¯¨'*·~-.¸¸,.-~*' (رحله مع شاعــر) ¯¨'*·~-.¸¸,.-~*

[الجوووري]

( لولا الوفا )

لولا الوفاء ما شدني لك جمالك
لا يخدعك وقت الندم لو صفالك
إخلاصك الوهمي كشفناه تالـي
هديت كل اللي بنيـت بخيالـك
غروك ناسٍ يدعون الوفا لـك
حديتن أبعد يالغضي عن مجالك
ما طاع قلبٍ يبتعد قال وشلون
وشلون قلي تبتعد عن ضلالك
في عزتي للنفس يا قلبي بعته
ما ظنتي يا قلب يلقـا بدالـك
أختار درب الشوق يا قلب خله
يا قلب إنساه واذكر اللي جرالك

[الجوووري]

( مابي حيآتي )

مابي حياتي لا خلت منك تنعـاف
وش الليالي لاخلت مـن قمرهـا
جرحتني واليوم ماعاد تنشـاف
عيني تمنـى شوفتـك يانظرهـا
ياصاحبي قلبي على جال ميهاف
الروح يالغالـي تزايـد خطرهـا
ماترحم اللي للشقاء صار ميلاف
لك فرحة الدنيـا وحنـا كدرهـا
تبكي عليك الدار يازين الأوصاف
ليـت النهايـة ماتبيـن خبرهـا
أيام قربك يالغضي مابي خـلاف
راحـت ليالـي حبنـا ياقمرهـا

[الجوووري]

( الصيف قرب )

الصيف قرب وا عذابي من الصيف
يبي يروح الزين ماعـاد ينشـاف
لا غاب عن عيني حسين التواصيف
عز الله إني للشقاء صرت ميـلاف
العام جرحي داخل القلـب ماشيـف
واليوم أخاف جروح فرقاه تنشـاف
قلبي معه والدرب يمـه صواديـف
ليته بجنبي كان ما عنـدي خـلاف
ياصيف ... لا تبعد قلوبٍ مواليـف
ارفق ترى قلبي على جال ميهـاف
في بحر حبه مـا تفيـد المجاديـف
انشهد ان الـدار لا غـاب تنعـاف

[الجوووري]

( خايف عليك )

خايف عليك ومنك بالحيـل خايـف
عزي لقلبي يجمع الحـب والخـوف
خليت قلبي والشقـاء بـك ولايـف
قلبي عمى وش عاد لو عيني تشوف
عمري قضى ماقلت لك واحسايـف
عندي نهايه درب الاشواق معروف
جرحت قلبي يـا عديـم الوصايـف
ماظن تشرح ما بقلبي لـك حـروف
قلبي لغيـرك لـو تغليـت عايـف
حبك ملك قلبـي ونسانـي الخـوف

[سامي الشمري]

[align=center]الجوري ..!


فكرة جدا ً رائعة



و إختيار رائع لـ شاعر مُمّيز


رحمه الله

اقتباس خايف عليك ومنك بالحيـل خايـف عزي لقلبي يجمع الحـب والخـوف

رائعة اللعبة في هذا البيت


الله يعطيك العافية .. و ياليت لو تعدلين بعنوان الموضوع و تحطين بآخر شيء ( 1 )


لـ ننتظر منك رقم ( 2 )



[/align]

[الجوووري]

:

.


سنكمل ماتبقى لنا من[mark=CCCCCC] رحلـهـ ..[/mark]

مع المرحـوم : عبدالله العليوي ..!

[الجوووري]

( لو طـآل صبري )

لو طال صبري يا هوى البال له حد
ماودي إنك توصل الصبـر حـده
رسمت لك شكواي والدمع يشهـد
عقبك خطير القلـب ينبـاح سـده
كيف أحتمل ياعزوتي عيشة الصد
أعطيك روحي والشقاء لـي تمـده
حاولت كتم الشوق والشوق يشتـد
أرحم رحمـك الله ترانـي بشـده
لا تجرح المشتاق في قاسي الـرد
قلبي عن الفرحـه معـك لا تلـده
قلبي معك والله ماخنت لـك عهـد
ليت الحنان اللي مضى لـي تـرده

[الجوووري]

( عفت انا الدنيا )

عفت أنا الدنيا إلا جـار الصديـق
كل واحد صار بالشكـوى يضيـق
من يدور لـه بـذا الغابـه رفيـق
ينقضي عمـره ولا يلحـق منـاه
دمعتي تجري ولا أحـدٍ لـي بكـى
عندهم شكـواي ماتلقـى صـدى
ياوجيه الغدر ويـن أهـل النـدى
أبعدوا عنـي تـرا عفـت الحيـاة
كم انا مخدوع فيكـم مـن سنيـن
عشت أنا المظلوم وأنتـم ظالميـن
لـي خفاياكـم ورا تـوه تبـيـن
يوم دار الوقت وأظهـر لـي رداه
كنت أشارك في هموم الكـل منكـم
كم تمنيت أحمل الضيقـات عنكـم
لو دريت أن الوفاء وهـم بنظركـم
ماقضى عمري وأنا أزرع في صفاة

[الجوووري]

( منك انتهينا)

منك انتهينا يـا مخيـب رجانـا
الصبر طال وعذبتنـا المشاويـر
في موت حبك يجبر الله عزانـا
بيدك رميته لا تقـول المقاديـر
لولاك حنـا مـا تبـدل غلانـا
كل الوفاء منا ولا منـك تقديـر
قلنا سحابة صيف تعبـر سمانـا
وتزول ماله في سماء الحب تأثير
غدرك على نسيان حبك حدانـا
هذي سواتك ماتفيـد المعاذيـر
عفناك واللي عالـمٍ فـي خفانـا
البعد عنك أرحم وقلبك مع الغير
تبيعنـا واليـوم تبكـي هوانـا
لا يا عديم القلب فرقاك لي خيـر

[الجوووري]

( توي عرفتك )



[mark=000000]أنا عرفتك بالهـوى ألـف خـداع
وأنا بنظرات الوفاء منك مخـدوع
لا واحسايف عمري اللي معك ضاع
لا صار لك قلبٍ على الغدر مطبوع
تركتني وحدي على الدرب ملتـاع
أخذت عمري والعطاء منك ممنوع
تبي السموحه وأنت لي صرت بياع
وما زال قلبي من سواياك مفجـوع
يا ما نهيت القلب لاشك مـا طـاع
وأنا أشهد إني مابعد شفت لك نوع
ما نيب لا عذار تجي منك سمـاع
يكفين ماعشتـه بدنيـاك مخـدوع [/mark]