«فاهيتـــا الدجاج» بالصور

[ثلجة وردية]

[frame="14 95"]

||||||||||||||||


اول شي نبدأ بالفاهيتـــا عشان الدجاج يبيله نقع ..


المقادير ..

دجاج فيليه نقطع شرائح متوسطه تميل للصغر >>>احلفي هع هع

وبعدين نحطهم في خليط النقع اللي هو عباره عن ..

ملعقتين زيت زيتون

ملعقه صغيره لكل من :( كمون + ثوم بودره وتقدرين تستبدلينه بفصين ثوم مدقوقه + فلفل احمر حار اذا تبينه حراق + باربيكيا + بهارات مشكله + زعتر ناشف + ملح )

والكميه تزيد وتنقص على حسب كمية الدجاج المستهلك

عصير ليمونه ..

ملعقه كتشب

ملعقه شطه

وكذا نخلطهم مع بعض وننقع الدجاج لمدة ساعتين اهم شي يتنقع عشان يكسب نكهه اكثر





||||||||||||||||


نجي الحين للعجينه ..

المقادير ..

2كاس طحين

1 ملعقه كبيره بكنج باودر

ملعقه صغيره ملح


2ملعقه صغيره زيت زيتون

3\4 كاس حليب وهنا الحليب لاعطاءه الطراوه

نعجن المقادير مع بعض لنحصل على عجينه طريه ونخليها ترتاح 10 دقايق



وبعدين نقسمها الى 8 دوائر تحسينها مناسبه تسوي قرص دائري

ونخليها ترتاح 20 دقيقه



بعدين تفردين كل دائره فرد رقيق ارق شي عندك ز15 وتكونين مولعه تحت الصاج

وتحطين القرص وتخلينه الين يحمر من الجهتين وماراح ياخذ منك الا 3 دقايق تقريبا




طبعا كل ماتخلصين وحده حطيها بكيس عشان ماتنشف وتصير طريه ..

||||||||||||||||

نجي للفاهيتا ..

بعد ماخلصت ساعتين النقع

تقطعين بصل جوانح + فلفل رومي ويفضل يكون ملون الى شرائح

تجيبين قدر تحطين فيه الدجاج مع خلطة النقع وتحمسينه الى ان يستوي



||||||||||||||||

وبعدين تشيلينه وبنفس القدر تشوحين البصل

وتحطين الفلفل الرومي وتحطين الدجاج مره ثانيه وتخليهم شوي وترفعينه عن النار

||||||||||||||||

كذا خلصت اخذت الخبز دهنته بصوص الثوم ومقاديره ::

بطاطسه مسلوقه

ملعقه مايونيز

6 حبات ثوم


ونص كوب زيت

وملح وشوي مويه

واخلطيهم بالخلاط

ادهنوه بالخبز وحطو الحشوه وبالعافيه عليكم





وهنا السفرهـ..





ودمتم سالمين ..
م/ن

[/frame]