الاماكن يوم يرمي عند الاشاره لا وجنبه منظر حلو عشب مايل مدري شلون شكله بس عن جد انقهرت يعني عارف مافيه بلديه تبيض الوجهه يقوم يرمي

وسالفه مطبق والله ياشباب مو عيب اذا واحد منكم شاله اذا شايف ان مشوهه منظر والله لو اني ولد سويها ماهمني احد

يله همتكم ياابضااااااااااااااايات وشاطر اللي يصور لمكام بعد ماشالها ويورينا وين قطها علشان مايرجعون يحطونه مره ثانيه لو يشوفونها قريب يعني بالعربي مو تتطيحون وتكسرها وتخليها مكانها كمل جمايلك وقطها في حوايه وانت بكرامه

وعساها بميزان حسناته لي يسويها

دمتم بالسسسسسسسلام

[ابو طلال2000]

من جد لون ان الجميع يتعاون في مثل هذي الاشياء لكانت مدينتنا اجمل

الرقابة من البلدية مطلوبة لحيث ان البنقاليين اكثر الاجانب يعمل بمكر و الخوف منهم و خاصة

في النظافة

[نجم]

ياشباب موعيب اذا واحد منكم شاله اذا شايف ان مشوهه منظر والله لو اني ولد سويها ماهمني احد

أيه هين والله يطلع عليك ذاك الافغاني ويسويك مطبق ..

بعدين يعني مافيه أحد من البلديه مر وناظر اللوحه ..

((الــــساكت عن الـــحق شيــــطان أخـــرس))

[خفجون]

يا رجال كلها مطبقه محد جمبك




بعض الدوائر لاه يه && عن عملها ساه يه
و مـوظـفيـها فـاه يه && ما يدري إلا بداه يه

شعر من تأليفي

[سامي الشمري]

[align=center]يعطيكم العافية و تمّ إزالة اللوحة




[/align]

[عجاج]

[align=center]

اقتباس بواسطة / سامي الشمري يعطيكم العافية و تمّ إزالة اللوحة

ياااااااااااااااااااااه أكثر من 15 يوم لإزالة هــ اللوحة !!

الله يعطيك العافية أخـــوي سـامــي ,,,,[/align]

[سامي الشمري]

[align=center]الغالي عجاج ..!


يعلم الله أنها مزالة من أسبوع تقريبا ً



و لكن الخطأ منّي أنا لم أكتب ردي في وقتها ..!



يبقى الشكر لموظفي البلدية



و الله يعطيكم أنتم العافية على مثل هذه المواضيع


أمّا أنا مجرّد " موصّل " لشكاويكم


تحياتي لكم


[/align]

[المنصف]

يزال فوووووووووووووورا أو يزال خلا اسبوووووووووووووووووع.
هذا شعار البلدية بس عن قولت اللجنة الميدانية مااطلعت ، كاتبين على الطبيلات يزال خلال اسبوع يزال فورا وكتابتهم صار لها شهر والطبيلة مكانها وش يعني هذااا.
وجزاك الله خير على الموضوع ..
وعلى فكره اللوحه صغيره مافيها مكان يكتبون فيه يزال فورا أوخلال اسبوع.

[أبومحمد]

سامي

يعطيك العافية

كلامك صحيح اللوحة ازيلت قبل اسبوع تقريبا

وشايفها بأم عيني ( يعني هذه للتأكيد )

[عجاج]

[align=center]أخـــوي العزيز

سامي

والله ماني لايمك وأدري أنك تنقل شكاوي الناس اللي على المنتدى الى البلدية .

بس ياخوي سواياهم تدبل الكبد المفروض أول واحد من البلدية يشوف مثل هـ اللوحة

يزيله ماتبيله من وقته 10 دقايق .

لا ويجي من يكتب على بعض المظلات تزال خلال أسبوع ومظلات أخرى ماكأنه شافهن

لانهن لمسؤلين . يعني حلال لناس وحرام على ناس؟ ليه ؟جميع المظلات اللي خارج البيت

تشوه المنظر . المظلات لم تزال الى هذا اليوم 6 ذو الحجة 1428هـ .

هذا غير مخلفات البناء اللي وسط الأحياء السكنية وغير المطبات الأصطناعية

اللي كل واحد فسقان حاط قدام بيته مطب أو مطبين من أسفلت أو من أسمنت

وكأنه جبل كسر سيارات العالم .

{ تروح العصر مع هـ الطريق مافيه مطب وترجع بالليل تلقى لك مطب يعدم سيارتك } .!!

والله هـ البلدية كأنهم مهم من أهل الخفجي كأنهم زوار بالسنة مرة وحدة يمرون الخفجي .

أخوي والله مهي رغبة أن نسخر من أحد ولكن حدوا الناس على أن يسخروا منهم .

نستطيع أن نفعل أسوأ من السخرية . حتى الموظف الجديد المثالي أو المدعي المثالية

بعد شهر شهرين بالكثير ويصير رجل أعمال .

يبني ويهدم ويبيع ويشتري .!!

وهنا نسأل عن متى يفعل قانون عمر بن الخطاب رضي الله عنه { من أين لك هذا } .؟؟؟؟

ننتظر لعل الله يهديهم ويصلح حالهم .

تقبل تحيتي وشكري لجهودك أخــوي العزيز سـامـي ,,,, [/align]